1 थिस्सलुनकियो 4:9 - मंडयाली नंऊँआं नियम

⁹ पर जेथी तक विस्वासी भाईया होर बैहणा किन्हें प्यार करणे री गल ई ता तेसरे बारे मन्झ ये जरूरी नी आ कि कोई हांऊँ तुस्सा जो लिखूं; क्यूंकि एक दूजे किन्हें प्यार रखणा तुस्से आप्हुए परमेसरा ले सिख्या।

1 थिस्सलुनकियो 4:9 Iomraidhean Croise

मत्ती 22:39

होर तेस साहीं ये दूजा हुक्म भी हाया कि, तू आपणे पड़ोसी किन्हें आपणे साहीं प्यार रख।

यहून्ना 14:26

पर मेरे बापू मेरे हका ले पवित्र आत्मा भेजणी, जो तुस्सा री मददगारा ई। तेस तुस्सा जो सभ गल्ला दसणी, होर जो कुछ मैं तुस्सा किन्हें बोलिरा तेस तुस्सा जो याद कराणा।”

चुणिरे चेले रे काम 4:32

होर विस्वास करणे वाल़ेया री मण्डली एक चित होर एक मना रे थे एथी तक कि कोई भी आपणी जायदाद आपणी नी बोल्दा था, पर सभ चीजा तिन्हा वाले बांडा री थी।

रोमियो 12:10

एक दूजे किन्हें एह्ड़ा प्यार करहा जिहां से तुस्सा रा सक्का भाई बैहण हो; लगातार आदर करणे मन्झ एक दूजे ले बढ़ी चला।

2 कुरिन्थियो 9:1

ऐबे एस ढब्बे रे बारे मन्झ जो यरुस्लेम सैहरा रे परमेसरा रे पवित्र लोका री सेऊआ रे कठे कठा कितेया जाहाँ, तिन्हारे बारे मन्झ मुंजो तुस्सा जो लिखणे री ज्रूरत नी ई।

फिलिप्पियो 3:15

इधी कठे आस्सा मन्झ जितने लोक आत्मिक रूपा ले स्याणे हुई गईरे, होर तुस्से सभ एक बराबर सोच रखा, होर अगर केसी गल्ला मन्झ तुस्सा री सोच लग ई, ता परमेसरा तुस्सा पर स्यों गल्ला जाहिर करी देणी।

1 थिस्सलुनकियो 5:1

हे भाईयो होर बैहणो, तुस्सा जो तेस टैम होर काला रे बारे मन्झ लिखणे री ज्रूरत नी कि प्रभु यीसू रा दबारा वापस आऊंणा केबे हूणा।

इब्रानियो 10:16

“जो नौंईं वाचा मां आऊणें वाले ध्याड़े मन्झ, तिन्हा साउगी बान्हणी, से येई कि मां आपणी व्यवस्था तिन्हो याद कुराणी, होर आपणी व्यवस्था तिन्हारे मना मन्झ पाई देणी।”

इब्रानियो 13:1

एक दूजे जो आपणा भाई होर बैहण समझी किन्हें प्यार करहा।

1 पतरस 3:8

आखरी मन्झ हांऊँ तुस्सा किन्हें ये बोलणा चाहां कि सभ आपु मन्झ एकता रखा, एक दूजे रा ध्यान रखा, आपणे परिवारा समझी किन्हें एक दूजे किन्हें प्यार करहा, एक दूजे पर दया करहा, होर नम्र बणा।

1 पतरस 4:8

होर सभी ले जरूरी गल येई कि एक दूजे किन्हें गहरा प्यार रखा; क्यूंकि अगर तुस्से एक दूजे किन्हें प्यार करहे, ता तुस्से तिन्हारी हमेसा केसी भी गलती जो माफ करणे रे कठे त्यार रहे।

2 पतरस 1:7

होर सच्ची भक्ति री जिन्दगी जीणा ही नी पर आपणे परिवारा साहीं दूजे विस्वासी भाई बैहणा किन्हें प्यार भी करहा।

1 यहून्ना 2:10

जो कोई आपणे भाई होर बैहणा किन्हें प्यार करहा, से प्रयासे मन्झ चला आ, होर तेस मन्झ एह्ड़ी कोई गल नी हुणी की से केसी जो पाप कुराहें।

1 यहून्ना 3:11

जो खबर तुस्से सुर्हू ले सुणेयां, से ये आ कि, आस्से एक दूजे किन्हें प्यार करहे।

1 यहून्ना 3:23

होर तेसरा हुक्म ये आ कि आस्से तेसरे मह्ठा यीसू मसीह रे नांऊँआं पर विस्वास करहे होर जेह्ड़ा तिन्हें आस्सा जो हुक्म दितिरा, तेता रे ई मताबक आस्से एक दूजे किन्हें प्यार करहे।

1 यहून्ना 4:21

होर तेस ले आस्सा जो ये हुक्म मिलिरा कि, जो कोई आपणे परमेसरा किन्हें प्यार रख्हा, से आपणे विस्वासी भाई होर बैहणा किन्हें भी प्यार रखे।