1 थिस्सलुनकियो 4:8 - मंडयाली नंऊँआं नियम

⁸ इधी कठे जो इन्हा बिधियो जो नी मनदा, से माह्णुं री नी, पर परमेसरा री बिधिया जो टाल्हा, जिन्हें आपणा पवित्र आत्मा तुस्सा जो दितिरा।

1 थिस्सलुनकियो 4:8 Iomraidhean Croise

लूका 10:16

“जो तुस्सा री सुणहां, से मेरी सुणहां होर जो तुस्सा जो बेकार जाणहां, से मुंजो बेकार जाणहां; होर जो मुंजो बेकार जाणहां, से मेरे भेजणे वाल़े परमेसरा जो बेकार जाणहां।”

यहून्ना 12:48

जो मुंजो बेकार जाणहां होर मेरी गल्ला नी मन्नदा, मेरे बोलिरे सच्चे बचना से दोसी ठैहराणा होर एस बचना आखरी ध्याड़े तेसरा न्याय करणा।

चुणिरे चेले रे काम 13:41

‘हे निंदा करणे वालेयो, देखा, हरान हुई जाऊआ होर मरी मिटी जाऊआ; क्यूंकि मैं तुस्सा रे जमाने मन्झ एक काम एह्ड़ा करहा; एह्ड़ा काम कि, अगर कोई तुस्सा किन्हें तेसरी चर्चा करहे, ता तुस्सा कधी विस्वास नी करणा।’”

रोमियो 5:5

होर ये आस आस्सा जो दुआस नी करदी क्यूंकि परमेसरे आस्सा जो पवित्र आत्मा दितिरी, होर से पवित्र आत्मा आस्सा रे दिला जो परमेसरा रे प्यारा किन्हें भरा।

1 कुरिन्थियो 2:10

पर परमेसरे यूँ गल्ला पवित्र आत्मा रे ज्रीए आस्सा चुणिरे चेले पर जाहिर किती; क्यूंकि पवित्र आत्मा सभ गल्ला जो तोप्हा ई, बल्की परमेसरा री गुप्त गल्ला जो भी।

1 कुरिन्थियो 7:40

पर मेरे विचारा ले, अगर से दबारा ब्याह नी करहे; ता तेस्सा होर भी ज्यादा खुस रहणा। हांऊँ सम्झहा कि जेबे हांऊँ एह्ड़ी गल्ला बोल्हा ता परमेसरा री आत्मा मेरे ज्रीए ये गल्ला करही।

गलातियो 4:6

जेब्की आस्से जो परमेसरा रे बच्चे ऐं, इधी कठे परमेसरे आपणे मह्ठे री आत्मा जो आस्सा रे दिला मन्झ भेजिरा, से ही आत्मा जो परमेसरा जो “हे बापू, हे बापू” बोली किन्हें पुकारी।

1 पतरस 1:12

पर परमेसरे नबिया पर ये गल जाहिर किती कि, स्यों जो गल्ला बोल्या करहा ऐं थे, स्यों तिन्हारे कठे नी पर तुस्सा रे कठे ई। से गल मसीह रे बारे मन्झ खुसी री खबर ई जो तुस्से ऐबे सुणी लईरी, परमेसरे पवित्र आत्मा जो स्वर्गा ले भेजी किन्हें लोका री मदद किती कि स्यों तुस्सा जो खुसी री खबर सुणाहें, होर ये बड़ी हरानी गल्ला ई कि स्वर्गदूत भी बड़े गौरा किन्हें इन्हा गल्ला जो हुंदे हुए देखी करहा ऐं।

2 पतरस 1:21

क्यूंकि कोई भी भविस्यवाणी माह्णुं री इच्छा ले नी लिखीरी, पर पवित्र आत्मे लोका रे विचार जो काबू करी किन्हे तिन्हा ले स्यों गल्ला लिखाई, जो परमेसरा तिन्हा ले लिखाणा चाहां था।

1 यहून्ना 3:24

होर जो परमेसरा रे हुक्मा जो मन्हां, स्यों परमेसरा मन्झ वास करहा; होर परमेसर तिन्हा मन्झ वास करहा, होर इंहां ईं, तेस पवित्र आत्मा ले जो तिन्हें आस्सा जो दितिरा, एता ले आस्से जाणहां ऐं कि, परमेसर आस्सा मन्झ वास करहा।

यहूदा 1:8

ठीक इंहां ईं ये लोक जो यीसू मसीह पर विस्वास करणे रा ढोंग करहे, स्यों दावा करहे परमेसरे तिन्हो दर्सना मन्झ जाहिर कितिरा कि लुचपन करी किन्हें स्यों आपणे सरीरा जो असुद्ध करी सक्हा ऐं, होर तिन्हो केसी रे हका मन्झ रैहणे री जरूरत नी, होर स्यों महिमामय स्वर्गदूता रे बारे मन्झ बुराई करी सक्हा ऐं।