1 थिस्सलुनकियो 4:5 - मंडयाली नंऊँआं नियम

⁵ होर बुरी इच्छा साउगी नी, जिहां अन्यजाति लोका करहे, जो परमेसरा जो नी जाणदे।

1 थिस्सलुनकियो 4:5 Iomraidhean Croise

मत्ती 6:32

क्यूंकि होर सारे लोक इन्हा सभ चीजा जो तोप्दे रैंहयां ऐं, होर तुस्सा रा स्वर्गीय बापू जाणहां कि, तुस्सा जो केस चीजा री ज्रूरत ई।

लूका 12:30

क्यूंकि संसारा री जातिया इन्हा सभ चीजा जो तोप्दे रैंहयां ऐं: होर तुस्सा रा बापू जाणहां कि, तुस्सा जो इन्हा चीजा री ज्रूरत ई।

चुणिरे चेले रे काम 17:23

क्यूंकि मैं घुमदे फिरदे हुए तुस्सा रे अराधना पाठ करणे री चीजा जो देख्या करहा था, ता एक एह्ड़ी बेदी भी मिली, जेस पर ये लिखिरा था कि, ‘अनजाणे इस्वरा रे कठे।’ इधी कठे जेसरी जे तुस्से बगैर जाणे प्छयाणे अराधना करहा ऐं, हांऊँ तुस्सा जो तेसरा बचन सुणाहां।”

रोमियो 1:24

एस वजहा ले परमेसरे स्यों तिन्हारी मना री इच्छा रे मताबक आपणे सरीरा जो गलत कामा रे कठे छाडी दितेया, ताकि स्यों आपु मन्झ बुरे कामा जो करदे हुए आपणे सरीरा रा अनादर करहे।

रोमियो 1:26

इधी कठे परमेसरे स्यों नीच काम करणे रे कठे छाडी दिते, एथी तक कि तिन्हारी ज्नानिया भी मर्धा साउगी जायज रिस्ते रे बजाय एक दूजे साउगी ही जिस्मानी रिस्ते रखदी लगी।

रोमियो 1:28

होर जेबे तिन्हो परमेसरा जो जाणना नर्क्कला लगेया, तेबे परमेसरे भी स्यों तिन्हारे नर्क्कले मना रे वसा मन्झ छाडी दिते, ताकि स्यों बुरे काम करहे।

1 कुरिन्थियो 1:21

क्यूंकि जेबे परमेसरे आपणे ज्ञाना रे मताबक देखेया कि संसारा रे लोक आपणे ज्ञाना रे ज्रीए तेस जो कधी नी जाणी सकदे, ता परमेसरा जो ये ठीक लग्या कि आस्सा री खुसी री खबरा जो प्रचार करणे रे ज्रीए विस्वास करणे वाले लोका रा उद्धार करहे, भले ही कुछ लोका जो ये गल नर्क्कली लगाई।

1 कुरिन्थियो 15:34

होसा मन्झ आऊ होर पाप करणा छाडी दे; हांऊँ तुस्सा जो ये गल सर्मिन्दा करणे रे कठे ये बोल्हा, क्यूंकि तुस्सा मन्झ ले कई एह्ड़े ऐं जो परमेसरा जो सही ढंगा किन्हें नी जाणदे।

गलातियो 4:8

पैहले तुस्से लोक जेबे परमेसरा जो नी जाणदे थे, ता तुस्से तेस टैम तिन्हारे गुलाम थे, जो असली मन्झ परमेसर हाए नी ऐं।

इफिसियो 2:12

तुस्से लोक तेस टैम मसीह जो नी जाणदे थे, होर परमेसरा रे चुणिरे लोक यानि इस्राएल देसा रे लोका मन्झ नी गिणी जांदे थे। होर परमेसरा रे लोका साउगी कितिरी वाचा रे भी साझीदार नी थे, होर एस संसारा मन्झ बगैर आस होर बगैर परमेसरा रे जिन्दगी जीये थे।

कुलुस्सियो 3:5

इधी कठे आपणे पाप रे स्वभाव ले जुड़ीरे बुरे कामा जो करणा छाडी देआ, जिहां कि व्यभिचार, असुद्धता, बुरी कामना, होर बुरी इच्छा। होर तुस्से केसी भी गल्ला रा लालच नी करहा क्यूंकि ये मूर्ति री पूजा करणे रे बराबर आ।

2 थिस्सलुनकियो 1:8

होर जो परमेसरा जो नी जाणदे, होर आस्सा रे प्रभु यीसू मसीह रे बारे मन्झ खुसी री खबरा जो नी मन्नदे, तेस तिन्हा जो सजा देणी।

1 पतरस 4:3

क्यूंकि परमेसरा पर विस्वास नी करणे वाले जिन्हा गल्ला ले खुस हुए, तिन्हा गल्ला जो करणे मन्झ तुस्से पैहले ई टैम गुआई दितेया, होर ऐबे भतेरा हुआ। होर स्यों गल्ला येई कि-लुचपन करणे री बुरी इच्छा, पी किन्हें मुताली जाणा, रंगरलिया, दारू-बाजी, होर घृणित मूर्ति री पूजा करणा।