1 थिस्सलुनकियो 4:4 - मंडयाली नंऊँआं नियम

⁴ होर तुस्सा मन्झा ले हर एक आदमी आपणी लाड़ी किन्हें पवित्रता होर इज्जता किन्हें रेहणा सीखी सको,

1 थिस्सलुनकियो 4:4 Iomraidhean Croise

चुणिरे चेले रे काम 9:15

पर प्रभुए तेस किन्हें बोल्या कि, “तू चला जा; क्यूंकि साऊल ता अन्यजाति लोका होर राजे माहराजे, होर इस्राएल देसा रे साम्हणें मेरा नांऊँ रा प्रचार करणे रे कठे मेरा चुणिरा एक जरीआ।

रोमियो 1:24

एस वजहा ले परमेसरे स्यों तिन्हारी मना री इच्छा रे मताबक आपणे सरीरा जो गलत कामा रे कठे छाडी दितेया, ताकि स्यों आपु मन्झ बुरे कामा जो करदे हुए आपणे सरीरा रा अनादर करहे।

रोमियो 12:1

इधी कठे हे भाईयो होर बैहणो, हांऊँ तुस्सा किन्हें परमेसरा री दया याद दिलाई किन्हें बिनती करहा कि आपणे आपा जो ही जिउंदे होर पवित्र, होर परमेसरा जो खुस करणे वाले बलिदान रे रूपा मन्झ चढ़ाऊआ; येई परमेसरा री अराधना करणे रा सच्चा तरीका आ।

रोमियो 6:19

केसी रे गुलाम हूंणे रे उदाहरणा जो हांऊँ इधी कठे देई करहा कि आम आदमी भी बड़ी असानी किन्हें समझी सके, क्यूंकि तुस्से हाल्ले भी आत्मिक सच्चाई जो समझणे रे कठे नासमझ ऐं। जिहां तुस्सा री पुराणी जिन्दगी मन्झ तुस्सा रे सरीरा रे अंग बुरी इच्छा रे गुलाम थे होर तुस्से हर किस्मा रे असुद्ध काम करहा ऐं थे, तिहां ईं ऐबे तुस्से आपणे सरीरा रे अंगा जो धार्मिकता रे काम करणे रे कठे परमेसरा रे गुलाम बणाऊआ, ताकि तुस्से पवित्र जिन्दगी जी सको।

1 कुरिन्थियो 6:15

तुस्से सच्चे जाणांहे कि तुस्सा रे सरीर मसीहा रे अंग ऐं। ता क्या आस्सो मसीहा रे एस अंगा जो लेई किन्हें वेस्या रे अंगा किन्हें जोड़ना चहिए? नी कधी नी।

1 कुरिन्थियो 7:2

क्यूंकि ये आम गल ई लोक नजायज रिस्ते मन्झ पई जाए, इधी कठे हांऊँ सलाह देआ कि हर एक मर्ध ब्याह करहे, होर आपणी लाड़ी किन्हें वफादार रहे।

1 कुरिन्थियो 7:9

पर अगर स्यों सबर नी करी सको, ता स्यों ब्याह करहे; क्यूंकि सरीरा री इच्छा साउगी लड़ने ले खरा कि ब्याह करी ले।

2 कुरिन्थियो 4:7

आस्से तिन्हा माटे रे भांडे साहीं ऐं जिन्हा मन्झ धन रखिरा आ। एता ले गल ये साफ हुई जाहीं कि ये असीम सामर्थ आस्सा री तरफा ले नी, बल्की परमेसरा री तरफा ले ई।

फिलिप्पियो 4:8

इधी कठे हे भाईयो होर बैहणो, जो-जो गल्ला सच्ची ई, जो-जो गल्ला आदरा रे लायक, होर जो-जो गल्ला ठीक ई, होर जो-जो गल्ला पवित्र ई, होर जो-जो गल्ला बांकी ई, होर जो-जो गल्ला तारीफ रे लायक ई, इधी कठे, जो-जो गल्ला सभी ले उतम होर बढ़ाई रे लायक ई, तिन्हा गल्ला पर तुस्सा रा मन लगेया रहे।

इब्रानियो 13:4

आपणे ब्याह रा आदर करहा, होर लाड़ा लाड़ी एक दूजे रे प्रति वफादार रहे। क्यूंकि परमेसरा व्यभिचारिया, होर नजायज रिस्ते रखणे रा न्याय करणा।

1 पतरस 3:7

तिहां ईं हे लाड़ेयो, तुस्से भी आपणी-आपणी लाड़ीया साउगी बड़ी समझदारी किन्हें जिन्दगी बिताऊआ। याद रखा की स्यों तुस्सा ले कमजोर ईं, इधी कठे तिन्हारी इज्जत करा, क्यूंकि तुस्से दुहें तेस अनंत जिन्दगी रे दान रे साझीदार हो, जो परमेसरे बड़े अनुग्रहा किन्हें दितिरा। एह्ड़ा इधी कठे करहा की जेबे तुस्से दुहें प्रार्थना करहे ता परमेसर तुस्सा री सुणी ले।