1 थिस्सलुनकियो 4:1 - मंडयाली नंऊँआं नियम

¹ हे भाईयो होर बैहणो ऐबे आखरी, आस्से तुस्सा ले अर्ज करहा ऐं, होर तुस्सा जो प्रभु यीसू मन्झ सम्झाहें कि, जिहां तुस्से आस्सा ले ठीक व्यवहार रखणा, होर परमेसरा जो खुस करणा सिख्या, होर तुस्से ठीक व्यवहार रख्हा ऐ भी, तिहां ईं इन्हा गल्ला मन्झ होर बी ज्यादा बढ़दे जाऊआ।

1 थिस्सलुनकियो 4:1 Iomraidhean Croise

यहून्ना 15:2

जो पांगे मेरे मन्झ ई, होर नी फलदी, तेता जो से काटी देहां, होर जो डाली फल्हा ई तेता जो से होर छांट्आं ताकि से होर फले।

चुणिरे चेले रे काम 20:27

क्यूंकि मैं परमेसरा री सारी इच्छा तुस्सा जो दसी दितिरी होर तेता मन्झ ले कुछ भी नी ल्कोई रा।”

रोमियो 8:8

क्यूंकि जो पापा रे स्वभाव रे अधीन ऐं, स्यों परमेसरा जो खुस नी करी सक्दे।

1 कुरिन्थियो 11:23

क्यूंकि जो गल्ला हांऊँ तुस्सा जो सखाई करहा, ये स्यों गल्ला ई जो प्रभुए ले मुंजो मिलिरी; कि प्रभु यीसू जेस राती से पकड़या गया तिन्हें रोटी लिती,

1 कुरिन्थियो 15:1

हे भाईयो होर बैहणो, हांऊँ तुस्सा जो सेई खुसी री खबर याद कुराहां, जो हांऊँ तुस्सा जो पैहले सुणाई बैठीरा, जेता पर तुस्से पैहले विस्वास भी कितिरा था, होर जेस पर तुस्सा रा विस्वास मजबूत बणीरा।

1 कुरिन्थियो 15:58

इधी कठे हे मेरे प्यारे भाईयो होर बैहणो, आपणे विस्वासा मन्झ मजबूत रैहया, कोई तुस्सा जो नी भड़काए, होर प्रभु रे कामा मन्झ हमेसा बढ़दे जाऊआ, क्यूंकि तुस्से जाणहां ऐं कि, तुस्से प्रभु रे कठे मैहनत करहे, से बेकार नी ई।

2 कुरिन्थियो 10:1

हांऊँ सेई पौलुस आ, जेसरे बारे मन्झ लोक बोल्हे कि जेबे हांऊँ तुस्सा रे साम्हणें हुआ ता बोलणे मन्झ फाहूका आ, पर तुस्सा ले दूर हूंणे पर कठोर हुई किन्हें बोला। तुस्सा ले मसीह री नम्रता, होर कोमलता री वजहा ले हांऊँ ये अर्ज करहा।

2 कुरिन्थियो 13:11

हे भाईयो होर बैहणो, ऐबे आखरी मन्झ हांऊँ बोलणा चांहा कि, खुस रैहया, सिद्ध बणदे जाऊआ, होर एक दूजे जो उत्साहित करो, एक ही मन रखा, मिली जुली किन्हें सांति किन्हें रैंहयां, तुस्सा किन्हें प्यार करणे वाल़ा होर सांति देणे वाल़ा परमेसरा तुस्सा साउगी रेहणा।

2 कुरिन्थियो 5:9

ऐस वजहा ले आस्सा रे मना री इच्छा येई कि, चाहे आस्से स्वर्गा मन्झ परमेसरा साउगी रहे, चाहे धरती मन्झ तेस ले दूर रहे, पर आस्से तेस जो खरे लगदे रहे।

2 कुरिन्थियो 6:1

आस्से परमेसरा साउगी काम करणे मन्झ लगिरे, आस्से ये अर्ज करहा ऐं कि, परमेसरा रा अनुग्रह जो तुस्सा पर हुईरा, तेस जो तुस्से बेकार नी जाणे देऊआ।

गलातियो 6:1

हे भाईयो होर बैहणो, तुस्से जो आपणी जिन्दगी आत्मा रे मताबक जीये, अगर ये पता चले कि कोई विस्वासी अपराध मन्झ पखड़ी गईरा, ता बड़ी नम्रता साउगी तेस जो सही रस्ते पर आऊणें रे कठे तेसरी मदद करहा। होर आपणी भी चौकसी करा कि, तुस्से आपु भी एह्ड़ी परीक्सा मन्झ नी पई जाए।

इफिसियो 4:1

इधी कठे हांऊँ, जो प्रभु यीसू री सेऊआ करणे री वजहा ले जेल्हा मन्झ कैद आ, तुस्सा ले अर्ज करहा कि, जेस बुलाहटा ले परमेसरे तुस्से आपणे लोक हूंणे रे कठे सादीरे, तेता रे मताबक आपणी जिन्दगी जीया।

इफिसियो 4:20

पर मसीह रे उपदेसा ले तुस्से एह्ड़ा करणा ता नी सिखिरा था।

इफिसियो 5:17

इधी कठे नर्क्कले मत बणा, पर समझदारी किन्हें ये जाणने री कोसिस करा कि, प्रभु क्या चाहां कि तुस्से करो।

फिलिप्पियो 1:27

बस इतना करा कि तुस्सा री जिन्दगी मसीह रे खुसी री खबरा रे लायक हुई सके। चाहे हांऊँ आई किन्हें तुस्सा जो देखूं, चाहे नी भी आऊँ, तुस्सा रे बारे मन्झ ये सुणूं कि, तुस्से एक ई इरादे ले, होर एक मन हुई किन्हें खुसी री खबरा रे विस्वासा रे कठे बड़ी मैहनत करहा ऐं।

फिलिप्पियो 1:9

होर हांऊँ ये प्रार्थना करहा कि, तुस्सा मन्झ सच्चाई रा ज्ञान होर सही फैसला लेणे री समझ बढ़दी रहे, होर एक दूजे किन्हें तुस्सा रा प्यार भी ज्यादा ले ज्यादा बढ़दे जाए।

फिलिप्पियो 3:14

हांऊँ न्साणे री तरफ आगे बड़ी करहा, ताकि इनाम पाऊं, होर मेरा इनाम ये आ कि परमेसरे हांऊँ स्वर्गीय जिन्दगी वखा जो सादिरा। ये एह्ड़ा इधी कठे हुआ क्यूंकि यीसू मसीह मेरे कठे मारी दितिरा था।

कुलुस्सियो 1:10

ताकि तुस्से परमेसरा री इच्छा रे मताबक आपणी जिन्दगी जी सको। तेबे तुस्सा हर गल्ला मन्झ प्रभु खुस करणा। जेस ले तुस्सा हमेसा हर किस्मा रे भले काम करी सको, होर तुस्से हमेसा परमेसरा जो जाणने मन्झ बढ़दे जाओ।

कुलुस्सियो 2:6

इधी कठे जिहां तुस्से मसीह यीसू जो प्रभु जाणी किन्हें मनी लईरा, तिहां ही मसीह मन्झ वास करणे वाले साहीं आपणी जिन्दगी जीया।

1 थिस्सलुनकियो 3:12

होर आस्से ये भी प्रार्थना करहे कि प्रभु एह्ड़ा करहे कि, जेह्ड़ा आस्से तुस्सा किन्हें प्यार रख्हा ऐं; तेह्ड़ा ई तुस्सा रा प्यार भी एक दूजे मन्झ, होर सभ माह्णुंआं साउगी बढ़े, होर तरक्की करदा जाए।

1 थिस्सलुनकियो 4:2

क्यूंकि तुस्से जाणहां ऐं कि, आस्से तुस्सा जो प्रभु यीसू रे दितिरे हका ले तुस्सा जो कुण-कुण बिधिया दिती।

1 थिस्सलुनकियो 5:12

होर हे भाईयो होर बैहणो, आस्से तुस्सा ले अर्ज करहा ऐं कि, तिन्हारी इज्जत करहा जो तुस्सा रे बीचा मन्झ रैहन्दे हुए तुस्सा रे कठे बौह्त मैहनत करहा ऐं, होर जो प्रभु मन्झ तुस्सा रे अगुवे ऐं, होर तुस्सा जो स्खाहें, तिन्हारी मना।

2 थिस्सलुनकियो 1:3

हे भाईयो होर बैहणो, तुस्सा रे बारे मन्झ आस्सो हमेसा परमेसरा रा धन्यावाद करणा चहिए। आस्सा रे कठे ये करणा ठीक भी आ, क्यूंकि यीसू मसीह मन्झ तुस्सा रा विस्वास बौह्त बढ़ी गईरा, होर एक दूजे किन्हें तुस्सा रा प्यार होर भी ज्यादा बढ़दा जाहाँ।

2 थिस्सलुनकियो 2:1

हे भाईयो होर बैहणो, ऐबे आस्से प्रभु यीसू मसीह रे दबारा वापस आऊणें, होर तेस साउगी मिलणे रे बारे मन्झ लिखणा चाहें।

2 थिस्सलुनकियो 3:1

ऐबे हे भाईयो होर बैहणो, आखरी मन्झ आस्से तुस्सा किन्हें ये गल्ला बोलणा चाहें, आस्सा रे कठे प्रार्थना करदे रैहया, ताकि आस्से प्रभु यीसू मसीह रे बारे मन्झ खुसी री खबरा जो बौह्त जल्दी हर जगहा मन्झ फैल्ही सके, जेस ले कि लोक विस्वास करी सके, जिहां कि तुस्से लोके भी विस्वास कितिरा।

2 थिस्सलुनकियो 3:13

हे भाईयो होर बैहणो तुस्से हिम्मत नी हारी किन्हें सही काम हमेसा करदे रैहया।

1 तिमिथियुस 5:21

परमेसर, मसीह यीसू, होर चुणिरे स्वर्गदूता रे साम्हणें हांऊँ तूजो ये आदेस देहां कि बिना केसी भेदभावा रे इन्हा बिधिया जो पूरा कर, होर सभी किन्हें एक जेह्ड़ा बर्ताव कर।

2 तिमिथियुस 4:1

जेबे मसीह यीसू राजेया साहीं राज करदे आऊंणा, तेबे तेस जिउंदेया रा होर मरिरे दुहीं रा न्याय करणा। होर इधी कठे परमेसर होर मसीह जो गुआह मनी किन्हें हांऊँ तुजो आदेस देआ,

इब्रानियो 11:6

होर विस्वासा रे बगैर परमेसरा जो खुस करणा नामुमकिन आ, क्यूंकि परमेसरा वाले आऊणें वाले जो पक्का विस्वास हूंणां चहिए कि परमेसर आ, होर से तिन्हो तिन्हारा इनाम देहां।

इब्रानियो 13:16

पर भलाई होर जरूरत मंद लोका किन्हें आपणी चीजे बाडणा देख्या भुल्दे, क्यूंकि परमेसर एह्ड़े बलिदाना ले खुस हुंहाँ।

इब्रानियो 13:22

हे भाईयो होर बैहणो, हांऊँ तुस्सा ले बिनती करहा कि, तुस्सा जो हिम्मत देणे रे कठे जो ये गल्ला मैं लिखिरी तिन्हा गल्ला जो बड़े सबरा किन्हें सुणी लऊआ; क्यूंकि मैं तुस्सा जो ये गल्ला थोह्ड़े सब्दा मन्झ लिखिरी।

2 पतरस 3:18

एता रे बजाय आस्सा रे प्रभु, होर उद्धारकर्ता यीसू मसीह रे अनुग्रहा जो होर ज्यादा ले ज्यादा मैहसूस करदे रैहया। होर तेसरे बारे मन्झ जो तुस्से समझ रखे तेता मन्झ बढ़दे जाऊआ। तेसरी बढ़ाई ऐबे, होर जुग-जुग हुन्दी रहे। आमीन।

1 यहून्ना 3:22

होर जो कुछ आस्से मांघ्हा ऐं, से आस्सा जो परमेसरा ले मिल्हा; क्यूंकि आस्से तेसरे हुक्मा जो मन्हां ऐं; होर जो तेस जो खरा लग्हा आस्से तेह्ड़ा ई करहा ऐं।