1 थिस्सलुनकियो 3:3 - मंडयाली नंऊँआं नियम

³ ताकि कोई इन्हा दुःखा री वजहा ले विस्वासा ले पीछे नी हटी जाए; क्यूंकि तुस्से आपु जाणहां ऐं कि आस्सो ये दुःख सैहणा ही आ।

1 थिस्सलुनकियो 3:3 Iomraidhean Croise

लूका 21:12

पर इन्हा सभ गल्ला ले पैहले तिन्हा मेरे चेले हूंणे री वजहा ले तुस्से पकड़ने, होर दुःख देणे, होर यहूदी सभा मन्झ सौंपणे, होर जेल्हा मन्झ पाणे, होर राजे होर हाकमा रे साम्हणें लई जाणे।

यहून्ना 16:2

तिन्हा तुस्से यहूदी सभा मन्झा ले काढी देणे। बल्कि एह्ड़ा टैम आहूँआं कि, जो कोई तुस्सा जो मारघा तेस ये समझणा कि से परमेसरा री सेऊआ करेया करहा।

यहून्ना 16:33

मैं ये गल्ला तुस्सा किन्हें इधी कठे बोली, ताकि तुस्सा जो मेरे मन्झ सांति मिलो; संसारा मन्झ तुस्सा जो कलेस हुंहाँ, पर हिम्मत करहा! मैं संसार जीती लईरा।”

चुणिरे चेले रे काम 14:22

होर हर गांऊँआं रे चेले रे मना जो मजबूत करदे रैहे होर ये उपदेस देंदे रैहे कि, “आस्सा जो बडे दुःख सही किन्हें परमेसरा रे राजा मन्झ दाखल करणा पऊणा।”

चुणिरे चेले रे काम 2:25

क्यूंकि राजा दाऊद तेसरे बारे मन्झ एह्ड़ा बोल्हा, कि मैं प्रभु जो हमेसा आपणे साम्हणें देख्दा रैंहयां क्यूंकि से मेरे साउगी आ, ताकि हांऊँ पई केते नी जाऊं।

चुणिरे चेले रे काम 21:11

तिन्हें आस्सा वाले आई किन्हें पौलुसा रे कमरा रा पटा लया, होर आपणे हाथ पैर बान्ही किन्हें बोल्या, “पवित्र आत्मा ऐं बोल्हा कि, ‘जेस आदमी री कमरा रा ऐं पटा आ, से यरुस्लेम सैहरा मन्झ यहूदी लोका इंहां बान्हणा, होर अन्यजाति लोका रे हाथा मन्झ सौंपणा।’”

चुणिरे चेले रे काम 21:13

एता पर पौलुसे जवाब दितेया कि, “तुस्से क्या करेया करहा ऐं कि, रोई-रोई किन्हें मेरा दिल तोड़हा ऐं, हांऊँ ता प्रभु यीसू रे नांऊँआं रे कठे यरुस्लेम सैहरा मन्झ सिर्फ बान्हेया जाणे रे कठे नी, पर मरणे रे कठे भी त्यार आ।”

चुणिरे चेले रे काम 9:16

मां तेस जो दसणा कि, मेरे नांऊँआं रे कठे तेस जो केह्ड़ा-केह्ड़ा दुःख उठाणा पऊणा।”

रोमियो 5:3

सिर्फ येई नी, पर आस्से दुःखा जो सैहण रे कठे भी खुस हुयें, एह्ड़ा जाणी किन्हें कि दुःखा सैहण करणे ले सबर बधां।

1 कुरिन्थियो 15:58

इधी कठे हे मेरे प्यारे भाईयो होर बैहणो, आपणे विस्वासा मन्झ मजबूत रैहया, कोई तुस्सा जो नी भड़काए, होर प्रभु रे कामा मन्झ हमेसा बढ़दे जाऊआ, क्यूंकि तुस्से जाणहां ऐं कि, तुस्से प्रभु रे कठे मैहनत करहे, से बेकार नी ई।

1 कुरिन्थियो 4:9

मुंजो एह्ड़ा लगी करहा कि परमेसरे आस्से चुणिरे चेलेया जो सभी ले पिछली जगहा मन्झ रखिरा, यानि तिन्हा कैदिया साहीं जिन्हों राजा रे लड़ाई रे बादा मन्झ हूंणे वाली, जितिरी यात्रा मन्झ सभी री पिछली जगहा मन्झ रखायें। जिन्हारा जंगली जानवरा रा मारणा सभ लोक देख्हे; एथी तक लोक ही नी पर स्वर्गदूता होर सारे माह्णुं आस्सो देख्हे, जिहां कि स्यों तमासा देखी करहे।

इफिसियो 3:13

इधी कठे हांऊँ अर्ज करहा कि जो दुःख हांऊँ तुस्सा रे कठे सहन करी करहा, तेता री वजहा ले हिम्मत नी छाडा, क्यूंकि ये सब कुछ तुस्सा रे भले रे कठे आ।

फिलिप्पियो 1:28

होर केसी गल्ला मन्झ व्रोधिया ले नी डरा; ये तिन्हारे कठे ता विनासा रा होर तुस्सा रे कठे उद्धारा रा साफ सबूत आ; होर ये परमेसरा री तरफा ले आ।

कुलुस्सियो 1:23

पर तुस्से मसीह रे विस्वासा री नींऊँआं पर मजबूत बणी रहो। तेस आसा नी छाडो जो तुस्सा जो खुसी री खबरा सुणने पर मिलिरी, जेसरा प्रचार सारे संसारा रे लोका रे कठे पुरे संसारा मन्झ कितिरा। होर हांऊँ पौलुस एस खुसी री खबरा जो सुणाणे रा सेऊआदार बणेया।

1 थिस्सलुनकियो 5:9

क्यूंकि परमेसरे आस्सा जो गुस्से मन्झ सजा देणे रे कठे नी चुणिरा, पर इधी कठे चुणिरा, ताकि आस्से आपणे प्रभु यीसू मसीह रे ज्रीए उद्धार पाए।

2 थिस्सलुनकियो 1:4

इधी कठे आस्से परमेसरा री कलीसिया रे विस्वासी लोका रे बीचा मन्झ तुस्सा रे बारे मन्झ बडयाई करहा ऐं। हालांकि तुस्से बौह्त सारे उपद्रव होर दुःख सैहन करहा ऐं, तेबे भी तुस्से धीरज रखी किन्हें यीसू मसीह पर विस्वास करहे।

2 तिमिथियुस 1:8

इधी कठे प्रभु यीसू मसीह रे बारे मन्झ दूजेयो जो दसणे रे कठे सर्मिन्दा नी हो, होर एता रे कठे भी सर्मिन्दा नी हो कि तेसरी सेऊआ करणे री वजहा ले हांऊँ हाले भी जेल्हा मन्झ आ। एता रे बजाय परमेसर जो तुस्सा जो सामर्था देआ, तेता रे ज्रीए खुसी री खबरा रे सुनाणे रे कठे मेरे साउगी दुःख उठा।

1 पतरस 2:21

होर एक वजहा ये भी की परमेसरे तुस्से चुणिरे कि तुस्से मसीह रे कठे दुःख सहन करो। मसीहे भी तुस्सा रे कठे दुःख उठाया, होर एह्ड़ा करी किन्हें तिन्हें तुस्सा रे कठे एक उदाहरण छाडेया कि, तुस्से भी तेसरे पद चिन्हा पर चली सको।

प्रकासना री गल्ला 2:10

जो दुःख तुध सैहणे, तिन्हा ले मत डर। सैताना तुस्सा मन्झा ले लोका जो पकड़ाई किन्हें जेल्हा मन्झ पाणे, ताकि तुस्से परखे जाओ; होर तुस्सा जो दस ध्याड़े तक क्लेस उठाणा पऊणा। प्राण देणे तक मेरे पर विस्वास करदा रैह, तेबे मां तुजो जीता रे इनाम मन्झ अनंत जिन्दगी देणी, जो ताजा साहीं ई।

प्रकासना री गल्ला 2:13

हांऊँ ये ता जाणहां कि, तू जेस सैहरा मन्झ रैंहयां, जेथी सैताना रा गढ़ आ। तू मेरे कठे वफादार रैहया, होर तैं कधी मेरे पर विस्वास करणा नी छाडेया। तेबे भी नी जेबे अन्तिपास तुस्सा रे सैहरा मन्झ मारी दितिरा था, जेथी जे सैताना रा वास आ, क्यूंकि से भरोसे रे लायक सेऊआदार था जिन्हें मेरे बारे मन्झ प्रचार कितिरा था।