1 थिस्सलुनकियो 2:9 - मंडयाली नंऊँआं नियम

⁹ क्यूंकि हे भाईयो होर बैहणो, तुस्से आस्सा री कढ़ी मैहनता जो याद करहा ऐं कि, आस्से रात ध्याड़ काम धंधा करी किन्हें तुस्सा जो परमेसरा री खुसी री खबरा रा प्रचार कितेया, ताकि आस्से तुस्सा मन्झा ले केसी पर बोझ नी बणे।

1 थिस्सलुनकियो 2:9 Iomraidhean Croise

लूका 18:7

एता कठे क्या परमेसरा आपणे चुणिरे लोका रा न्याय नी चुकाणा, जो राती ध्याड़ी तेसरी दुहाई देहां ऐं, होर क्या तेस तिन्हारे बारे मन्झ देर करणी?

लूका 2:37

हन्नाह चुरासी साला ले एक विधवा री जिन्दगी जिया करहा ई थी; होर तेस्से हमेसा मन्दरा मन्झ रही किन्हें परमेसरा री राती ध्याड़ी अराधना किती, होर से हमेसा ब्रत होर प्रार्थना करदी रैंहयां थी।

चुणिरे चेले रे काम 18:3

पौलूस होर तिन्हारा काम धंधा एक ई था इधी कठे से तिन्हा साउगी रैंहयां होर काम करदा लग्या होर स्यों तम्बू बनाणे रा काम करहा ऐं थे।

चुणिरे चेले रे काम 20:24

पर मेरे कठे, मेरे जाना री कोई कीमत नी ई; मैं ता बस तेस दौड़ा जो होर सेऊआ जो पूरी करणा चाहां; जो मैं परमेसरा री अनुग्रह रे खुसी री खबरा पर गुआही देणे रे कठे प्रभु यीसू ले पाईरी थी।”

चुणिरे चेले रे काम 20:31

इधी कठे चतन्न रैहया, होर याद करा कि राती ध्याड़ी तीन साल तक मैं तुस्सा जो यीसू मसीह रे सच्चे संदेसा रे उपदेस दिते होर मैं तुस्से आंसू बहाई किन्हें चिताये, ताकि तुस्से प्रभु रे प्रति वफादार बणी रहो।”

रोमियो 1:1

हांऊँ पौलुस ये चिट्ठी लिख्या करहा। हांऊँ यीसू मसीहा रा सेऊआदार आ। परमेसरे एक चुणिरा चेले रे रूपा मन्झ मेरा चुणाव कितेया, होर परमेसरे हांऊँ खुसी री खबर सुनाणे रे कठे नियुक्त कितिरा।

रोमियो 15:16

कि हांऊँ अन्यजाति रे लोका रे कठे मसीह यीसू रा सेऊआदार हुई किन्हें एक याजका साहीं परमेसरा रे वखा ले खुसी री खबरा रा प्रचार करहा। जेस ले अन्यजाति लोका जो जिन्हा जो पवित्र आत्मे पवित्र कितिरा, तिन्हा जो हांऊँ परमेसरा जो चढावे मन्झ चढ़ाई सकूं, जेस ले परमेसरा खुस हूंणा।

रोमियो 15:19

पवित्र आत्मा रे दितिरे सामर्था ले हांऊँ चिन्ह होर नौखे काम करहा। होर इधी कठे यरुस्लेम सैहरा ले लई किन्हे इल्लुरिकुमा जिल्ले तक हांऊँ जेथी तक गया तेथी मै सारे लोका किन्हें मसीह रे बारे मन्झ खुसी री खबरा रा प्रचार कितेया।

1 कुरिन्थियो 4:12

होर आस्से आपणे हाथा ले मैहनत करहा ऐं। जेबे लोक आस्सा जो बुरा बोल्हा ऐं, ता आस्से तिन्हो आसरीवाद देहां ऐं; जेबे लोक आस्सो स्ताहें, ता आस्से सबरा किन्हें सैहन करहा ऐं।

1 कुरिन्थियो 9:15

पर इन्हा हका मन्झा ले मैं एकी रा भी कधी इस्तेमाल नी कितेया। होर ये गल्ला मैं इधी कठे नी लिखी कि, ऐबे तुस्सा मेरे कठे एह्ड़ा करणा। बिलकुल भी नी! मेरे कठे मरणा ठीक आ एता रे बजाय कि हांऊँ तुस्सा ले मदद मांगू, क्यूंकि अगर मैं तुस्सा ले मजदूरी पाई ता फेरी हांऊँ एस गल्ला पर बडयाई नी करी सकदा कि मैं बिना कुछ लितिरे तुस्सा रे कठे काम कितिरा।

1 कुरिन्थियो 9:18

ता मेरी मजदूरी क्या ई? मेरी मजदूरी येई कि हांऊँ बिना केसी ले मजदूरी जो लितिरे खुसी री खबरा रा प्रचार करी सक्हा। हालांकि मुंजो खर्चा मांगणे रा पूरा हक आ।

1 कुरिन्थियो 9:4

मेरा होर बरनबासा रा पुरा हक आ कि आस्से तुस्सा लोका ले पैसे री मदद लेई सके।

2 कुरिन्थियो 11:27

मैं मैहनत किती होर संघर्स कितेया, होर कई रातीया जागी किन्हें काटी। हांऊँ भूख-प्यासा रहा होर खाणे रे कठे कुछ नी था। होर मैं ठंडा रे ध्याड़े काटीरे, होर मेरे वाले निघे कपड़े नी थे।

2 कुरिन्थियो 11:9

होर जेबे हांऊँ तुस्सा साउगी था, होर मुंजो पैसे री कमी हुई, ता मैं केसी पर भार नी पाया, क्यूंकि विस्वासी लोके, मकीदुनिया ईलाके ले आई किन्हें मेरी कमी पूरी किती। होर मैं केसी गल्ला मन्झ आपणे आपा जो तुस्सा पर बोझ नी बणने दितेया, होर ना आगे बणने देणा।

2 कुरिन्थियो 6:5

आस्से कोड़े खाधे, आस्सा जो जेल्हा मन्झ पाई दितेया, होर दंगे फसादा मन्झ आस्सो चोट लगी। आस्से बढ़ी मैहनत किती, बगैर सोये होर बगैर खाणे-पीणे रे रहे।

फिलिप्पियो 4:16

जेबे हांऊँ थिस्सलुनिके सैहरा मन्झ था, तेबे भी तुस्से मेरी ज्रूरत पूरी करणे रे कठे एक बार नी बल्की दो बारी मददा रे कठे पैसे भेजे।

1 थिस्सलुनकियो 1:3

होर जेबे आस्से आपणे बापू परमेसरा किन्हें प्रार्थना करहा ऐं, तुस्सा रे कामा रे कठे जो विस्वासा री वजहा ले तुस्से करहा ऐं, होर दूजेया किन्हें प्यार करणे रे कठे जो मैहनत करहा ऐं, होर आस्सा रे प्रभु यीसू मसीह मन्झ उम्मीद रखणे रे वजहा ले जो धीरज पैदा हुंहाँ, तिन्हा गल्ला जो आस्से हमेसा याद करहा ऐं।

1 थिस्सलुनकियो 2:2

बल्की तुस्से आपु ई जाणहां ऐं कि, फिलिप्पी सैहरा मन्झ दुःख उठाणे होर दंगे सैहणे ले बाद भी आस्सा जो परमेसरे एह्ड़ी हिम्मत दिती कि लोका रा घोर व्रोध करणे पर भी तुस्सा रे सैहरा मन्झ भी आस्से तुस्सा जो परमेसरा री खुसी री खबर सुणाई सके।

1 थिस्सलुनकियो 2:6

आस्से माह्णुंआं ले आदर नी चाहंदे थे, होर ना तुस्सा ले, होर ना केसी होरी ले, जेब्की मसीह रे चुणिरा चेला हूंणे रे नाते तुस्सा ले मदद लैणी आस्सा रा हक था।

1 थिस्सलुनकियो 3:10

आस्से राती ध्याड़ी दिला किन्हें प्रार्थना करहा ऐं, ताकि आस्से दबारा तुस्सो देखी सके, होर तुस्सा री मदद करहे कि तुस्से प्रभु यीसू मसीह पर होर ज्यादा विस्वासा करी सको।

1 तिमिथियुस 1:11

ये सच्चा उपदेस आस्सा रे परमप्रधान परमेसरा री महिमा री खुसी री खबरा रे मताबक ई, जिन्हें मुंजो एता री प्रचार करणे री जिम्मेदारी दितिरी।

1 तिमिथियुस 4:10

आस्से एस जिन्दगी जो पाणे रे कठे मैहनत होर कोसिस इधी कठे करहा ऐं, क्यूंकि आस्सा री आस तेस जिउंदे परमेसरा पर ई, जो सभ माह्णुंआं रा, होर खास कर विस्वासी लोका रा उद्धारकर्ता आ।

1 तिमिथियुस 5:5

जेस्सा विधवा री देखभाल करणे रे कठे कोई नी हो; से सिर्फ परमेसरा पर आस रख्हा ई, होर राती ध्याड़ी विनती होर प्रार्थना मन्झ लगी रैंहीं कि परमेसर तेस्सा री मदद करहे।

2 तिमिथियुस 1:3

हांऊँ तेस परमेसरा रा धन्यावाद करहा, जेसरी मैं होर मेरे बापदादे जिन्हारी सेऊआ सुद्ध अंतरात्मा किन्हें कितिरी। राती ध्याड़ी जेबे भी हांऊँ प्रार्थना करहा, ता तुस्सा रे कठे याद करी किन्हें प्रार्थना करहा।