1 थिस्सलुनकियो 2:5 - मंडयाली नंऊँआं नियम

⁵ तुस्से जाणहां ऐं कि, आस्से ना कधी चापलूसी री गल्ला करहा ऐं थे, होर ना ही लालचा री वजहा ले कोई काम कितिरा। होर परमेसर गुआही देआ कि आस्से एह्ड़ा काम नी कितिरा।

1 थिस्सलुनकियो 2:5 Iomraidhean Croise

2 कुरिन्थियो 12:17

मैं तितुसा जो होर विस्वासी भाई जो कधी भी तुस्सा वाले भेजी किन्हें ढब्बे री मदद नी मांगी।

रोमियो 1:9

परमेसर मेरा गुआह आ कि, कियां हांऊँ तुस्सा सभी जो आपणी प्रार्थना मन्झ लगातार याद करदा रैंहयां। से परमेसर, जेसरे मह्ठे री खुसी री खबरा जो हांऊँ पुरे मना किन्हें प्रचार करहा।

चुणिरे चेले रे काम 20:33

“मैं केसी री चांदी रा सोने या कपड़े रा लालच नी कितेया।

गलातियो 1:20

परमेसर मेरा गुआह आ कि, जो गल्ला हांऊँ तुस्सा जो लिख्या करहा, तेता मन्झ कोई भी झूठ नी आ।

2 पतरस 2:3

एह्ड़े स्खाणे वाले लोक लालची हूंणे, होर मन घड़न्त कहाणीया बणाई किन्हें पैसा कमाणे रे कठे तुस्सा जो धोखा देणा। परमेसरे बौह्त पैहले ले ही इन्हों सजा देणे रा फैसला कितिरा था। होर ऐबे से करणे रे कठे त्यार आ, तेस सच्चे स्यों नास करी देणे।

1 पतरस 5:2

कि विस्वासी लोका रे झुंडा री देखभाल करा; जो परमेसरा री, होर जो तुस्सा जो दितिरी की तुस्से तिन्हारी देखभाल करी सको। होर तिन्हारी देखभाल खुसी किन्हें करहा, कोई जोर जबरदस्ती किन्हें नी, क्यूंकि ये ही परमेसरा री इच्छा ई। एह्ड़ा तुस्से नीच कमाई रे कठे नी, पर सच्चे तिन्हारी मदद करणे रे कठे करा।

तितुस 1:7

होर एक कलीसिया रा अगुवा परमेसरा रा भंडारी हूंणे री वजहा ले बेकसूर हूंणां चहिए; ना हठी, ना गुस्सा करणे वाल़ा, ना दारुबाज, ना मारपीट करणे वाल़ा हो, होर ना दूजेया जो धोखा देई किन्हें पैसे कमाणे री इच्छा रखदा हो।

1 थिस्सलुनकियो 2:10

तुस्से आपु ई गुआह ऐं, होर तिहां ईं परमेसर भी गुआह आ कि, तुस्सा सभी विस्वासी लोका साउगी आस्सा रा व्यवहार कितना पवित्र, धार्मिक, होर बेकसूर था।

2 कुरिन्थियो 7:2

तुस्से आस्सा किन्हें पूरा दिला ले प्यारा करहा। आस्से ना ता केसी किन्हें अन्याय कितेया, ना केसी रा कुछ बिगाड़ेया, होर ना केसी किन्हें बईमानी किती।

2 पतरस 2:18

जेबे स्यों लोको स्खायें, स्यों बेकार होर बडयाई री गल्ला जो बोल्हे। स्यों बोल्हे कि स्यों आपणी सरीरा री इच्छा रे मताबक बेज्जत करणे वाली सारी गल्ला जो करही सक्हा ऐं। होर जिन्हें लोके ऐबे-ऐबे बुरे काम करणा छाडी किन्हें विस्वासी बणिरे, स्यों तिन्हा जो धोखा देई किन्हें वापस पाप करणे रे कठे हिम्मत दे।

1 तिमिथियुस 3:8

कलीसिया रे अगुवे साहीं कलीसिया रे सेऊआदार भी एह्ड़े लोक हो जिन्हारी लोक इज्जत करदे हो, होर जो कुछ स्यों बोलदे हो तेता मन्झ इमानदार हो, सराबी होर दूजेया जो धोखा देई किन्हें पैसे कमाणे वाले नी हो।

1 तिमिथियुस 3:3

से दारुबाज या मारपीट करणे वाल़ा नी हो; बल्की दूजेया पर दया करणे वाल़ा हो। होर ना झगड़ा करणे वाल़ा हो होर ना पैसे रा लालच करणे वाल़ा हो।

2 कुरिन्थियो 4:2

बल्की आस्से ता बेज्जती री गल्ला होर गुप्त काम करणा छाडी दिते, ना आस्से चलाकी करहा ऐं, होर ना आस्से परमेसरा रे बचना मन्झ मिलावट करहा ऐं, बल्की परमेसरा रे साम्हणें सिर्फ सच्चाई री गल्ला बोल्हा ऐ। होर हर माह्णुं एस गल्ला री गुआही देई सकां कि आस्से सच्चे ऐं।

2 कुरिन्थियो 2:17

क्यूंकि आस्से तिन्हा साहीं नी ऐं, जो परमेसरा रे बचना रा प्रचार अमीर हूंणे रे कठे करहा ऐं; बल्की ये जाणी किन्हें कि आस्से परमेसरा रे भेजिरे। आपणी मना री सच्चाई किन्हें मसीह रे हका रे ज्रीए परमेसरा री उपस्थिति मन्झ तेसरे बचना रा प्रचार करहा ऐं।

रोमियो 16:18

क्यूंकि एह्ड़े लोक आस्सा रे प्रभु मसीह री सेऊआ नी करदे, पर आपणी व्यक्तिगत इच्छा जो पूरी करहा ऐं, होर चिकनी चुपड़ी गल्ला किन्हें सीधे सादे लोका जो धोखा दें।

रोमियो 9:1

ऐबे अगर परमेसरा रे प्यारा ले कोई आस्सो लग नी करी सकदा, ता किधियो इस्राएल देसा रे लोक परमेसरा ले दूर हुई गये जो मेरे आपणे यहूदी लोक ऐं, मुंजो एस गल्ला ले बौह्त दुःख आ होर मेरे दिला मन्झ तिन्हारे रे कठे बौह्त बोझ आ। मेरे आपणे लोका रे छुटकारे कठे अगर मेरे पर दोस लगे या हांऊँ मसीह ले लग भी कितेया जांऊँ, तेबे भी हांऊँ एता रे कठे त्यार आ। होर हांऊँ सच्च बोला कि मसीह मेरा गुआह आ। मेरी अंतरात्मा होर पवित्र आत्मा भी एस गल्ला री गुआही देआ कि हांऊँ झूठ नी बोलदा।

मत्ती 23:13

हे व्यवस्था स्खाणे वाल़े होर फरीसी लोको तुस्से पाखंडी ऐं, तुस्सा जो बौह्त सजा मिलणी! तुस्से माह्णुं रे कठे स्वर्गा रे राजे रे दुराजे बन्द करहा ऐं। तुस्से ना ता आपु ई तेस मन्झ दाखल हुंहाँ ऐं, होर ना तेस मन्झ होरी जो दाखल हूंणां देहां ऐं।

मत्ती 22:16

होर तिन्हें राजा हेरोदेसा रा साथ देणे वाल़े लोका साउगी आपणे कुछ चेले तेस वाले ये बोलणे रे कठे भेजे कि, “हे गुरु, आस्से जाणहां ऐं कि, तू सच्चा आ, होर परमेसरा री गल्ला सच्चाई किन्हें स्खाहां, होर केसी री परवाह नी करदा। क्यूंकि तू माह्णुं रा मुंह देखी किन्हें गल्ला नी करदा।

यहूदा 1:11

तिन्हा जो बौह्त सजा मिलणी! तिन्हें आदमा रे मह्ठे कैना साहीं बुरे काम किते, जिन्हें आपणे भाई रा खून कितेया। जिहां बिलामे पैसा कमाणे रे कठे लोका ले पाप कुराया था, तिहां ही जल्दबाजी मन्झ झूठे उपदेस देणे वाले भी ये गलती किती। होर जिहां मूसा रे विरोध करणे री वजहा ले परमेसरे कोरहा जो नास करी दितिरा था, तिहां ही ये लोक भी नास किते जाणे, क्यूंकि ये लोक प्रभु रा बिरोध करी करहा ऐं।