1 थिस्सलुनकियो 2:4 - मंडयाली नंऊँआं नियम

⁴ पर जिहां परमेसरे आस्सा जो लायक समझी किन्हें आपणी खुसी री खबर आस्सा जो दिती। इधी कठे आस्से माह्णुंआं जो नी पर दिला जो जांचने वाले परमेसरा जो खुस करणे रे कठे प्रचार करहा ऐं।

1 थिस्सलुनकियो 2:4 Iomraidhean Croise

लूका 12:42

प्रभुए बोल्या, “भरोसे रे लायक होर समझदार भंडारी से आ, जेसरा माल्क तेस जो नौकर चाकरा पर मुखिया बणा कि, से तिन्हा जो टैमा पर खाणा दे।

लूका 16:11

इधी कठे जेबे तुस्से सांसारिक धन दौलता रे कठे ईमानदार नी रहे ता स्वर्गा री सच्ची दौलता रे बारे मन्झ तुस्सा पर केस भरोसा करणा?

यहून्ना 21:17

यीसूऐ त्रीजी बारी तेस किन्हें बोल्या, “हे समौन यहून्ना रे मह्ठे, क्या तू मुंजो चाहां?” पतरस दुआस हुई गया कि, तिन्हें तेस किन्हें त्रीजी बारी एह्ड़ा पूछेया कि, “क्या तू मुंजो चाहां?” होर तेस किन्हें बोल्या, “हे प्रभु तू ता सभ कुछ जाणहां, तू ये जाणहां कि हांऊँ तुजो चाहां।” यीसूए तेस किन्हें बोल्या, “मेरी भेडा जो चरा।”

रोमियो 8:27

होर परमेसर जो सभ कुछ जाणहां से पवित्र आत्मा री मना री गल्ला जो जाणहां। क्यूंकि से पवित्र आत्मा परमेसरा रे पवित्र लोका रे कठे परमेसरा री इच्छा रे मताबक अर्ज करहा।

1 कुरिन्थियो 7:25

कुआरिया रे बारे मन्झ प्रभु रा कोई हुक्म मुंजो नी मिलिरा, पर प्रभुए आपणी दया ले मुंजो भरोसे रे लायक ज्ञान दितिरा होर तेता री वजहा ले हांऊँ आपणी राय देहां।

1 कुरिन्थियो 9:17

क्यूंकि अगर हांऊँ आपणी इच्छा ले ये काम करहा, ता मुंजो मजदूरी मिल्हा ई, होर अगर हांऊँ आपणी इच्छा ले नी करूं, तेबे भी जो जिम्मेदारी परमेसरे मुंजो दितिरी, तेस्सा जो हांऊँ पूरा करहा।

2 कुरिन्थियो 2:17

क्यूंकि आस्से तिन्हा साहीं नी ऐं, जो परमेसरा रे बचना रा प्रचार अमीर हूंणे रे कठे करहा ऐं; बल्की ये जाणी किन्हें कि आस्से परमेसरा रे भेजिरे। आपणी मना री सच्चाई किन्हें मसीह रे हका रे ज्रीए परमेसरा री उपस्थिति मन्झ तेसरे बचना रा प्रचार करहा ऐं।

2 कुरिन्थियो 4:2

बल्की आस्से ता बेज्जती री गल्ला होर गुप्त काम करणा छाडी दिते, ना आस्से चलाकी करहा ऐं, होर ना आस्से परमेसरा रे बचना मन्झ मिलावट करहा ऐं, बल्की परमेसरा रे साम्हणें सिर्फ सच्चाई री गल्ला बोल्हा ऐ। होर हर माह्णुं एस गल्ला री गुआही देई सकां कि आस्से सच्चे ऐं।

2 कुरिन्थियो 5:11

इधी कठे प्रभु रा डर मनी किन्हें आस्से लोका ले अर्ज करहा ऐं कि स्यों सच्चाई पर विस्वास करहे, होर परमेसरा जाणहां कि सच्चे आस्से कुणहें। होर मेरी उम्मीद येई कि, सच्चमुच तुस्से भी आपणी अन्तरात्मा मन्झ आस्सो जाणी लो।

2 कुरिन्थियो 5:16

इधी कठे ऐबे ले आस्से केसी जो भी माह्णुंआं री नजरा ले नी देखणा, होर अगर आस्से मसीह जो भी माह्णुंआं री नजरा ले देखे थे, पर ऐबे ले आस्सा से एह्ड़ा नी देखणा; क्यूंकि ऐबे आस्से तेस जो जाणी गईरे।

गलातियो 1:10

ऐबे हांऊँ सिर्फ परमेसरा री राजी चाहां, होर कोई दूजे लोका री नी, होर हांऊँ केसी माह्णुंआं जो खुस करणे री कोसिस नी करदा लगिरा। अगर हांऊँ एह्ड़ा ही करदा, ता हांऊँ मसीह रा सेऊआदार नी हुन्दा।

गलातियो 2:7

पर एता ले उल्टा जेबे तिन्हें अगुवे देख्या कि, जिहां परमेसरे पतरसा जो यहूदी लोका जो खुसी री खबरा रा प्रचार करणे रा काम करणे रे कठे नियुक्त कितेया, तिहां ई गैर-यहूदी लोका जो खुसी री खबरा रा प्रचार करणे रे कठे हांऊँ नियुक्त कितेया।

इफिसियो 3:8

हालांकि परमेसरे रे पवित्र लोका मन्झा ले हांऊँ सभी ले छोटा आ। फेरी भी परमेसरे मेरे पर ये अनुग्रह कितेया कि हांऊँ गैर-यहूदी लोका जो ये खुसी री खबर सुणाई सकूं कि, मसीह ले मिलणे वाली आसीसे इतनी बडी कि तिन्हारा आस्से बखान नी करी सकदे।

इफिसियो 6:6

होर माह्णुंआं जो खुस करणे वाले साहीं दिखाऊआ करणे रे कठे आपणे माल्का री सेऊआ नी करा। तुस्से मसीह रे गुलाम ऐं, इधी कठे तुस्से आपणे पुरे दिला ले से ही करहा, जो परमेसर तुस्सा ले चाहां।

कुलुस्सियो 3:22

हे गुलामो, माह्णुंआं जो खुस करणे वाल़ेया साहीं सिर्फ दिखावटी रूपा ले नी, बल्की प्रभु रा डर मन्नदे हुए, ईमानदारी किन्हें आपणे संसारा रे माल्का री सभ गल्ला जो मना।

1 तिमिथियुस 6:20

हे तिमिथियुस, परमेसरे जो काम तुजो सौंपी रा, तू तेता जो पूरा कर। जो गल्ला आत्मिक नी, होर बेकारा री बैहसा ले दूर रह, होर तिन्हा ले भी जो परमेसरा रे सच्चे उपदेसा रे व्रोधा मन्झ ई, जिन्हा जो स्यों गलती किन्हें “ज्ञान” बोले।

2 तिमिथियुस 1:14

होर पवित्र आत्मा रे ज्रीए जो आस्सा मन्झ बस्सिरा, एस सच्चाई री रखवाली कर, जो तुजो सौंपीरी।

2 तिमिथियुस 2:2

तैं बौह्त लोका साम्हणें मुंजो मसीह रे बारे मन्झ संदेस स्खान्दे हुए सुणीरा था। इधी कठे हांऊँ चाहां कि तू भी इन्हा गल्ला जो दूजे भरोसे रे लायक विस्वासी लोका जो सखाई दे; जो होरिया जो भी स्खाणे रे लायक हो।

तितुस 1:3

पर ऐबे ठीक टैमा पर, परमेसरे एस खुसी री खबर आस्सा पर जाहिर किती होर एता रा प्रचार आस्से सभी किन्हें करहे, आस्सा रे उद्धारकर्ता परमेसरे मुंजो ये जिम्मेदारी सौम्पी री होर हुक्म दितिरा कि हांऊँ ये काम तेसरे कठे करूं।

इब्रानियो 4:13

परमेसरा ले कुछ भी लुख्ही रा नी आ, बल्की आस्सा जो तेजो आपणे सारे कामा रा लेखा देणा पो। तेसरे साम्हणें सभ चीजा खुल्ही होर जाहिर ई।

1 पतरस 4:11

उदाहरणा रे कठे अगर तुस्सा वाले प्रचार करणे रा बरदान हो ता तुस्सा जो परमेसरा रे बचना रा प्रचार करणा चहिए। अगर दूजेया री मदद करणे रा वरदान आ ता परमेसरे तुस्सा जो, जो ताकत दितिरी, तेस ताकता ले दूजेया री मदद करहा। तेबे जो कुछ तुस्सा करणा तेता ले यीसू मसीह रे ज्रीए परमेसरा जो महिमा मिलणी। सारी महिमा होर सामर्थ जुग-जुग तेसरी ई! आमीन।

प्रकासना री गल्ला 2:23

होर मां स्यों सभ लोक मारी देणे जो तेस्सा रे झूठे उपदेसा जो मन्हें। होर तेबे सभी कलीसिया जाणी लैणा कि सभी लोका रे दिला री नीयता जो, होर मना रे बिचारा जो परखणे वाल़ा हांऊँ ई हाया। होर मां तुस्सा मन्झा ले हर एकी जो तुस्सा रे कामा रे मताबक इनाम देणा।”