1 थिस्सलुनकियो 2:3 - मंडयाली नंऊँआं नियम

³ क्यूंकि आस्सा रा उपदेस भड़काने वाल़ा नी आ, होर ना असुद्ध मकसदा ले, होर ना छल कपटा साउगी बोली जां।

1 थिस्सलुनकियो 2:3 Iomraidhean Croise

चुणिरे चेले रे काम 13:15

होर मूसा री व्यवस्था होर नबी री कताबा जो पढ़ने ले बाद यहूदी सभा रे मुखिये तिन्हा जो संदेसा भेज्या कि, “हे भाईयो, अगर लोका जो उपदेस देणे रे कठे तुस्सा वाले कुछ बचन आ ता तेस जो सुणाऊआ।”

चुणिरे चेले रे काम 4:36

एक माह्णुं था जेसरा नांऊँ यूसुफ था से लेवी घराने रा था होर साईप्रस टापू मन्झ रैंहयां था। चुणिरे चेले तेसरा नांऊँ बरनबास रख्या था। जेसरा मतलब आ दूजेया जो हिम्मत देणे वाल़ा माह्णुं।

2 कुरिन्थियो 11:13

क्यूंकि एह्ड़े लोक झूठे चुणिरे चेले ऐं, होर धोखा धड़ी करणे वाले, होर मसीह रे चुणिरे चेले हूंणे रा झूठा दावा करहा ऐं।

2 कुरिन्थियो 2:17

क्यूंकि आस्से तिन्हा साहीं नी ऐं, जो परमेसरा रे बचना रा प्रचार अमीर हूंणे रे कठे करहा ऐं; बल्की ये जाणी किन्हें कि आस्से परमेसरा रे भेजिरे। आपणी मना री सच्चाई किन्हें मसीह रे हका रे ज्रीए परमेसरा री उपस्थिति मन्झ तेसरे बचना रा प्रचार करहा ऐं।

2 कुरिन्थियो 4:2

बल्की आस्से ता बेज्जती री गल्ला होर गुप्त काम करणा छाडी दिते, ना आस्से चलाकी करहा ऐं, होर ना आस्से परमेसरा रे बचना मन्झ मिलावट करहा ऐं, बल्की परमेसरा रे साम्हणें सिर्फ सच्चाई री गल्ला बोल्हा ऐ। होर हर माह्णुं एस गल्ला री गुआही देई सकां कि आस्से सच्चे ऐं।

2 कुरिन्थियो 4:5

क्यूंकि आस्से आपणे आपा जो नी, बल्की यीसू मसीह रा प्रचार करहा ऐं कि मसीह यीसू ही प्रभु आ। होर तिन्हें ही आस्से तुस्सा रे सेऊआदार हूंणे रे कठे भेजिरे।

2 कुरिन्थियो 6:8

चाहें लोके आस्सा री इज्जत किती या बेज्जती किती, या तारीफ किती या बुराई किती, आस्से हमेसा आपणे बारे मन्झ सच्च ही बोल्या, भले लोक आस्सो कपटी ही बोल्हे।

2 कुरिन्थियो 7:2

तुस्से आस्सा किन्हें पूरा दिला ले प्यारा करहा। आस्से ना ता केसी किन्हें अन्याय कितेया, ना केसी रा कुछ बिगाड़ेया, होर ना केसी किन्हें बईमानी किती।

1 थिस्सलुनकियो 2:11

तुस्से जाणहां ऐं कि जिहां एक बाप आपणे बच्चे साउगी व्यवहार करहा, तिहां ईं आस्से भी तुस्सा मन्झा ले हर एकी जो उपदेस देहां ऐं, होर सांति देहां ऐं, होर सम्झाहें थे,

1 थिस्सलुनकियो 4:7

क्यूंकि परमेसरे आस्से असुद्ध जिन्दगी जीणे रे कठे नी, पर पवित्र जिन्दगी जीणे रे कठे सादिरे।

2 थिस्सलुनकियो 2:11

होर एस वजहा ले परमेसरे सच्चाई ले भटकाणे वाली एक सामर्थ तिन्हा वाले भेजी, ताकि स्यों तेस झूठा पर विस्वास करहे, जो से दुस्ट आदमी तिन्हो दसा।

2 पतरस 1:16

जेबे आस्से चुणिरे चेले तुस्सा जो प्रभु यीसू मसीह रे दबारा वापस आऊंणा होर तेसरी सामर्था रे बारे मन्झ दसेया था, ता आस्से चुतुराई किन्हें मन घड़न्त कहाणीया नी सुणाई री थी। बल्की आस्से आपणी हाखिया ले तेसरी महानता देखी थी।