1 थिस्सलुनकियो 2:1 - मंडयाली नंऊँआं नियम

¹ हे भाईयो होर बैहणो, तुस्से आपु ई जाणहां ऐं कि आस्सा रा तुस्सा वाले आऊंणा फायदेमंद हुआ।

1 थिस्सलुनकियो 2:1 Iomraidhean Croise

1 कुरिन्थियो 15:10

पर अगर आज हांऊँ चुणिरा चेला आ ता परमेसरा रे अनुग्रह ले आ, होर तिन्हें जो अनुग्रह मेरे पर कितेया, से बेकार नी हुआ। पर मैं तिन्हा दूजे चुणिरे चेलेया ले बढ़ी किन्हें मैहनत किती; तेबे बी ये मेरी तरफा ले नी हुएया, पर परमेसरा रे अनुग्रहे मेरी बड़ी मदद किती कि हांऊँ तेसरा काम करी सकूं।

1 कुरिन्थियो 15:2

अगर तुस्से एस खुसी री खबरा पर जेता रा मैं प्रचार कितिरा, तेता पर तुस्सा रा विस्वास बणी रैहन्गा ता परमेसरा तुस्सा रा उद्धार करणा; अगर तुस्सा रा विस्वास कमजोर हुई जाए ता तेता री कोई कीमत नी, होर से बेकार आ।

1 कुरिन्थियो 15:58

इधी कठे हे मेरे प्यारे भाईयो होर बैहणो, आपणे विस्वासा मन्झ मजबूत रैहया, कोई तुस्सा जो नी भड़काए, होर प्रभु रे कामा मन्झ हमेसा बढ़दे जाऊआ, क्यूंकि तुस्से जाणहां ऐं कि, तुस्से प्रभु रे कठे मैहनत करहे, से बेकार नी ई।

2 कुरिन्थियो 6:1

आस्से परमेसरा साउगी काम करणे मन्झ लगिरे, आस्से ये अर्ज करहा ऐं कि, परमेसरा रा अनुग्रह जो तुस्सा पर हुईरा, तेस जो तुस्से बेकार नी जाणे देऊआ।

गलातियो 2:2

होर हांऊँ तेथी इधी कठे गया, क्यूंकि परमेसरे मुंजो दसिरा था कि हांऊँ तेथी जांऊँ। होर जेबे हांऊँ तेथी था ता सिर्फ जाणे-माने अगुवे किन्हें कल्हे मन्झ मिलेया, होर तेस खुसी री खबरा रे बारे मन्झ स्यों समझाए, जेसरे बारे मन्झ हांऊँ अन्यजाति लोका रे बीचा मन्झ प्रचार करदा आईरा। हांऊँ तिन्हा वाले इधी कठे गया ताकि जो काम मैं पिछले टैमा मन्झ कितिरा था, या जो ऐबे करेया करहा, से बेकार नी हुई जाए।

गलातियो 4:11

तुस्सा रे एह्ड़े काम करणे ले मुंजो डर लगहा कि, केते एह्ड़ा नी हो कि जो सेऊआ मैं बड़ी मैहनता किन्हें तुस्सा रे बीचा मन्झ किती, से बेकार हुई जाए।

फिलिप्पियो 2:16

जिन्दगी रे बचना जो मजबूती किन्हें पकड़ी रखा ताकि मसीह रे दबारा वापस आऊणें रे ध्याड़े मुंजो एस गल्ला रा बडयाई हो कि, मेरी जिन्दगी री भाग दोड़ होर मेरी मैहनत बेकार नी हुई।

1 थिस्सलुनकियो 2:13

इधी कठे आस्से भी परमेसरा रा धन्यावाद लगातार करहा ऐं; कि जेबे तुस्से आस्सा रे ज्रीए परमेसरा रा बचन रा प्रचार सुणेया, ता तुस्से तिन्हा बचना जो माह्णुंआं रा नी, पर परमेसरा रा बचन समझी किन्हें ग्रैहण कितेया, होर सच्चे ये परमेसरा रा बचन आ, जो तुस्सा विस्वासी लोका री जिन्दगी मन्झ काम करहा।

1 थिस्सलुनकियो 3:5

एता री वजहा ले जेबे मेरे ले होर इंतजार नी हुआ की तुस्सा रा हाल चाल जाणी लू, तेबे मै तुस्सा रे विस्वासा रा हाल जाणने रे कठे तिमिथियुस जो भेजी दितेया। क्यूंकि हांऊँ एस गल्ला ले डरा था कि परखणी करणे वाले दुस्ट सैताने तुस्सा री परखणी कितिरी हो, होर आस्सा री मैहनत बेकार हुई गईरी हो।

2 थिस्सलुनकियो 1:10

ये गल्ला तेबे हूणीं जेबे यीसू मसीह दबारा वापस आऊंणा, होर परमेसरा रे पवित्र लोका तेसरी बढ़ाई करणी, होर तेस पर विस्वास करणे वाले मन्झ हरानी री वजहा बणने रे कठे आऊंणा। होर तुस्से भी तिन्हा लोका साउगी हूंणा जिन्हा तेस ध्याड़े तेसरी बढ़ाई करणी, क्यूंकि तुस्से तेसरे बारे मन्झ आस्सा री गुआही पर विस्वास कितेया।

2 थिस्सलुनकियो 3:1

ऐबे हे भाईयो होर बैहणो, आखरी मन्झ आस्से तुस्सा किन्हें ये गल्ला बोलणा चाहें, आस्सा रे कठे प्रार्थना करदे रैहया, ताकि आस्से प्रभु यीसू मसीह रे बारे मन्झ खुसी री खबरा जो बौह्त जल्दी हर जगहा मन्झ फैल्ही सके, जेस ले कि लोक विस्वास करी सके, जिहां कि तुस्से लोके भी विस्वास कितिरा।