1 थिस्सलुनकियो 1:8 - मंडयाली नंऊँआं नियम

⁸ क्यूंकि तुस्से ना सिर्फ मकीदुनिया होर अखाया ईलाके मन्झ प्रभु रा बचन सुणाया, पर हर जगहा जेथी भी आस्से जाहें तुस्सा रे परमेसरा पर विस्वास रे बारे मन्झ लोक आस्सो दसाहें, इधी कठे आस्सा जो तुस्सा रे बारे मन्झ बोलणे री ज्रूरत नी ई।

1 थिस्सलुनकियो 1:8 Iomraidhean Croise

चुणिरे चेले रे काम 18:12

जेबे अखाया ईलाके रा हाकम गल्लियो था तेबे ई यहूदी लोके एक जुट हुई किन्हें पौलुसा पर हमला कितेया होर तेस जो पकड़ी किन्हें कच्हरी मन्झ लई गये।

रोमियो 1:8

सभी ले पैहले हांऊँ तुस्सा सभी रे कठे यीसू मसीहा रे ज्रीए आपणे परमेसरा रा धन्यावाद करहा, क्यूंकि संसारा रे कई जगहा मन्झ लोक एस गल्ला रे बारे मन्झ गलांण करेया करहा ऐं कि कियां तुस्से यीसू मसीह पर विस्वास कितिरा।

रोमियो 15:26

क्यूंकि मकीदुनिया होर अखाया ईलाके रे लोका जो पुरे दिला ले एस कामा जो करणा खरा लग्या कि जो परमेसरा रे पवित्र लोक यरुस्लेम सैहरा मन्झ ऐे होर गरीब लोक ऐे, तिन्हारी मदद करणे रे कठे कुछ ढब्बे कठ्ठा करूं।

रोमियो 16:19

होर सभ लोक जाणांहे कि तुस्से किहाँ बढ़िया तरीके किन्हें प्रभु रे हुक्मा जो मन्हें; इधी कठे हांऊँ तुस्सा रे बारे मन्झ खुसी मनाहां। पर हांऊँ ये चाहां कि, तुस्से ये जाणने मन्झ कि क्या बांका एता रे कठे बुद्धिमान, होर बुरे कामा रे कठे भोले बणी किन्हें रहो।

1 कुरिन्थियो 14:36

एह्ड़ा क्या आ कि तुस्सा मन्झ कुछ लोक पैहले दसीरी व्यवस्था रा पालन नी करदे? तुस्सा जो लगहा कि तुस्सा ही थे जिन्हें सभी ले पैहले परमेसरा रा बचन दूजेयो दितिरा था?

2 कुरिन्थियो 2:14

परमेसरा रा धन्यावाद हो, जेह्ड़ा आस्सा जो मसीह मन्झ वास करणे री वजहा ले हमेसा आपणे साउगी लेई चला होर आस्सा जो जीताई देआ, होर आस्सा रे ज्रीए मसीह जो जाणने री मीठी खुसबू हर जगहा फैलाहां।

2 कुरिन्थियो 3:4

आस्से एह्ड़ा इधी कठे लिख्हा ऐं कि आस्से मसीह रे ज्रीए परमेसरा पर भरोसा ऐं।

कुलुस्सियो 3:16

मसीह रा बचन तुस्सा रे दिला मन्झ ज्यादा ले ज्यादा बसी जाये, होर तुस्सा जो ज्ञान दे। एस बचना रे ज्रीए एक दूजे जो सखाऊआ होर चेतावनी देआ। आपणे-आपणे मना मन्झ धन्यावादा साउगी परमेसरा रे कठे भजन होर बड़ाई गान होर आत्मिक गीत गाऊआ।

2 थिस्सलुनकियो 1:4

इधी कठे आस्से परमेसरा री कलीसिया रे विस्वासी लोका रे बीचा मन्झ तुस्सा रे बारे मन्झ बडयाई करहा ऐं। हालांकि तुस्से बौह्त सारे उपद्रव होर दुःख सैहन करहा ऐं, तेबे भी तुस्से धीरज रखी किन्हें यीसू मसीह पर विस्वास करहे।

2 थिस्सलुनकियो 3:1

ऐबे हे भाईयो होर बैहणो, आखरी मन्झ आस्से तुस्सा किन्हें ये गल्ला बोलणा चाहें, आस्सा रे कठे प्रार्थना करदे रैहया, ताकि आस्से प्रभु यीसू मसीह रे बारे मन्झ खुसी री खबरा जो बौह्त जल्दी हर जगहा मन्झ फैल्ही सके, जेस ले कि लोक विस्वास करी सके, जिहां कि तुस्से लोके भी विस्वास कितिरा।

1 तिमिथियुस 2:8

इधी कठे हांऊँ चाहां कि, हर मण्डली मन्झ मर्ध बगैर गुस्से कितिरे होर बगैर बैहसा ले, परमेसरा रे कठे समर्पित हाथा जो चक्की किन्हें प्रार्थना करेया करहे।

2 तिमिथियुस 2:9

क्यूंकि हांऊँ खुसी री खबरा रा प्रचार करहा, इधी कठे हांऊँ एक अपराधी साहीं दुःख सहन करहा, एथी तक कि हांऊँ कैदा मन्झ आ, पर परमेसरा रे बचना जो कोई भी आपणे कैदा मन्झ नी रखी सकदा।

3 यहून्ना 1:12

कलीसिया रे सभ लोक बोल्हे कि दिमेत्रियुस एक खरा आदमी आ क्यूंकि से सच्चाई रे मताबक जिया होर आस्से भी बोल्हे की से एक खरा माह्णुं आ; होर तू जाणहां कि आस्से जो बोल्या करहे से सच्च आ।

प्रकासना री गल्ला 14:6

फेरी मैं एक होर स्वर्गदूता जो आसमाना पर बौह्त गास उडदे हुए देख्या। होर तेस वाले धरती रे रैह्णे वाले लग-लग देसा रे लोका, होर हर कुला रे लोका, होर जातिया रे लोका, होर लग-लग भासा बोलणे वाले लोका जो सुणाणे रे कठे अनंतकाला री खुसी री खबर थी।

प्रकासना री गल्ला 22:17

होर परमेसर री आत्मा, होर छेलु री नौंईं लाड़ी यीसू किन्हें बोल्हा ई कि, “आऊआ!” होर जो भी इन्हा गल्ला जो सुणी करहा से भी बोले कि, “आऊआ!” होर जो सोखा हो, से आये, होर जिन्दगी देणे रा पाणी मुफ्ता मन्झ पीये।