1 थिस्सलुनकियो 1:7 - मंडयाली नंऊँआं नियम

⁷ होर एथी तक कि मकीदुनिया ईलाके होर अखाया ईलाके रे सभ विस्वासिया रे कठे तुस्से उदाहरण बणे।

1 थिस्सलुनकियो 1:7 Iomraidhean Croise

चुणिरे चेले रे काम 1:13

होर जेबे स्यों सैहरा मन्झ पूजे ता स्यों ऊपर्ले कमरे मन्झ गये, जेथी पतरस होर यहून्ना होर याकूब होर अन्द्रियास होर फिलिप्पुस होर थोमा होर बरतुल्मै होर मत्ती होर हलफईसा रा मह्ठा याकूब होर समौन जेहड़ा जेलोतेस दला रा था, होर याकूबा रा मह्ठा यहूदा रैंहयां ऐं थे।

चुणिरे चेले रे काम 16:12

तेथी ले आस्से फिलिप्पी सैहरा पूजे, जो मकीदुनिया ईलाके रा एक खास सैहर होर रोम देसा रे लोका री बस्ती ई; होर आस्से तेस सैहरा मन्झ कुछ होर ध्याड़े तक रैहे।

चुणिरे चेले रे काम 18:1

एता ले पौलुस एथेंस सैहरा जो छाडी किन्हें कुरिन्थुस सैहरा जो चली गया।

चुणिरे चेले रे काम 18:12

जेबे अखाया ईलाके रा हाकम गल्लियो था तेबे ई यहूदी लोके एक जुट हुई किन्हें पौलुसा पर हमला कितेया होर तेस जो पकड़ी किन्हें कच्हरी मन्झ लई गये।

चुणिरे चेले रे काम 19:21

जेबे ये गल्ला हुई बैठी, ता पवित्र आत्मे पौलुसा रे मना मन्झ ये बिचार पाया कि यरुस्लेम सैहरा जो जांदे हुए मकीदुनिया होर अखाया ईलाके रे विस्वासिया किन्हें मिली ले। होर बोल्या कि, “यरुस्लेम सैहरा मन्झ जाणे रे बाद मुंजो रोम सैहरा मन्झ जाणा भी जरूरी आ।”

रोमियो 15:26

क्यूंकि मकीदुनिया होर अखाया ईलाके रे लोका जो पुरे दिला ले एस कामा जो करणा खरा लग्या कि जो परमेसरा रे पवित्र लोक यरुस्लेम सैहरा मन्झ ऐे होर गरीब लोक ऐे, तिन्हारी मदद करणे रे कठे कुछ ढब्बे कठ्ठा करूं।

2 कुरिन्थियो 1:1

हांऊँ पौलुसा ये चिठ्ठी तुस्सा रे कठे लिख्दा लगिरा। हांऊँ परमेसरा री इच्छा ले मसीह यीसू रा चुणिरा चेला आ। होर मसीह मन्झ आस्सा रा भाई तिमिथियुस मेरे साउगी आ। हांऊँ ये चिठ्ठी कुरिन्थुस सैहरा रे परमेसरा री कलीसिया रे लोका रे कठे होर सारे अखाया ईलाके रे सब परमेसरा रे पवित्र लोका रे कठे लिखी करहा।

2 कुरिन्थियो 9:2

क्यूंकि हांऊँ पैहले ले तुस्सा रे मना री इच्छा जाणहां कि तुस्से तिन्हारी मदद करणे रे कठे त्यार ऐं; इधी कठे हांऊँ तुस्सा रे बारे मन्झ मकीदुनिया ईलाके रे विस्वासी लोका रे साम्हणें गर्व दस्हा ऐं कि, तुस्से अखाया ईलाके रे विस्वासी लोक ता पिछले एक साला ले एस सेऊआ रे कठे त्यार थे, होर तुस्सा रे उत्साहा री वजहा ले होर भी लोक उत्साहित हुई गये।

1 थिस्सलुनकियो 1:8

क्यूंकि तुस्से ना सिर्फ मकीदुनिया होर अखाया ईलाके मन्झ प्रभु रा बचन सुणाया, पर हर जगहा जेथी भी आस्से जाहें तुस्सा रे परमेसरा पर विस्वास रे बारे मन्झ लोक आस्सो दसाहें, इधी कठे आस्सा जो तुस्सा रे बारे मन्झ बोलणे री ज्रूरत नी ई।

1 थिस्सलुनकियो 4:10

हे भाईयो होर बैहणो तुस्से मकीदुनिया ईलाके रे सभ विस्वासी लोका साउगी प्यार कितिरा, पर ऐबे आस्से तुस्सा किन्हें अर्ज करहा ऐं कि, एता मन्झ होर भी ज्यादा बढ़दे जाऊआ।

1 तिमिथियुस 4:12

कोई तेरी जुआनी जो बेकार नी समझणे पाए; पर जो गल्ला तू बोल्हा, होर आपणे चाल चलना रे ज्रीए, दूजेया रे कठे तेरे प्यारा रे ज्रीए, होर मसीह पर तुस्सा रे विस्वास होर तुस्सा री पवित्र जिन्दगी रे ज्रीए, तू विस्वासी लोका रे कठे एक उदाहरण बणी जा।

तितुस 2:7

होर हर गल्ला मन्झ आपणे भले कामा रा उदाहरण दे कि दूजे लोक भी तुस्सा जो देखी किन्हें आपणे आपा जो बदली दे, जेबे तू विस्वासी लोका जो परमेसरा रे बारे मन्झ सखाई करहा ता खरे मकसद साउगी सखा, जेता ले स्यों तुस्सा री इज्जत करहे।

1 पतरस 5:3

होर जो लोक तुस्सा जो सौंपे गईरे, तिन्हा पर हक नी जताऊआ, जिहां एक अधिकारी लोका पर आपणा हक जता पर झुंडा रे कठे एक खरा उदाहरण बणां।