1 थिस्सलुनकियो 1:6 - मंडयाली नंऊँआं नियम

⁶ होर तुस्से बड़े दुःखा रे बीचा मन्झ भी पवित्र आत्मा रे ज्रीए मिलणे वाली खुसी साउगी खुसी री खबर ग्रैहण कितेया। होर तुस्से आस्सा रा होर आस्सा रे प्रभु यीसू मसीह साहीं जिन्दगी जींदे लगे।

1 थिस्सलुनकियो 1:6 Iomraidhean Croise

मत्ती 16:24

तेबे यीसूए आपणे चेले किन्हें बोल्या, “जो कोई मेरा चेला बणना चाहां, से आपणी इच्छा पूरा करणे रे बजाए दुःखा रा क्रूस चकी किन्हें मेरा चेला बणे।

यहून्ना 8:12

तेबे यीसूए दबारा लोका किन्हें बोल्या, “संसारा रा प्रयासा हांऊँ आं, जो मेरे पीछे आहुंघा, तेस नह्यारे मन्झ नी चलणा, पर अनंत जिन्दगी देणे वाल़ा प्रयासा पाणा।”

चुणिरे चेले रे काम 13:52

होर अन्ताकिया सैहरा रे चेले खुसी किन्हें पवित्र आत्मा किन्हें भहरदे रैहे।

चुणिरे चेले रे काम 5:41

चुणिरे चेले एस गल्ला ले खुस हुई किन्हें माहसभा रे साम्हणें ले चली गये कि, आस्से यीसू रे नांऊँआं रे कठे बेज्जत हूंणे रे लायक ता समझे।

चुणिरे चेले रे काम 9:31

इधी कठे सारे यहूदिया ईलाके, गलील जिल्ले होर सामरिया ईलाके री कलीसिया रा टैम बड़ी सांति किन्हें बितेया; से कलीसिया होर ज्यादा ताकतवर हुंदी लगी, क्यूंकि से कलीसिया प्रभु ले डरी किन्हें आपणी जिन्दगी बिताहीं थी, होर पवित्र आत्मा री सहायता री वजहा ले बौह्त सारे लोक विस्वासी बणे।

रोमियो 15:13

हांऊँ प्रार्थना करहा कि परमेसर जो तुस्सा जो आस देआ, से तुस्सा जो तेस पर विस्वास करणे रे कारण आपणी बड़ी खुसी होर सांति किन्हें भरे, ताकि पवित्र आत्मा री सामर्था ले तुस्सा री आस होर भी बढ़दी जाए।

1 कुरिन्थियो 11:1

जिहां हांऊँ मसीह साहीं जिन्दगी जीहां, तिहां ईं तुस्से भी मेरे साहीं जिन्दगी जिया।

1 कुरिन्थियो 11:2

हांऊँ तुस्सा जो सराहां, क्यूंकि तुस्से मुंजो सभ गल्ला मन्झ याद करहा ऐं; होर जो भी गल्ला मैं तुस्सा जो सखाईरी, तिन्हारा पालण बड़े चतन्न हुई किन्हें करेया करहा ऐं।

1 कुरिन्थियो 4:16

इधी कठे हांऊँ तुस्सा ले अर्ज करहा कि, जिहां हांऊँ मसीह साहीं जिन्दगी जीहां, तिहां ईं तुस्से भी मेरे साहीं जिन्दगी जिया।

2 कुरिन्थियो 6:10

पर आस्से हमेसा दुखा रे टैमा भी खुसी म्नांहें। हलांकि आस्से आपु ता गरीब ऐं, पर कईया जो आत्मिक रूपा ले अमीर बणाई दितिरा। होर आस्सा वाले आपणा कुछ नी हाया, पर फेरी भी सब कुछ आस्सा रा आपणा। होर येही गल्ला जाहिर करही कि आस्से परमेसरा से सेऊआदार ऐं।

2 कुरिन्थियो 8:5

आस्से एह्ड़ा नी सोचा था कि तिन्हा एस तरीके किन्हें ढब्बे देणे, पर सभी ले पैहले तिन्हें प्रभु रे कठे आपणे आपा जो सौंपी दितेया, फेरी परमेसरा री इच्छा रे मताबक आपणे आपा जो आस्सा रे कठे देई दितेया।

गलातियो 5:22

पर परमेसर रा आत्मा आस्सो जो गुण देहां से यूयाँ ऐं, प्यार, खुसी, सांति, सबर,

इफिसियो 5:1

इधी कठे परमेसरा रे प्यारे बच्चे हूणे रे नाते तुस्से परमेसरा साहीं बणने री कोसिस करा।

फिलिप्पियो 3:17

हे भाईयो होर बैहणो, मेरे उदाहरणा रा अनुसरण करहा, होर जो मेरे उदाहरणा रा अनुसरण करहे तिन्हा पर ध्यान देआ, होर तिन्हारे उदाहरणा भी अनुसरण करहा।

2 थिस्सलुनकियो 1:4

इधी कठे आस्से परमेसरा री कलीसिया रे विस्वासी लोका रे बीचा मन्झ तुस्सा रे बारे मन्झ बडयाई करहा ऐं। हालांकि तुस्से बौह्त सारे उपद्रव होर दुःख सैहन करहा ऐं, तेबे भी तुस्से धीरज रखी किन्हें यीसू मसीह पर विस्वास करहे।

2 थिस्सलुनकियो 3:7

क्यूंकि तुस्से खरे ढंगा किन्हें जाणहां ऐं कि, तुस्सा जो आस्सा साहीं व्यवहार करणा चहिए; क्यूंकि तुस्सा रे बीचा मन्झ रैह्न्दे हुए आस्से आलसी नी थे पर काम करहे थे।

2 थिस्सलुनकियो 3:9

आस्से बौह्त मेहनत किती, इधी कठे नी कि आस्सा जो तुस्सा ले मदद लेणे रा हक नी आ; पर इधी कठे कि आस्से आपणे आपा जो तुस्सा रे कठे उदाहरण बणाए, ताकि तुस्से नकर्मे नी बणो पर आस्सा साहीं मेहनत करो।

2 तिमिथियुस 4:2

कि तू परमेसरा रे बचना रा प्रचार कर; होर चाहे हालात खरे हो या नी, तू बचना रा प्रचार करणे रे कठे त्यार रेह। अगर लोके गलती कितिरी ता तू तिन्हों दसी दे, होर तिन्हा जो तिन्हारे पाप करणे रे कठे प्रुआच होर तिन्हों होंसला भी दे। ये सभ काम तू ध्याना किन्हें स्खान्दे हुए बड़े सबरा किन्हें करेया।

इब्रानियो 10:34

तुस्से कैदिया रे दुःखा मन्झ दु:खी हुए। होर जेबे होरी लोके तुस्सा रा सारा धन लुटेया, तेबे तुस्से इन्हा गल्ला जो खुसी किन्हें सहेया। क्यूंकि तुस्से जाणांहे थे कि तेता ले भी बांकी चीजा तुस्सा जो मिलणी जो जुग-जुग रे कठे ई।

1 पतरस 1:6

इन्हा सारी होर एस वजहा ले तुस्से खुस हुंहाँ ऐं, जेब्की ऐबे तुस्सा जो थोह्ड़े टैमा रे कठे कई किस्मा री परेसानिया मन्झ पई किन्हें दुःख उठाणा जरूरी आ।

1 पतरस 1:8

तुस्से कधी भी यीसू नी देखेया पर फेरी भी तुस्से तेस किन्हें प्यार करहे, होर तुस्से तेस जो नी देखदे पर फेरी भी विस्वास करहे। एह्ड़े करी किन्हें बड़े खुस हुंहाँ ऐं, एह्ड़ी खुसी जो ब्खान करणे ले बाहर होर महिमा किन्हें भ्हरीरा आ।

1 पतरस 3:13

होर अगर तुस्से हमेसा खरा करणे री कोसिस करहे, ता कोई भी तुस्सा जो नुकसान नी पुजाई सकदा।

3 यहून्ना 1:11

हे लाडले दोस्त, बुरे काम करणे वाले साहीं नी जिया, पर भले काम करणे वाले साहीं जिया। जो भले काम करहा, से परमेसरा रा बच्चा; होर जो बुरे काम करहा, से एस गल्ला जो जाहिर करहा की से परमेसरा जो नी जाणदा।