1 थिस्सलुनकियो 1:5 - मंडयाली नंऊँआं नियम5 क्यूंकि आस्सा री खुसी री खबर जो यीसू मसीह रे बारे मन्झ ई तुस्सा वाले ना सिर्फ गल्ला मन्झ बल्की सामर्थ होर पवित्र आत्मा, होर बड़े निस्चय किन्हें पुजीरा। जेह्ड़ा तुस्से जाणहां ऐं कि, आस्से तुस्सा री भलाई रे कठे तुस्सा रे बीचा मन्झ रैहन्दे हुए आस्सा रा व्यवहार केह्ड़ा था। Faic an caibideil |
1 थिस्सलुनकियो 1:5
60 Iomraidhean Croise
होर हांऊँ तेथी इधी कठे गया, क्यूंकि परमेसरे मुंजो दसिरा था कि हांऊँ तेथी जांऊँ। होर जेबे हांऊँ तेथी था ता सिर्फ जाणे-माने अगुवे किन्हें कल्हे मन्झ मिलेया, होर तेस खुसी री खबरा रे बारे मन्झ स्यों समझाए, जेसरे बारे मन्झ हांऊँ अन्यजाति लोका रे बीचा मन्झ प्रचार करदा आईरा। हांऊँ तिन्हा वाले इधी कठे गया ताकि जो काम मैं पिछले टैमा मन्झ कितिरा था, या जो ऐबे करेया करहा, से बेकार नी हुई जाए।
पर परमेसरे नबिया पर ये गल जाहिर किती कि, स्यों जो गल्ला बोल्या करहा ऐं थे, स्यों तिन्हारे कठे नी पर तुस्सा रे कठे ई। से गल मसीह रे बारे मन्झ खुसी री खबर ई जो तुस्से ऐबे सुणी लईरी, परमेसरे पवित्र आत्मा जो स्वर्गा ले भेजी किन्हें लोका री मदद किती कि स्यों तुस्सा जो खुसी री खबर सुणाहें, होर ये बड़ी हरानी गल्ला ई कि स्वर्गदूत भी बड़े गौरा किन्हें इन्हा गल्ला जो हुंदे हुए देखी करहा ऐं।
आस्सा रे प्रभु मसीह यीसू रे बापू होर परमेसर धन्यावाद हो, जिन्हें आपणी बड़ी दया ले आस्सा जो नौंईं जिन्दगी दिती। क्यूंकि परमेसरे यीसू मसीह जो मरिरे मन्झा ले जिउंदा कितिरा, आस्से आपणी जिन्दगी बड़ी आसा किन्हें जी सके यानि आस्से पूरी उम्मीद रखी सके की जो वादा तिन्हें आस्सा किन्हें कितिरा से तेस पूरा करणा।
आस्से ये भी जाणहां ऐं की नबिया रे ज्रीए मसीह रे बारे मन्झ लिखिरे बचन बिलकुल सच्चे। होर एता पर ध्यान देणे ले तुस्सा रा फायदा आ, क्यूंकि ये बचन भ्याग हूंणे तक नह्यारे मन्झ चम्कणे वाले दिऊये साहीं ऐं, होर जेबे तक मसीह री ज्योति तुस्सा रे दिला मन्झ नी चमकदी, एस्सा तुस्सा जो प्रयासा देंदे रेहणा जिहां भ्यागा रा तारा पुरे संसारा जो ज्योति देआ।
Sanasan