1 थिस्सलुनकियो 1:4 - मंडयाली नंऊँआं नियम

⁴ होर हे भाईयो होर बैहणो, आस्से जाणहां ऐं कि, परमेसरे तुस्सा किन्हें प्यार करहा होर आपणे लोक बणने रे कठे तुस्से चुणिरे ऐं।

1 थिस्सलुनकियो 1:4 Iomraidhean Croise

रोमियो 1:7

ये चिठ्ठी रोम सैहरा रे लोका रे कठे ई, जिन्हा किन्हें परमेसर प्यार करहा होर आपणे पवित्र लोक हूंणे रे कठे चुणिरे। आस्से प्रार्थना करहे कि आस्सा रा बापू परमेसर होर प्रभु यीसू मसीह तुस्सा जो अनुग्रह होर सांति देंदा रहे।

रोमियो 9:25

अन्यजाति लोका रे बारे मन्झ परमेसर होसे नबी री कताबा मन्झ भी बोल्हा, “जो मेरी प्रजा नी थी, तिन्हा जो मां आपणी प्रजा बोलणा, होर जो प्रजा लाडली नी थी, तेस्सा जो लाडली बोलणा।

इफिसियो 1:4

संसारा जो रचणे ले पैहले ई, परमेसरे आस्सा जो आपणे लोक हूंणे रे कठे चुणी लितेया क्यूंकि आस्से मसीह साउगी एक ऐं, ताकि आस्से तेसरी नजरा मन्झ पवित्र होर बेकसूर बणी सके।

कुलुस्सियो 3:12

क्यूंकि परमेसरा तुस्सा किन्हें प्यार करहा, होर तिन्हें तुस्से चुणिरे लितिरे कि, तुस्से तेसरे पवित्र जण बणो, इधी कठे तुस्सा मन्झ करुणा, दया, दीनता, नम्रता होर सबरा स्वभाव हो।

1 थिस्सलुनकियो 1:3

होर जेबे आस्से आपणे बापू परमेसरा किन्हें प्रार्थना करहा ऐं, तुस्सा रे कामा रे कठे जो विस्वासा री वजहा ले तुस्से करहा ऐं, होर दूजेया किन्हें प्यार करणे रे कठे जो मैहनत करहा ऐं, होर आस्सा रे प्रभु यीसू मसीह मन्झ उम्मीद रखणे रे वजहा ले जो धीरज पैदा हुंहाँ, तिन्हा गल्ला जो आस्से हमेसा याद करहा ऐं।

2 थिस्सलुनकियो 2:13

हे भाईयो होर बैहणो, आस्सो हमेसा तुस्सा रे कठे परमेसरा रा धन्यावाद करणा चहिए, प्रभु तुस्सा किन्हें प्यार करहा। क्यूंकि तिन्हें संसारा जो रचणे ले पैहले ही तुस्से चुणी लितिरे कि पवित्र आत्मा रे कामा रे ज्रीए तुस्सा रा उद्धार करहे; जो तुस्सा जो पवित्र बणा। होर यीसू मसीह रे बारे मन्झ सच्चाई री खबरा पर विस्वास करणे रे ज्रीए भी।

1 पतरस 1:2

होर परमेसर बापूए बौह्त पैहले ले ही तुस्सा जो आपणे लोक हूंणे रे कठे, होर पवित्र आत्मा रे कामा रे ज्रीए पवित्र हूंणे रे कठे चुणी लईरा था। एह्ड़ा तिन्हें इधी कठे कितेया की तुस्से यीसू मसीह रा हुक्म मान्नो, होर तेसरे खूना रे छिड़कणे ले साफ हुई जाओ। हांऊँ प्रार्थना करहा कि परमेसर तुस्सा जो बौह्त अनुग्रह होर सांति देंदा रहे।

2 पतरस 1:10

इधी कठे हे भाईयो होर बैहणो, हर से काम करणे री पूरी कोसिस करहा, जेता ले तुस्से आपणे आपा जो होर दूजे लोका जो जाहिर करी सको कि परमेसरे पक्का तुस्से चुणिरे; होर आपणे लोक हूंणे रे कठे सादीरे। क्यूंकि अगर एह्ड़ा करघे, ता तुस्सा कधी भी पापा मन्झ नी पऊणा।