1 थिस्सलुनकियो 1:3 - मंडयाली नंऊँआं नियम

³ होर जेबे आस्से आपणे बापू परमेसरा किन्हें प्रार्थना करहा ऐं, तुस्सा रे कामा रे कठे जो विस्वासा री वजहा ले तुस्से करहा ऐं, होर दूजेया किन्हें प्यार करणे रे कठे जो मैहनत करहा ऐं, होर आस्सा रे प्रभु यीसू मसीह मन्झ उम्मीद रखणे रे वजहा ले जो धीरज पैदा हुंहाँ, तिन्हा गल्ला जो आस्से हमेसा याद करहा ऐं।

1 थिस्सलुनकियो 1:3 Iomraidhean Croise

यहून्ना 14:15

“अगर तुस्से मेरे किन्हें प्यार रख्हा ऐं, ता तुस्सा मेरे हुक्म मनणें।

यहून्ना 15:10

अगर तुस्से मेरे हुक्मा जो मनघे, ता तुस्सा मेरे प्यारा मन्झ बणी किन्हें रैंह्णां। जिहां मैं आपणे बापू रा हुक्म मन्या, होर तेसरे प्यारा मन्झ बणी रैंहयां।

चुणिरे चेले रे काम 10:31

होर बोल्या, ‘कुरनेलियुस! तेरी प्रार्थना सुणी लईरी होर गरीबा जो दान दितिरे से यादगारा रे कठे परमेसरा रे साम्हणें पूजी गईरे।

चुणिरे चेले रे काम 3:19

इधी कठे तुस्से पाप करणा छाडी देआ, होर परमेसरा वखा जो वापस आऊआ, ताकि तुस्सा रे पाप माफ हुई जाए; तेबे परमेसरा री वखा ले सुख चैना रे ध्याड़े आये।

रोमियो 12:12

खुस रैहया क्यूंकि तुस्सा वाले बौह्त बड़ी आस ई; दुःखा मन्झ सबर रखा; प्रार्थना मन्झ लगातार लगी रैहया।

रोमियो 15:13

हांऊँ प्रार्थना करहा कि परमेसर जो तुस्सा जो आस देआ, से तुस्सा जो तेस पर विस्वास करणे रे कारण आपणी बड़ी खुसी होर सांति किन्हें भरे, ताकि पवित्र आत्मा री सामर्था ले तुस्सा री आस होर भी बढ़दी जाए।

रोमियो 15:4

जितनी गल्ला पैहले ले पवित्र सास्त्रा मन्झ लिखी गई, स्यों आस्सा जो स्खाणे रे कठे ई लिखी गईरी कि आस्सो धीरज होर होंसला मिली सके, जो पवित्र सास्त्र आस्सो देआ। ताकि आस्सो से आस मिले जो परमेसरे आस्सा जो देणे रा वादा कितिरा।

रोमियो 16:26

होर जिहां सुर्हू ले परमेसरे हुक्म दितेया होर नबिया रे ज्रीए लिखी गया, ऐबे ये ल्कोईरी गल्ल सब जाति रे लोका मन्झ प्रचार किती गई, ताकि स्यों भी परमेसरा पर विस्वास करणे वाले, होर तेसरे हुक्म मनणे वाले बणी जाऐ।

रोमियो 16:6

मरियम बैहणा जो भी मेरा नमस्कार, जेस्से जे तुस्सा रे कठे बौह्त ज्यादा मैहनत किती।

रोमियो 2:7

जो लोक खरे कामा जो करदे हुए परमेसरा री वखा ले मिलणे वाली महिमा, आदर होर कधी ना खत्म हूंणे वाली जिन्दगी री तोपा मन्झ रैंहयां ऐं, परमेसरा तिन्हा सभी जो अनंत जिन्दगी देणी।

1 कुरिन्थियो 13:13

इधी कठे ऐबे आस्से इन्हा तीन गल्ला जो करे: परमेसरा पर विस्वास रखा, परमेसरा रे वादे पर आस रखा, एक दूजे किन्हें प्यार रखा। पर इन्हा तीन गल्ला मन्झ सभी ले बडी गल येई कि दूजे किन्हें प्यार करहा।

1 कुरिन्थियो 15:58

इधी कठे हे मेरे प्यारे भाईयो होर बैहणो, आपणे विस्वासा मन्झ मजबूत रैहया, कोई तुस्सा जो नी भड़काए, होर प्रभु रे कामा मन्झ हमेसा बढ़दे जाऊआ, क्यूंकि तुस्से जाणहां ऐं कि, तुस्से प्रभु रे कठे मैहनत करहे, से बेकार नी ई।

2 कुरिन्थियो 2:17

क्यूंकि आस्से तिन्हा साहीं नी ऐं, जो परमेसरा रे बचना रा प्रचार अमीर हूंणे रे कठे करहा ऐं; बल्की ये जाणी किन्हें कि आस्से परमेसरा रे भेजिरे। आपणी मना री सच्चाई किन्हें मसीह रे हका रे ज्रीए परमेसरा री उपस्थिति मन्झ तेसरे बचना रा प्रचार करहा ऐं।

गलातियो 1:4

आस्सा रे परमेसर होर बापू री इच्छा रे मताबक, मसीह यीसूए आस्सा रे पापा रे कठे आपणे आपा जो बलिदान करी दितेया, ताकि से आस्सा जो संसारा मन्झ ऐबे बुरे काम करणे वाली सामर्था ले बचाई सके।

गलातियो 5:13

हे भाईयो होर बैहणो, परमेसरे तुस्से अजाद हूंणे रे कठे सादीरे, होर इधी कठे व्यवस्था रे गुलाम मत बणा। एस्सा अजादी जो आपणी सरीरा री इच्छा जो पूरी करणे रा मौका मत समझा; एता रे बजाय प्यार किन्हें एक दूजे री सेऊआ करणे रे कठे, एस्सा अजादी जो इस्तेमाल करहा।

गलातियो 5:6

अगर तुस्से मसीह यीसू रे चेले ता ये एस गल्ला ले फर्क पउन्दा कि तुस्से खतना कुराईरा या नी, पर सिर्फ एस गल्ला रा फर्क आ कि आस्से मसीह पर आपणे उद्धारकर्ता रे रूपा मन्झ विस्वास रखे, होर परमेसर होर दूजे लोका किन्हें प्यार करहे।

गलातियो 6:9

आस्से खरे काम करणे रे कठे हिम्मत नी छाडे; क्यूंकि अगर आस्से हार नी मनदे, ता आस्सा जो परमेसरा रे तय कितिरे टैमा पर इनाम मिलणा।

1 थिस्सलुनकियो 3:6

पर ऐबे तिमिथियुस तुस्सा रे विस्वास होर प्यारा री खरी खबर लई किन्हें आस्सा वाले वापस आई गईरा। तिन्हें ये भी सुणाया कि तुस्से आस्सा जो बड़े प्यार किन्हें याद करहा ऐं, होर जिहां आस्से तुस्सा जो देखणे रे कठे तरस्या करहा ऐं, तिहां ईं तुस्से भी आस्सा जो देखणे रे कठे तरस्या करहा ऐं।

2 थिस्सलुनकियो 1:11

इधी कठे आस्से हमेसा तुस्सा रे कठे प्रार्थना भी करहा ऐं कि, आस्सा रा परमेसर तुस्सा जो तेस जिन्दगी रे लायक बणाये, जेस जो जीणे रे कठे तुस्से सादिरे। होर तुस्सा री हर एक खरी इच्छा जो भलाई रे कामा मन्झ बदली दे, होर आपणी सामर्था रे ज्रीए विस्वासा रे मताबक जिन्दगी जीणे मन्झ मदद करहे।

2 थिस्सलुनकियो 1:3

हे भाईयो होर बैहणो, तुस्सा रे बारे मन्झ आस्सो हमेसा परमेसरा रा धन्यावाद करणा चहिए। आस्सा रे कठे ये करणा ठीक भी आ, क्यूंकि यीसू मसीह मन्झ तुस्सा रा विस्वास बौह्त बढ़ी गईरा, होर एक दूजे किन्हें तुस्सा रा प्यार होर भी ज्यादा बढ़दा जाहाँ।

1 तिमिथियुस 1:14

आस्सा रे प्रभुए हमेसा मेरे पर बौह्त ज्यादा अनुग्रह कितेया। होर मसीह यीसू साउगी एक हूंणे री वजहा ले तिन्हें मुंजो विस्वास होर प्यार दितेया।

1 तिमिथियुस 2:3

एस तरीके किन्हें सब लोका रे कठे प्रार्थना करना सही आ, होर आस्सा रा उद्धारकर्ता परमेसर एता जो ग्रहण करहा।

इब्रानियो 10:36

क्यूंकि तुस्सा जो सबर रखणा जरूरी ई, ताकि तुस्से परमेसरा री इच्छा जो पूरी करी सके। तेबे परमेसरा तुस्सा जो से सब कुछ देणा जेता रा देणे रा वादा तिन्हें तुस्सा किन्हें कितिरा।

इब्रानियो 11:17

विस्वास करणे ले ई अब्राहमे जेबे परमेसरे तेसरी परीक्सा किती ता से आपणे मह्ठे इसहाका री बलि चढ़ाणे रे कठे त्यार हुई गया। परमेसरे तेस किन्हें ये बोलिरा था कि, “इसहाका रे ज्रीए ही तेरा बंस बढ़णा।” हालांकि परमेसरे अब्राहमा ले वादा कितिरा था फेरी भी से आपणे एकलौते मह्ठे जो बलिदान करणे रे कठे त्यार हुई गया जेसरे ज्रीए परमेसरा रा वादा पूरा हूंणा था। अब्राहमे मनी लेईरा था कि अगर इसहाक मरी भी जांघ्हा तेबे भी परमेसरा से जिउंदा करणा, होर एक तरफ सोचदे ता अब्राहमा जो तेसरा मह्ठा इसहाक मरणे बाद दबारा वापस मिल्या।

इब्रानियो 4:11

इधी कठे आस्से भी तेस अराम री जगहा मन्झ दाखल हूंणे कठे कड़ी मेहनत करिए। एह्ड़ा नी हो कि कोई भी तिन्हा लोका साहीं परमेसरा रे हुक्म ना मनणे री वजहा ले तेस अराम री जगहा मन्झ दाखल हूंणे ले रही जाए।

इब्रानियो 6:15

होर एस तरहा अब्राहमे बौह्त टैमा तक सबर रखणे रे बाद तेस वादे जो आपणे जिन्दगी मन्झ पूरा हुंदे देख्या।

1 पतरस 3:4

बल्की तुस्सा री सुन्दरता एस गल्ला ले जाहिर हुईं कि तुस्सा रे दिला मन्झ क्या यानि नम्रता होर सांत मन जो की तुस्सा रे गैहणे ऐं, जेता री परमेसरा री नजरा मन्झ बडी कीमत ई।

1 यहून्ना 3:18

हे लाडले बच्चेयो, आस्सा री बोली होर गल्ला मन्झ ई नी, पर काम होर सच्चाई किन्हें भी प्यार सूझणा चहिए।

1 यहून्ना 3:21

हे लाडले भाईयो होर बैहणो, अगर आस्सा री अंतरात्मा आस्सा जो दोसी नी ठैहराए ता परमेसरा रे साम्हणें आस्सा जो हिम्मत हुंहाँ ईं।

1 यहून्ना 3:3

होर जो कोई मसीह पर ये आस रख्हा, से आपणे आपा जो तेह्ड़ा ई पवित्र करहा, जेह्ड़ा मसीह आपु पवित्र आ।

1 यहून्ना 5:3

जो आस्सा रा प्यार परमेसरा किन्हें ये आ, होर से एता मन्झ आ कि आस्से तेसरे हुक्म मन्हें; होर तेसरे हुक्म मन्ना कठण नी ऐं।

प्रकासना री गल्ला 2:19

हांऊँ जाणहां कि तू क्या काम करहा, होर ये भी कि तुस्से एक दूजे किन्हें प्यार करहे, होर तुस्सा रा मेरे पर बौह्त मजबूत विस्वास आ। हांऊँ जाणहां कि किहाँ तुस्से एक दूजे री सेऊआ कितिरी, होर ये भी कि तू मेरे पर विस्वास करणे री वजहा ले सबर रखी किन्हें दुःख सहन करा। होर ये भी कि तेरे ऐबे रे काम पैहले ले बढ़ी किन्हें ऐं।

प्रकासना री गल्ला 3:10

जेबे तुस्से दुखी थे ता तेता जो सबरा साउगी सहन करणे रे कठे तुस्से मेरी गल्ला जो मन्नेया, होर एस वजहा ले मां भी तू परीक्सा रे टैमा बचाई रखणा। ये परखणी रा टैम सभ संसारा रे लोका पर आऊंणा।