1 थिस्सलुनकियो 1:2 - मंडयाली नंऊँआं नियम

² आस्से आपणी प्रार्थना मन्झ तुस्सा जो याद करहा ऐं होर हमेसा तुस्सा सभी रे बारे मन्झ परमेसरा रा धन्यावाद करहा ऐं।

1 थिस्सलुनकियो 1:2 Iomraidhean Croise

रोमियो 6:17

तुस्सा री पुराणी जिन्दगी मन्झ तुस्से पापा रे गुलाम थे, पर ऐबे तुस्से पुरे मना किन्हें मसीह रे बारे मन्झ तिन्हा उपदेसा जो मन्नदे लगिरे जो तुस्सा जो स्खाईरे थे। इधी कठे हांऊँ परमेसरा रा धन्यावाद करहा।

1 कुरिन्थियो 1:4

हांऊँ हमेसा तुस्सा रे बारे मन्झ परमेसरा रा धन्यावाद करहा कि तिन्हें आपणे अनुग्रह ले तुस्सा जो बौह्त सारी आसिसा दितिरी, होर ये इधी कठे हुआ कि तुस्से मसीह यीसू साउगी एक कितिरे गईरे।

कुलुस्सियो 1:3

जेबे हमेसा आस्से तुस्सा रे कठे प्रार्थना करहे, आस्से आपणे प्रभु यीसू मसीह रे बापू यानि परमेसरा रा धन्यावाद करहा ऐं।

1 थिस्सलुनकियो 2:13

इधी कठे आस्से भी परमेसरा रा धन्यावाद लगातार करहा ऐं; कि जेबे तुस्से आस्सा रे ज्रीए परमेसरा रा बचन रा प्रचार सुणेया, ता तुस्से तिन्हा बचना जो माह्णुंआं रा नी, पर परमेसरा रा बचन समझी किन्हें ग्रैहण कितेया, होर सच्चे ये परमेसरा रा बचन आ, जो तुस्सा विस्वासी लोका री जिन्दगी मन्झ काम करहा।

1 थिस्सलुनकियो 3:9

होर जो खुसी आस्सा जो तुस्सा रे बारे मन्झ, तुस्सा री वजहा ले मिल्हा ई, तेता रे कठे आस्से आपणे परमेसरा रा धन्यावाद किहाँ करिए?

2 थिस्सलुनकियो 1:3

हे भाईयो होर बैहणो, तुस्सा रे बारे मन्झ आस्सो हमेसा परमेसरा रा धन्यावाद करणा चहिए। आस्सा रे कठे ये करणा ठीक भी आ, क्यूंकि यीसू मसीह मन्झ तुस्सा रा विस्वास बौह्त बढ़ी गईरा, होर एक दूजे किन्हें तुस्सा रा प्यार होर भी ज्यादा बढ़दा जाहाँ।

फिलेमोन 1:4

जेबे भी हांऊँ तुस्सा रे कठे प्रार्थना करहा ता हांऊँ हमेसा तुस्सा रे कठे परमेसरा रा धन्यावाद करहा।