1 थिस्सलुनकियो 1:10 - मंडयाली नंऊँआं नियम

¹⁰ होर तेसरे मह्ठे यीसू रा स्वर्गा ले वापस आऊणें रा इंतजार करदे रैहया, जेस जो परमेसरे मरिरे मन्झा ले जिउंदा कितेया, होर जो आस्सा जो आऊणें वाले न्याय रे डरा ले बचाहां।

1 थिस्सलुनकियो 1:10 Iomraidhean Croise

मत्ती 1:21

तेस्सा एक बच्चा जमणा होर तू तेसरा नांऊँ यीसू रख्या, क्यूंकि तेस आपणे लोका रा तिन्हारे पापा ले उद्धार करणा।”

मत्ती 16:27

क्यूंकि मां माह्णुं रे मह्ठे आपणे स्वर्गदूता साउगी आपणे बापू री महिमा मन्झ आऊंणा, होर तेस टैम तेस हर एकी जो तेसरे कामा रे मताबक इनाम देणा।

मत्ती 16:28

हांऊँ तुस्सा किन्हें सच्च बोल्हा कि एथी बौह्त लोक खड़ीरे कि जेबे तिन्हा हांऊँ माह्णुं रा मह्ठा तेसरे राजा मन्झ आऊंदे हुये देखी लैन्घे, तेबे ही तिन्हा मरणा।”

मत्ती 3:7

जेबे तिन्हें फरीसी लोक होर सदूकी लोक जो बपतिस्मा लेणे रे कठे आपणे वाले आऊंदे देख्या, तेबे यहून्ने तिन्हा किन्हें बोल्या कि, “तुस्से लोक जैहर्ले कीड़े रे बच्चे साहीं ऐं, तुस्सा जो कुने दसेया कि परमेसरा रे आऊणें वाल़े गुस्से ले भगा।

लूका 2:25

होर तेस टैमा यरुस्लेम सैहरा मन्झ समौन नांऊँआं रा एक माह्णुं था, होर से माह्णुं धर्मी होर भक्त था; होर से मसीहा रा इंतजार करेया करहा था कि से आई किन्हें इस्राएल देसा मन्झ सुख चैन दे, होर पवित्र आत्मा तेस पर था।

लूका 3:7

जेबे भीड़ा री भीड़ तेस ले बपतिस्मा लेणे रे कठे आया करहा ई थी, यहून्ने तिन्हें किन्हें बोल्हा था, “तुस्से लोक जैहर्ले कीड़े रे बच्चे साहीं ऐं, तुस्सा जो कुने दसेया कि परमेसरा रे आऊणें वाल़े गुस्से ले भगा।

चुणिरे चेले रे काम 1:11

होर बोल्दे लगे, हे गलील जिल्ले रे माह्णुंओ, तुस्से खड़ी किन्हें आसमाना वखा किधियो देख्या करहा ऐं? यीसू जो परमेसरे तुस्सा रे बिचा ले स्वर्गा वखा जो चक्की लईरा। जेस तरीके किन्हें तुस्से से स्वर्गा वखा जो जांदा देख्या, तिहां ईं तुस्सा दबारा वापस आऊंदे देखणा।

चुणिरे चेले रे काम 17:31

क्यूंकि तिन्हें एक ध्याड़ा तय कितिरा, जेबे तेस आपणे नियुक्त कितिरे एक माह्णुं रे ज्रीए धर्मा किन्हें संसारा रा न्याय करणा, जिन्हें तेस जो नियुक्त करी किन्हें तेस जो मरिरे मन्झा ले जिउंदा करी किन्हें, तिन्हें सभी जो एस गल्ला रा सबूत दितेया।”

चुणिरे चेले रे काम 2:24

पर तेस जो परमेसरे मौता रे बंधना ले छुड़ाई किन्हें जिन्दा कितेया: क्यूंकि ये नामुमकिन था कि मौता तेस जो आपणे बसा मन्झ रखे।

चुणिरे चेले रे काम 2:32

एस मसीह यीसू जो परमेसरे जिउंदा करी दितेया। होर आस्से सभ एस्सा सच्चाई रे गुआह ऐं।

चुणिरे चेले रे काम 3:15

होर तुस्से से मारी दितेया जेहड़ा अनंत जिन्दगी रा सोता आ, होर जेस जो परमेसरे मरिरे मन्झा ले जिउंदा कितेया। होर आस्से एस सच्ची गल्ला रे गुआह ऐं।”

चुणिरे चेले रे काम 3:21

जरूरी आ कि से स्वर्गा मन्झ तेस टैमा तक रैहे जेबे तक कि से सभ गल्ला रा सुधार नी करी ले, जेसरी चर्चा परमेसरे बौह्त पैहले से ही आपणे पवित्र नबिये रे ज्रीए कितिरी।

चुणिरे चेले रे काम 4:10

ता तुस्से सभ होर सारे इस्राएल देसा रे लोक जाणी ले कि नासरता रे यीसू मसीह रे नांऊँआं ले जेस जो तुस्से क्रूसा प्रयाल्हे चढ़ाया, होर परमेसरे मरिरे मन्झा ले जिउंदा कितेया, होर ये माह्णुं तुस्सा रे साम्हणें भला चंगा खड़ीरा।

रोमियो 1:4

होर यीसू पवित्र आत्मा रे सामर्था ज्रीए मरिरे मन्झा ले जी उठणे री वजहा ले परमेसरा रा मह्ठा ठैहर्या।

रोमियो 2:7

जो लोक खरे कामा जो करदे हुए परमेसरा री वखा ले मिलणे वाली महिमा, आदर होर कधी ना खत्म हूंणे वाली जिन्दगी री तोपा मन्झ रैंहयां ऐं, परमेसरा तिन्हा सभी जो अनंत जिन्दगी देणी।

रोमियो 4:25

मसीह यीसू आस्सा रे पापा रे कठे पकड़वाया होर मारेया गया, होर परमेसरे से दबारा जिउंदा भी कितेया, ताकि आस्से परमेसरा री नजरा मन्झ धर्मी माह्णुं बणी सके।

रोमियो 8:34

कोई आस्सा पर सजा रा हुक्म नी देई सकदा। क्यूंकि मसीह यीसू ही से आ जो मरी गया होर मरिरे मन्झा ले भी जिउंदा हुई गया। से परमेसरा रे सीधी वखा जो आ, होर आस्सा रे कठे अर्ज भी करहा।

1 कुरिन्थियो 1:7

होर इधी कठे कि जेबे तुस्से यीसू मसीह रे दबारा वापस आऊणें रा इंतजार करदे लगिरे, परमेसरे से सब आत्मिक बरदान तुस्सा जो देई दितिरे, जेह्ड़ा पवित्र आत्मा सब विस्वासी लोका जो देआ।

गलातियो 3:13

जेबे मसीहे आपणे प्रयाल्हे स्रापा जो लेई किन्हें आस्सा रे कठे क्रूसा प्रयाल्हे मरी गया, तेबे तिन्हें आस्से व्यवस्था रे स्रापा ले छुड़ाई लिते। क्यूंकि पवित्र सास्त्रा मन्झ लिखिरा कि, “जो कोई लकड़ी पर मारी दितेया जाहाँ, से स्रापित आ।”

फिलिप्पियो 3:20

पर आस्सा रा आपणा देस स्वर्गा मन्झ आ होर सच्चे आस्सा रा घर एस संसारा मन्झ नी आ। होर तेथी ले आस्से आपणे उद्धार करणे वाले प्रभु यीसू मसीह रे आऊणें रा इंतजार करेया करहा ऐं।

कुलुस्सियो 1:18

मसीह ही कलीसिया रा मूंड आ; होर कलीसिया मसीह रा सरीर आ। सेई सुर्हू आ, होर मरिरे मन्झा ले जिउंदा हूंणे वाल़ा पैहला था; ताकि हर गल्ला मन्झ पैहली जगहा तेस जो ई मिले।

1 थिस्सलुनकियो 1:7

होर एथी तक कि मकीदुनिया ईलाके होर अखाया ईलाके रे सभ विस्वासिया रे कठे तुस्से उदाहरण बणे।

1 थिस्सलुनकियो 2:16

होर स्यों आस्सा जो अन्यजाति लोका मन्झ उद्धारा री खुसी री खबर प्रचार करणे ले रोक्हा ऐं, ताकि स्यों तेबे तक आपणे पापा रा घड़ा भरदे रहे जेबे तक परमेसर तिन्हा जो सजा नी दे। पर ऐबे ता परमेसरा सच्चे तिन्हो सजा देणी।

1 थिस्सलुनकियो 2:7

पर तुस्सा रे बीचा मन्झ आस्से एह्ड़ी नम्रता दसी जिहां एक दूध प्याणे वाली माऊ आपणे बच्चेया रा पालन पोसण करहा ई।

1 थिस्सलुनकियो 5:9

क्यूंकि परमेसरे आस्सा जो गुस्से मन्झ सजा देणे रे कठे नी चुणिरा, पर इधी कठे चुणिरा, ताकि आस्से आपणे प्रभु यीसू मसीह रे ज्रीए उद्धार पाए।

2 तिमिथियुस 4:1

जेबे मसीह यीसू राजेया साहीं राज करदे आऊंणा, तेबे तेस जिउंदेया रा होर मरिरे दुहीं रा न्याय करणा। होर इधी कठे परमेसर होर मसीह जो गुआह मनी किन्हें हांऊँ तुजो आदेस देआ,

तितुस 2:13

आस्से एह्ड़ा ही करदे रहे जेबे कि आस्से आपणे म्हान परमेसर होर उद्धारकर्ता यीसू मसीह जो आपणी महिमा साउगी एस संसारा मन्झ वापस आऊणें री आस करदे लगिरे।

इब्रानियो 10:27

हां फेरी ता सिर्फ परमेसरा रा न्याय होर भयानक आगा रा सेक जो परमेसरा रे व्रोधीयो भस्म करी देईं, इन्हा गल्ला रा इंतजार हाल्ले बाकि आ।

इब्रानियो 9:28

तिहां ईं मसीह भी कई लोका रे पाप माफ करणे रे कठे एक ई बारी बलिदान हुआ। पर जेबे तेस दबारा एस धरती पर आऊंणा, ता तेस पाप माफ करणे रे कठे नी, पर तिन्हा लोका जो उद्धारा करणे रे कठे आऊंणा, जो तेस जो न्हायल्दे लगिरे।

1 पतरस 1:21

तिन्हें मसीहे जो कितिरा तेता री वजहा ले ई तुस्से परमेसरा पर विस्वास करहे। तिन्हें ही यीसू जो मरिरे मन्झा ले जिउंदा कितेया, होर तेस जो महिमा दिती। इधी कठे परमेसरा पर तुस्सा रा विस्वास होर आस दुहें मजबूत ऐं।

1 पतरस 1:3

आस्सा रे प्रभु मसीह यीसू रे बापू होर परमेसर धन्यावाद हो, जिन्हें आपणी बड़ी दया ले आस्सा जो नौंईं जिन्दगी दिती। क्यूंकि परमेसरे यीसू मसीह जो मरिरे मन्झा ले जिउंदा कितिरा, आस्से आपणी जिन्दगी बड़ी आसा किन्हें जी सके यानि आस्से पूरी उम्मीद रखी सके की जो वादा तिन्हें आस्सा किन्हें कितिरा से तेस पूरा करणा।

1 पतरस 2:21

होर एक वजहा ये भी की परमेसरे तुस्से चुणिरे कि तुस्से मसीह रे कठे दुःख सहन करो। मसीहे भी तुस्सा रे कठे दुःख उठाया, होर एह्ड़ा करी किन्हें तिन्हें तुस्सा रे कठे एक उदाहरण छाडेया कि, तुस्से भी तेसरे पद चिन्हा पर चली सको।

1 पतरस 3:18

हांऊँ एह्ड़ा इधी कठे बोल्हा क्यूंकि मसीह सिर्फ एक ही बारी आस्सा रे पापा रे कठे दुःख सहन करी किन्हें मारी दितेया। से एक धर्मी माह्णुं था जो आस्सा अधर्मिया रे कठे मरी गया, ताकि से आस्सा जो परमेसरा रे नेडे ल्याई सके; तिन्हें तेसरा सरीर खत्म करी दितेया पर तेसरी आत्मा जिउंदी।

2 पतरस 3:12

होर जेबे तुस्से तेस ध्याड़े रा इंतजार करहे जेबे परमेसरा एस संसारा रा न्याय करदे आऊंणा, ता तेसरे ध्याड़े जो जल्दी लेई आऊणें रे कठे कोसिस करहा। तेस ध्याड़े, आगिया आसमान फुखी किन्हें नास करी देणा, होर आसमाना मन्झ जेह्ड़ी भी चीजा, सूरज, चांद, तारे सभीया तपी किन्हें गली जाणा।

2 पतरस 3:14

इधी कठे, हे लाडले भाईयो होर बैहणो, जेबे तुस्से तेस ध्याड़े रा इंतजार करहे जेबे परमेसरा संसारा रा न्याय करणा, ता पूरी कोसिस करा कि आपणे आपा जो बेदाग होर बेकसूर होर तेसरे साउगी सांति मन्झ रखी पाओ।

प्रकासना री गल्ला 1:18

होर हांऊँ ही आ, जो हमेसा रे कठे जिउंदा आ। हांऊँ मरी गईरा था, पर ऐबे जिउंदा हुई गईरा, होर जुग-जुग जिउंदा रेहणा। होर मौत होर पताल लोका री चाबिया मेरे वाले ई।”

प्रकासना री गल्ला 1:7

सुणा, से बादला साउगी आऊणें वाल़ा आ। होर हर एकी माह्णुं से देखणा, बल्की जिन्हें जे से क्रूसा प्रयाल्हे भाले किन्हें कोती किन्हें मारी दितिरा था, तिन्हा भी से वापस आऊंदे हुए देखणा। होर धरती रे सारी जातिया रे लोका से देखणा, ता तिन्हा छाती पिटी-पिटी किन्हें रोणा। हां ये गल्ला पक्का हूणीं! आमीन।