1 पतरस 5:3 - मंडयाली नंऊँआं नियम

³ होर जो लोक तुस्सा जो सौंपे गईरे, तिन्हा पर हक नी जताऊआ, जिहां एक अधिकारी लोका पर आपणा हक जता पर झुंडा रे कठे एक खरा उदाहरण बणां।

1 पतरस 5:3 Iomraidhean Croise

यहून्ना 13:15

क्यूंकि मैं तुस्सा जो एक उदाहरण दसी दितेया, जो मैं तुस्सा साउगी कितेया, तुस्से भी एह्ड़ा ई करदे रहुआ।

चुणिरे चेले रे काम 20:28

“इधी कठे आपणी होर आपणे झुंडा री चौकसी करा; जेस ले पवित्र आत्मे तिन्हा जो कलीसिया रे अगुवे ठैहराईरा: ताकि तुस्से परमेसरा री तेस कलीसिया रा ध्यान रखा, जेस जो तिन्हें आपणे खूना रे बदले खरदी लईरा था।

1 कुरिन्थियो 11:11

फेरी भी अगर आस्से विस्वासी लोका री गल करहे ता ज्नाने जो मर्धा री मदद चहिए, होर मर्धा जो ज्नाने री मदद चहिए।

1 कुरिन्थियो 3:5

ता फेरी सोचा कि अपुल्लोस कुणहां? होर हांऊँ पौलुस कुणहां? आस्से ता सिर्फ परमेसरा रे सेऊआदार ऐं जिन्हारे ज्रीए तुस्से मसीह पर विस्वास कितेया, होर आस्सा मन्झा ले सभीए से काम कितेया जो परमेसरे दितेया।

1 कुरिन्थियो 3:9

क्यूंकि आस्से परमेसरा रे सहकर्मी ऐं, होर तुस्से सभ विस्वासी लोक परमेसरा री एक खेती साहीं ऐं जो तेसरी ई। होर हांऊँ तुस्सा री तुलना एक घरा साउगी करी सका जेस जो परमेसर बणाया करहा।

2 कुरिन्थियो 1:24

एता रा मतलब ये नी कि, आस्से तुस्सा पर एस गल्ला रा हक जताया करहे कि तुस्सा जो केस गल्ला पर विस्वास करणा चहिए। क्यूंकि तुस्से आपणे ही विस्वासा रे ज्रीए मजबूत बणिरे, होर आस्से तुस्सा री ही खुसी रे कठे तुस्सा साउगी काम करणा चाहें।

2 कुरिन्थियो 4:5

क्यूंकि आस्से आपणे आपा जो नी, बल्की यीसू मसीह रा प्रचार करहा ऐं कि मसीह यीसू ही प्रभु आ। होर तिन्हें ही आस्से तुस्सा रे सेऊआदार हूंणे रे कठे भेजिरे।

फिलिप्पियो 3:17

हे भाईयो होर बैहणो, मेरे उदाहरणा रा अनुसरण करहा, होर जो मेरे उदाहरणा रा अनुसरण करहे तिन्हा पर ध्यान देआ, होर तिन्हारे उदाहरणा भी अनुसरण करहा।

फिलिप्पियो 4:9

जो गल्ला तुस्से मेरे ले सीखी, होर ग्रहण किती, होर सुणी, होर मेरे मन्झ देखी, तिन्हारा पालन करा, तेबे परमेसरा जो सांति देआ, तुस्सा साउगी रैंह्णां।

1 थिस्सलुनकियो 1:7

होर एथी तक कि मकीदुनिया ईलाके होर अखाया ईलाके रे सभ विस्वासिया रे कठे तुस्से उदाहरण बणे।

2 थिस्सलुनकियो 3:9

आस्से बौह्त मेहनत किती, इधी कठे नी कि आस्सा जो तुस्सा ले मदद लेणे रा हक नी आ; पर इधी कठे कि आस्से आपणे आपा जो तुस्सा रे कठे उदाहरण बणाए, ताकि तुस्से नकर्मे नी बणो पर आस्सा साहीं मेहनत करो।

1 तिमिथियुस 4:12

कोई तेरी जुआनी जो बेकार नी समझणे पाए; पर जो गल्ला तू बोल्हा, होर आपणे चाल चलना रे ज्रीए, दूजेया रे कठे तेरे प्यारा रे ज्रीए, होर मसीह पर तुस्सा रे विस्वास होर तुस्सा री पवित्र जिन्दगी रे ज्रीए, तू विस्वासी लोका रे कठे एक उदाहरण बणी जा।

तितुस 2:7

होर हर गल्ला मन्झ आपणे भले कामा रा उदाहरण दे कि दूजे लोक भी तुस्सा जो देखी किन्हें आपणे आपा जो बदली दे, जेबे तू विस्वासी लोका जो परमेसरा रे बारे मन्झ सखाई करहा ता खरे मकसद साउगी सखा, जेता ले स्यों तुस्सा री इज्जत करहे।

1 पतरस 2:9

पर तुस्से एह्ड़े लोक नी ऐं, तुस्से परमेसरा रे चुणिरे लोक ऐं। होर परमेसरा रे याजक लोक, जो राजे होर पवित्र लोक, होर परमेसरा रे आपणे लोक ऐे, तिन्हें तुस्से नहयारे मन्झा ले आपणी नौखे प्रयासे मन्झ सादी लईरे ताकि तुस्से परमेसरा रे नौखे कामा रा प्रचार करी सको।