1 पतरस 5:2 - मंडयाली नंऊँआं नियम

² कि विस्वासी लोका रे झुंडा री देखभाल करा; जो परमेसरा री, होर जो तुस्सा जो दितिरी की तुस्से तिन्हारी देखभाल करी सको। होर तिन्हारी देखभाल खुसी किन्हें करहा, कोई जोर जबरदस्ती किन्हें नी, क्यूंकि ये ही परमेसरा री इच्छा ई। एह्ड़ा तुस्से नीच कमाई रे कठे नी, पर सच्चे तिन्हारी मदद करणे रे कठे करा।

1 पतरस 5:2 Iomraidhean Croise

लूका 12:32

“हे छोटे झुंड, मत डर; क्यूंकि तुस्सा रे बापू परमेसरा जो ये खरा लग्या कि, तुस्सा जो परमेसरा रा राज दे।

चुणिरे चेले रे काम 20:29

हांऊँ जाणहां कि, मेरे जाणे ले बाद तुस्सा रे बीचा मन्झ खतरनाक भेड़िये साहीं झूठे उपदेस देणे वाले आऊणें, तिन्हा विस्वासी लोका रा बौह्त नुक्सान करणा।

चुणिरे चेले रे काम 21:13

एता पर पौलुसे जवाब दितेया कि, “तुस्से क्या करेया करहा ऐं कि, रोई-रोई किन्हें मेरा दिल तोड़हा ऐं, हांऊँ ता प्रभु यीसू रे नांऊँआं रे कठे यरुस्लेम सैहरा मन्झ सिर्फ बान्हेया जाणे रे कठे नी, पर मरणे रे कठे भी त्यार आ।”

रोमियो 1:15

इधी कठे, हांऊँ दिला किन्हें बौह्त इच्छा करहा कि हांऊँ रोम सैहरा मन्झ आई किन्हें तुस्सा सभी जो भी खुसी री खबर सुणाऊं।

1 कुरिन्थियो 9:7

कोई भी आदमी आपणे खर्चे पर स्पाही रा काम नी करदा। से जो अंगूरा रा बगीचा लगां से भी तेसरा फल खाणे री उम्मीद रखा। होर भेडा रे झुंडा री रखवाली करणे वाल़ा भी तिन्हा भेडा रा दूध पीणे री उम्मीद रखा।

1 तिमिथियुस 3:3

से दारुबाज या मारपीट करणे वाल़ा नी हो; बल्की दूजेया पर दया करणे वाल़ा हो। होर ना झगड़ा करणे वाल़ा हो होर ना पैसे रा लालच करणे वाल़ा हो।

1 तिमिथियुस 3:8

कलीसिया रे अगुवे साहीं कलीसिया रे सेऊआदार भी एह्ड़े लोक हो जिन्हारी लोक इज्जत करदे हो, होर जो कुछ स्यों बोलदे हो तेता मन्झ इमानदार हो, सराबी होर दूजेया जो धोखा देई किन्हें पैसे कमाणे वाले नी हो।

तितुस 1:11

इन्हारा मुंह बन्द करणा चहिए; कि ये लोक एह्ड़ा नी स्खायें, क्यूंकि जेबे स्यों एह्ड़ा स्खायें, ता स्यों सभ परिवारा रे विस्वासा जो बगाड़ी दे। स्यों पैसे कमाणे रे कठे एह्ड़ा स्खायें।

तितुस 1:7

होर एक कलीसिया रा अगुवा परमेसरा रा भंडारी हूंणे री वजहा ले बेकसूर हूंणां चहिए; ना हठी, ना गुस्सा करणे वाल़ा, ना दारुबाज, ना मारपीट करणे वाल़ा हो, होर ना दूजेया जो धोखा देई किन्हें पैसे कमाणे री इच्छा रखदा हो।

तितुस 2:14

इन्हें यीसू मसीहे आपणे आपा जो आस्सा रे कठे बलिदान करी दितेया, ताकि आस्सा जो हर किस्मा रे पापा ले छुड़ाई ले; होर आस्सो सुद्ध करी दे ताकि आस्से तेसरे खास लोक बणी जाये जो खरे काम करणे री बड़ी इच्छा रखे।

तितुस 3:1

विस्वासी लोका जो याद दिलाया कर कि, हाकमा होर अधिकारिया री इज्जत करहा, होर तिन्हारे अधीन रेहा, होर दूजे कठे खरे काम करणे रे कठे त्यार रैहया।

फिलेमोन 1:14

अगर तुस्से एस गल्ला रे कठे राजी नी हुईरे, ता हांऊँ तेस जो आपणे वाले नी रखेया करहा। हांऊँ चाहां कि तुस्से ये मदद मेरे बोलणे रे दबाब से नी पर खुसी किन्हें करो।

इब्रानियो 12:15

होर ध्याना रखा कि, एह्ड़ा नी हो कि, कोई परमेसरा रे अनुग्रह ले छुटी जाए, या विस्वास नी करणे री कौउड़ी जड़ तुस्सा रे बीचा मन्झ फुटी निकले क्यूंकि जेबे से बझीरी ता आपणे जैहरा रे ज्रीए बौह्त सारी परेसानी जो बढाई देई।

2 पतरस 2:3

एह्ड़े स्खाणे वाले लोक लालची हूंणे, होर मन घड़न्त कहाणीया बणाई किन्हें पैसा कमाणे रे कठे तुस्सा जो धोखा देणा। परमेसरे बौह्त पैहले ले ही इन्हों सजा देणे रा फैसला कितिरा था। होर ऐबे से करणे रे कठे त्यार आ, तेस सच्चे स्यों नास करी देणे।