1 पतरस 5:1 - मंडयाली नंऊँआं नियम

¹ एक होर गल ई जो हांऊँ तुस्सा लोका किन्हें यानि कलीसिया रे अगुवे किन्हें बोलणा चाहां, क्यूंकि हांऊँ भी तिन्हा साहीं एक कलीसिया रा अगुवा। मैं आपु स्यों दुःख देखिरे जो मसीहे बौह्त पैहले काटीरे। जेबे तेस दबारा वापस आऊंणा मां तेसरी महिमा रा भी साझीदार बणना। तुस्सा साहीं अगुवा हूंणे रे नाते हांऊँ तुस्सा किन्हें अर्ज करहा,

1 पतरस 5:1 Iomraidhean Croise

लूका 24:48

तुस्से इन्हा सभी गल्ला रे गुआह ऐ।

प्रकासना री गल्ला 1:9

हांऊँ यहून्ना तुस्सा रा विस्वासी भाई आ। यीसू मसीह साउगी एक हूंणे री वजहा ले हांऊँ दुःख सहन करहा, जिहां तुस्से भी करहे। हांऊँ परमेसरा रे राज्जा रा, जिहां कि तुस्से भी ऐ। होर मुंजो भी धीरज रखणा चहिए, जिहां कि तुस्से भी रखे। परमेसरा रे बचना रा प्रचार, होर मसीह रे सच्चे उपदेसा जो सुनाणे री वजहा ले कैदी बणाई किन्हें हांऊँ पतमुस टापू जो भेजी दितेया।

2 यहून्ना 1:1

हांऊँ यहून्ना एस्सा चिठ्ठी जो लिख्दा लगिरा। हांऊँ कलीसिया रा अगुवा आ। हांऊँ ये चिठ्ठी परमेसरा री चुणिरी तेस्सा बैहणा रे कठे होर तेस्सा रे बच्चे रे कठे लिख्या करहा। हांऊँ तुस्सा सभी किन्हें सच्चे प्यार रखा, हांऊँ ही नी स्यों सब लोक भी तुस्सा किन्हें प्यार रखे, जो सच्चाई जो जाणांहे।

1 पतरस 5:4

होर जेबे प्रधान रखवाला यानि यीसू मसीह दबारा वापस आऊंणा, ता तुस्सा जो एक बांका ताज देणा, जेसरी तेज महिमा कधी भी खत्म नी हूणीं।

1 यहून्ना 3:2

हे लाडले भाईयो होर बैहणो, ऐबे आस्से परमेसरा री बच्चे ऐं, होर हल्ली तक आस्सा जो नी पता कि आस्सा आगे क्या बणना! जो भी हो आस्से ये जाणहां ऐं कि, मसीह रे दबारा वापस आऊणें पर आस्सा भी तेस साहीं हूंणां, क्यूंकि जेह्ड़ा से आ, आस्सा से तेह्ड़ा ई देखणा।

1 पतरस 1:7

होर ये परेसानिया इधी कठे हुंहाँ ताकि ये जाहिर हो की तुस्सा रा विस्वास परमेसरा पर हाया की नी। मसीह पर तुस्सा रा विस्वास आगा मन्झ परखिरे सुद्ध कितिरे सोने ले भी ज्यादा कीमती आ। जिहां नास हूंणे वाल़ा सोना भी आगी किन्हें परखी जाहाँ, होर इंहां ही अगर तुस्सा रा विस्वास भी परेसानिया रे बीचा मन्झ मजबूत निकले, ता जेबे यीसू मसीहा दबारा वापस आऊंणा, तेस ध्याड़े तुस्सा जो भी बड़ाई, होर महिमा होर आदर मिलणा।

चुणिरे चेले रे काम 14:23

होर तिन्हें हर एक कलीसिया मन्झ तिन्हारे कठे कलीसिया रे अगुवे नियुक्त किते, होर ब्रता साउगी प्रार्थना करी किन्हें, तिन्हा जो प्रभु रे हवाले सौम्पेया जेस पर जे तिन्हें विस्वास कितेया था।

चुणिरे चेले रे काम 11:30

होर तिन्हें एह्ड़ा ई कितेया; होर बरनबास होर साऊला रे हाथ कलीसिया रे अगुवे वाले कुछ ढब्बे भेजी दिते।

1 पतरस 1:12

पर परमेसरे नबिया पर ये गल जाहिर किती कि, स्यों जो गल्ला बोल्या करहा ऐं थे, स्यों तिन्हारे कठे नी पर तुस्सा रे कठे ई। से गल मसीह रे बारे मन्झ खुसी री खबर ई जो तुस्से ऐबे सुणी लईरी, परमेसरे पवित्र आत्मा जो स्वर्गा ले भेजी किन्हें लोका री मदद किती कि स्यों तुस्सा जो खुसी री खबर सुणाहें, होर ये बड़ी हरानी गल्ला ई कि स्वर्गदूत भी बड़े गौरा किन्हें इन्हा गल्ला जो हुंदे हुए देखी करहा ऐं।

तितुस 1:5

मैं तुजो क्रेते टापू मन्झ इधी कठे छाडी आईरा था कि, तू तेथी रही किन्हें आस्सा रे सुर्हू कितिरे कामा जो पूरा करहे, होर जिहां मैं तुजो गलाईरा था ठीक तिहां ही क्रेते टापू रे हर गांऊँआं मन्झ अगुवे जो नियुक्त करेया।

2 तिमिथियुस 4:8

प्रभुआ मुंजो से ताज देणा जो धार्मिकता रा ताज आ। से जो धर्मा किन्हें न्याय करहा, जेस ध्याड़े तेस दबारा वापस आऊंणा मुंजो ये इनाम देणा। तेस सिर्फ मुंजो ई नी, बल्की तिन्हा सभी जो भी देणा, जो सच्चे चाहे कि से दबारा वापस आई जाये।

1 तिमिथियुस 5:19

अगर कोई कलीसिया रे अगुवे पर दोस लगा कि तिन्हें पाप कितिरा, ता बगैर दो या तीन गुआहा रे एस्सा गल्ला रे कठे तेस पर दोस मत लगाऊआ।

1 तिमिथियुस 5:1

आपणे ले उम्रा मन्झ बड़े आदमी जो बेज्जत करणे रे कठे मत प्रुआच; पर तेस जो आपणा बापू समझी किन्हें समझाई दे, होर आपणे ले कम उम्रा वाले किन्हें आपणा भाई साहीं बर्ताव कर।

फिलिप्पियो 1:19

क्यूंकि हांऊँ ये जाणहां कि, तुस्सा री प्रार्थना होर यीसू मसीह रे ज्रीए भेजिरी पवित्र आत्मा री सहायता ले एस कैद मन्झ रेहणा मेरे कठे भलाई री वजहा ई।

2 कुरिन्थियो 5:1

क्यूंकि आस्से जाणहां ऐं कि, एस संसारा मन्झ आस्सा रा सरीर एक डेरे साहीं आ, जेस मन्झ आस्से रहे। होर जेबे ये डेरा ढई जाणा यानि आस्सा मरी जाणा, ता आस्सा जो परमेसरा री तरफा ले स्वर्गा मन्झ एक एह्ड़ा डेरा मिलणा, जो माह्णुंआं रे हाथा रा बणाईरा नी पर जुग-जुग रे कठे हूंणां।

चुणिरे चेले रे काम 21:18

दूजे ध्याड़े पौलुस आस्सा जो लई किन्हें याकूबा वाले लई गया, जेथी सभ कलीसिया रे अगुवे कठे हुईरे थे।

चुणिरे चेले रे काम 20:28

“इधी कठे आपणी होर आपणे झुंडा री चौकसी करा; जेस ले पवित्र आत्मे तिन्हा जो कलीसिया रे अगुवे ठैहराईरा: ताकि तुस्से परमेसरा री तेस कलीसिया रा ध्यान रखा, जेस जो तिन्हें आपणे खूना रे बदले खरदी लईरा था।

चुणिरे चेले रे काम 20:17

होर तिन्हें मीलेतुस सैहरा मन्झ पूजी किन्हें ले इफिसुस सैहरा रे कलीसिया रे अगुवे जो संदेस भेजेया होर सादे।

चुणिरे चेले रे काम 15:6

तेबे चुणिरे चेले होर कलीसिया रे अगुवे एस गल्ला रे बारे मन्झ विचार करणे रे कठे, कठे हुए।

चुणिरे चेले रे काम 15:4

जेबे यरुस्लेम सैहरा मन्झ पौहुंचे, ता कलीसिया होर चुणिरे चेले होर कलीसिया रे अगुवे तिन्हा किन्हें खुसी साउगी मिले, होर पौलुस होर बरनबासे दसेया कि परमेसरे तिन्हा साउगी केह्ड़े-केह्ड़े काम किते थे।

चुणिरे चेले रे काम 2:32

एस मसीह यीसू जो परमेसरे जिउंदा करी दितेया। होर आस्से सभ एस्सा सच्चाई रे गुआह ऐं।

चुणिरे चेले रे काम 1:8

पर जेबे पवित्र आत्मा तुस्सा पर आऊंणा तेबे तुस्सा सामर्थ पाणी; होर यरुस्लेम सैहरा होर सारे यहूदिया ईलाके होर सामरिया ईलाके, होर पुरे संसारा मन्झ लोका जो तुस्सा मेरी गुआह देणी।

2 कुरिन्थियो 5:8

इधी कठे आस्से हिम्मत रख्हा ऐं, होर मरणे रे बाद एस सरीरा जो छाडी किन्हें प्रभु साउगी रैंह्णां होर भी खरा समझ्हा ऐं।

चुणिरे चेले रे काम 3:15

होर तुस्से से मारी दितेया जेहड़ा अनंत जिन्दगी रा सोता आ, होर जेस जो परमेसरे मरिरे मन्झा ले जिउंदा कितेया। होर आस्से एस सच्ची गल्ला रे गुआह ऐं।”

इब्रानियो 12:1

एस वजहा ले जेबे बौह्त लोका री विस्वासा री गुआहिया आस्सो इतने बड़े बादला साहीं घिर्ही गईरे, ता आऊआ, आस्से हर एक रोकणे वाली चीज, होर उलझाणे वाले पाप दूर करी किन्हें, से दौड़ जेस मन्झ जे आस्सा जो दौड़ना आ, सब्र रखी किन्हें दौड़े।

1 पतरस 4:13

पर जिहां-जिहां तुस्से मसीह रे दुःखा मन्झ साझी हुंहाँ ऐं, खुसी मनाऊआ। एस वजहा ले जेबे मसीहा लोका पर आपणी महिमा जाहिर करदे आऊंणा, तेबे तुस्सा बौह्त ज्यादा खुस हूंणा।

3 यहून्ना 1:1

हांऊँ यहून्ना एस्सा चिठ्ठी जो लिख्दा लगिरा। हांऊँ कलीसिया रा अगुवा आ। होर हांऊँ ये चिठ्ठी आपणे लाडले दोस्त गयुसा रे कठे लिखी करहा, जेस जो हांऊँ सच्चा प्यार करहा।