1 पतरस 4:9 - मंडयाली नंऊँआं नियम

⁹ बगैर केसी सिकायत किन्हें तुस्सा रे घरा मन्झ आईरे मैहमाना री आदर-खातर करहा।

1 पतरस 4:9 Iomraidhean Croise

रोमियो 12:13

परमेसरा रे पवित्र लोका जो जिन्हा चीजा री कमी हो, तेता जो पूरी करणे मन्झ तिन्हारी मदद करा; अजनबीया रा आदर-खातर करणे मन्झ लगी रैहया।

रोमियो 16:23

गयुस भाई री तरफा ले तुस्सा जो नमस्कार। हांऊँ ऐबे तेसरे घरा मन्झ रहा, जेथी कलीसिया रे सारे विस्वासी लोक कठा हुयें। एस सैहरा रा भंडारी इरास्तुस भाई, होर आस्सा रे क्वारतुस भाई रा तुस्सा जो नमस्कार।

2 कुरिन्थियो 9:7

इधी कठे जिन्हें आपणे मना मन्झ जितना भी देणे रा फैसला कितिरा से उतना ई दे, बिना इच्छा ले या मजबूरी किन्हें नी दे, क्यूंकि “परमेसर खुसी किन्हें देणे वाले साउगी प्यार रख्हा।”

फिलिप्पियो 2:14

सब काम बगैर गलांण होर बगैर बैहसा ले करा।

1 तिमिथियुस 3:2

होर इधी कठे ये जरूरी आ कि कलीसिया रे अगुवे वाले ये सारे गुण हो-कि से बेकसूर हो, होर तेसरी एक ई लाड़ी हो, होर समझदारी किन्हें काम करणे वाल़ा होर आपणे आपा पर काबू रखणे वाल़ा हो। होर से एह्ड़ा हो कि दूजे लोक तेसरी इज्जत करदे हो, होर आपणे घरा मन्झ प्रोहणेया रा आदर-खातर करणे वाल़ा, होर परमेसरा रे वचना जो सही ढंगा किन्हें स्खाणे वाल़ा हो।

तितुस 1:8

पर आदर-खातर करणे वाल़ा, दूजे री भलाई करणे री इच्छा रखणे वाल़ा, आपणे पर काबू रखणे वाल़ा, धर्मी माह्णुं पवित्र होर हमेसा आपणी भावनाओं पर काबू रखणे वाल़ा हो।

फिलेमोन 1:14

अगर तुस्से एस गल्ला रे कठे राजी नी हुईरे, ता हांऊँ तेस जो आपणे वाले नी रखेया करहा। हांऊँ चाहां कि तुस्से ये मदद मेरे बोलणे रे दबाब से नी पर खुसी किन्हें करो।

इब्रानियो 13:16

पर भलाई होर जरूरत मंद लोका किन्हें आपणी चीजे बाडणा देख्या भुल्दे, क्यूंकि परमेसर एह्ड़े बलिदाना ले खुस हुंहाँ।

इब्रानियो 13:2

अजनबीया रा भी आदर-खातर करहा, क्यूंकि एह्ड़ा करदे हुए कई लोके अनजाणे मन्झ स्वर्गदूता रा आदर-खातर कितेया।

याकूब 5:9

हे भाईयो होर बैहणो, एक दूजे रे बारे मन्झ सिकायत मत करहा, नी ता परमेसरा तुस्सा रा न्याय करणा, होर न्याय करणे वाल़ा दुराजे वाले आई किन्हें खड़ी गईरा।