1 पतरस 4:8 - मंडयाली नंऊँआं नियम

⁸ होर सभी ले जरूरी गल येई कि एक दूजे किन्हें गहरा प्यार रखा; क्यूंकि अगर तुस्से एक दूजे किन्हें प्यार करहे, ता तुस्से तिन्हारी हमेसा केसी भी गलती जो माफ करणे रे कठे त्यार रहे।

1 पतरस 4:8 Iomraidhean Croise

1 कुरिन्थियो 13:1

अगर हांऊँ माह्णुंआं, होर स्वर्गदूता री भासा बोलूं, होर दूजे किन्हें प्यार नी करूं, ता मेरी गल्ला ठनठन करदा पीतल, होर झनझन करदी झांझ साहीं बेकार ईं।

1 कुरिन्थियो 13:4

जो लोक प्यार करहे, स्यों सबर रखणे वाले, होर दया करणे वाले हुयें; स्यों लोक हिर्ख नी करदे, होर आपणे बारे मन्झ बडी-बडी गल्ला नी करदे बड़ाई नी करदा। होर स्यों बडयाई नी करदे।

कुलुस्सियो 3:14

इन्हा सभी गल्ला ले बढ़ी किन्हें एक दूजे किन्हें प्यार करहा। एह्ड़ा करणे ले तुस्सा एक दूजे किन्हें एकता मन्झ जुड़ी रेहणा।

1 थिस्सलुनकियो 3:12

होर आस्से ये भी प्रार्थना करहे कि प्रभु एह्ड़ा करहे कि, जेह्ड़ा आस्से तुस्सा किन्हें प्यार रख्हा ऐं; तेह्ड़ा ई तुस्सा रा प्यार भी एक दूजे मन्झ, होर सभ माह्णुंआं साउगी बढ़े, होर तरक्की करदा जाए।

2 थिस्सलुनकियो 1:3

हे भाईयो होर बैहणो, तुस्सा रे बारे मन्झ आस्सो हमेसा परमेसरा रा धन्यावाद करणा चहिए। आस्सा रे कठे ये करणा ठीक भी आ, क्यूंकि यीसू मसीह मन्झ तुस्सा रा विस्वास बौह्त बढ़ी गईरा, होर एक दूजे किन्हें तुस्सा रा प्यार होर भी ज्यादा बढ़दा जाहाँ।

1 तिमिथियुस 1:5

हांऊँ ये आदेस तुस्सा जो इधी कठे देआ कि तुस्से एक दूजे किन्हें सच्चे दिला किन्हें प्यार करा, होर साफ अंतरात्मा, होर भरपूर विस्वास रखो।

इब्रानियो 13:1

एक दूजे जो आपणा भाई होर बैहण समझी किन्हें प्यार करहा।

याकूब 5:12

पर हे भाईयो होर बैहणो, सभी ले खरी गल ता येई कि, कसम देख्या खांदे, ना ता स्वर्गा री, ना ता धरती री, ना केसी होरी चीजा री, पर तुस्सा री गल “हां री हां,” होर “ना री ना” हो, ताकि परमेसर तुस्सा जो सजा नी दे।

याकूब 5:20

ता से ये जाणी ले कि जो कोई केसी भटकीरे पापी जो वापस लई आहुंघा, परमेसरा तेस भटकीरे माह्णुं रे कई पाप माफ करी देणे, होर तेस जो हमेसा री मौता ले बचाई लेहां।

1 पतरस 1:22

सच्चा जो मनणे री वजहा ले ही तुस्से आपणे पापा ले सुद्ध किती गईरे। इधी कठे ऐबे आपणे विस्वासी भाई बैहणा किन्हें गहरा होर पुरे दिला किन्हें प्यार करदे रैहया।

3 यहून्ना 1:2

हे लाडले दोस्त, मेरी ये प्रार्थना ई कि जिहां तू आपणे विस्वास मन्झ मजबूत हूँआ करहा, तिहां ईं सभ गल्ला मन्झ तेरे साउगी खरा हो, होर तेरा सरीर भला चंगा रहे।