1 पतरस 4:7 - मंडयाली नंऊँआं नियम

⁷ सभ गल्ला रा अंत जल्दी हूंणे वाल़ा आ; इधी कठे चतन्न रही किन्हें आपु पर काबू रखा होर प्रार्थना रे कठे त्यार रहा।

1 पतरस 4:7 Iomraidhean Croise

1 पतरस 1:13

एस वजहा ले आपणा-आपणा मन त्यार करा, जिहां लोक आपणी कमर कस्सी किन्हें काम करणे रे कठे त्यार हुंहाँ ऐं। चतन्न रहूआ की तुस्से क्या सोच्हे होर एह्ड़ा करणे ले तुस्से आपणे जिन्दगी एस आसा किन्हें जीये कि जेस ध्याड़े प्रभु यीसू मसीहा स्वर्गा ले वापस आऊंणा, तेस ध्याड़े परमेसरा तुस्सा जो आपणे अनुग्रहा रे ज्रीए उद्धारा रा दान देणा।

1 पतरस 5:8

चतन्न रैहया, होर त्यार रैहया, क्यूंकि सैतान तुस्सा रा व्रोधी आ, जो तुस्सा पर वार करणा चाहां ताकि तुस्से परमेसरा रे हुकमा जो नी मान्नो। से गुर्राणे वाले सेरा साहीं एस ताका मन्झ रैंहयां कि, केस जो फाड़ी किन्हें खाई दे।

2 तिमिथियुस 4:5

हर हालात मन्झ आपणे आपा पर काबू रख चाहे कुछ भी हुई जाये, दुःख सहन कर, होर पूरी मेहनत करी किन्हें खुसी री खबर सभी लोका जो सुणा होर जो सेऊआ तुजो सौंपीरी तेता जो पूरी कर।

लूका 21:34

“इधी कठे चतन्न रैहया, एह्ड़ा नी हो कि तुस्सा रे मन खुमार होर पी किन्हें मुतालणा, होर एस जिन्दगी री चिंता किन्हें सुस्त हुई जाए, होर से ध्याड़ा तुस्सा पर फंदे साहीं एकदम आई जाए होर जिहां एक जानवर फंदे मन्झ अचानक फसी जाहें।

इब्रानियो 10:25

होर एक दूजे साउगी संगती करणा नी छाडा, जिहां कि कईया जो मण्डली मन्झ नी आऊणें री आदत पई गईरी। एता रे बजाय पर एक दूजे जो होर भी हिम्मत देंदे रैहया, क्यूंकि तुस्से जाणांहे कि प्रभु जल्दी वापस आऊणें वाल़ा।

कुलुस्सियो 4:2

लगातार प्रार्थना मन्झ लगे रहो, होर जेबे तुस्से प्रार्थना करहे ता चतन्न रहा, होर हमेसा परमेसरा रा धन्यावाद करदे रैहया।

तितुस 2:12

एस अनुग्रहा ले परमेसर आस्सो सखा कि, आस्से संसारा री चीजा रे कठे इच्छा जो छाडी दे, होर परमेसरा जो खुस नी करणे वाली गल्ला जो करणा छाडी दे। एता रे बजाय ऐबे रे टैमा मन्झ परमेसरा जो खुस करणे वाली धार्मिक होर आपु पर काबू रखणे वाली जिन्दगी जीए।

रोमियो 12:12

खुस रैहया क्यूंकि तुस्सा वाले बौह्त बड़ी आस ई; दुःखा मन्झ सबर रखा; प्रार्थना मन्झ लगातार लगी रैहया।

फिलिप्पियो 4:5

सभ लोक तुस्सा रे कोमल व्यवहार जो जाणी जाए; याद रखा कि प्रभु यीसू जल्दी आऊणें वाल़ा आ।

लूका 22:46

होर यीसूए चेले किन्हें बोल्या, “तुस्से किधियो सया करहा ऐं? उठा, प्रार्थना करा, ताकि परखणी मन्झ नी पई सको।”

प्रकासना री गल्ला 16:15

दुस्टात्मा राज करणे वाले लोका जो होर तेसरी सेना जो तेस जगहा कठा कितेया, जेस जो इब्रानी भासा मन्झ हर-मगिदोन बोल्या जाहाँ। इधी कठे प्रभु यीसूए बोल्या कि, “एस गल्ला जो सुणा, मां चोरा साहीं अचानक आहूँणा। धन्य आ से माह्णुं जो मेरे आऊणें पर जागदा रैंहयां, होर आपणे कपड़े जो त्यार रखा। तेबे तिन्हा नांगे नी हूंणे होर जेबे लोका रे बीचा मन्झ जाणा, ता एह्ड़ा कुछ भी नी हूंणा जो तिन्हो बेज्जत करहे।”

1 पतरस 3:7

तिहां ईं हे लाड़ेयो, तुस्से भी आपणी-आपणी लाड़ीया साउगी बड़ी समझदारी किन्हें जिन्दगी बिताऊआ। याद रखा की स्यों तुस्सा ले कमजोर ईं, इधी कठे तिन्हारी इज्जत करा, क्यूंकि तुस्से दुहें तेस अनंत जिन्दगी रे दान रे साझीदार हो, जो परमेसरे बड़े अनुग्रहा किन्हें दितिरा। एह्ड़ा इधी कठे करहा की जेबे तुस्से दुहें प्रार्थना करहे ता परमेसर तुस्सा री सुणी ले।

इफिसियो 6:18

होर हर टैम होर हर तरहा आस्सो तिहां प्रार्थना होर अर्ज करणी चहिए जिहां पवित्र आत्मा बोल्या। इधी कठे त्यार रैहया कि, तुस्से सभ परमेसरा रे पवित्र लोका रे कठे हमेसा प्रार्थना करदे रहो।

1 कुरिन्थियो 15:24

होर जेबे मसीहा सभ प्रभुता, हक, होर हर किस्मा री सामर्थ रा नास करी देणा, तेबे संसारा रा अंत हुई जाणा। होर तेता ले बाद मसीहा राज बापू परमेसर रे हाथो सौंपी देणा।

1 कुरिन्थियो 7:29

हे भाईयो होर बैहणो, हांऊँ तुस्सा किन्हें बोल्हा कि, एस संसारा मन्झ आस्सा रा रैहणे रा टैम बौह्त थोह्ड़ा रही गईरा, इधी कठे एस्सा गल्ला री ज्यादा फिकर नी करा कि, तुस्सा वाले लाड़ी हाई की नी ई। पर प्रभु री सेऊआ करणे रे बारे मन्झ सोचदे रैहया।

मत्ती 24:42

इधी कठे जागदे रैहया, क्यूंकि तुस्से नी जाणदे कि तुस्सा रे प्रभु केस ध्याड़े आऊंणा।

लूका 21:36

इधी कठे त्यार रैहया होर हर टैम प्रार्थना करदे रैहया ताकि तुस्से इन्हा सभी आऊणें वाली घटना ले बचणे, होर हांऊँ माह्णुं रे मह्ठे रे साम्हणें खड़ने रे लायक बणी सको।”

मत्ती 25:13

इधी कठे जागदे रहा, क्यूंकि तुस्से मेरे वापस आऊणें रे ध्याड़े जो नी जाणदे होर ना ही तेस टैमा जो जाणहां ऐं।”

इब्रानियो 9:26

होर अगर एह्ड़ा करणा जरूरी था ता संसारा रचणे रे टैमा ले लई किन्हें मसीह जो बार-बार दुःख सहन करी किन्हें मरणा पउन्दा। पर ऐबे जेबे टैमा रे युगा रा अंत हूंणे वाल़ा, से सभिरे कठे एक बारी आया, ताकि आपणे ई बलिदाना रे ज्रीए सभिरे पापा जो माफ करी दे।