1 पतरस 4:5 - मंडयाली नंऊँआं नियम

⁵ पर एक ध्याड़े तिन्हा परमेसरा रे साम्हणें न्याय रे कठे खड़ीरे हूंणा। होर तिन्हा जो तिन्हारे कामा रा लेखा परमेसरा जो देणा पऊणा। होर परमेसरा मरिरे होर जिउंदे लोका रा न्याय करणा।

1 पतरस 4:5 Iomraidhean Croise

मत्ती 12:36

होर हांऊँ तुस्सा किन्हें बोल्हा कि, जो-जो निकम्मी गल्ला माह्णुं बोल्घे, न्याय रे ध्याड़े तिन्हा हर एक गल्ला रा लेखा देणा।

लूका 16:2

इधी कठे तिन्हें अमीर माह्णुंऐ तेस भंडारी जो सादी किन्हें बोल्या, ‘ये क्या आ जो हांऊँ तेरे बारे मन्झ सुणेया करहा? तैं मेरे पैसे रा क्या कितिरा तेता रा हिसाब किताब दे, क्यूंकि आगे ले तु मेरा भंडारी नी रही सक्दा।’

चुणिरे चेले रे काम 10:42

तिन्हें ई आस्सा जो हुक्म दितेया कि आस्से सारे लोका मन्झ प्रचार करहे होर साबत करहे कि यीसू ही आ जेस जो परमेसरा रे जीउन्देआ रा होर मरिरे रा न्यायी बणाईरा।

चुणिरे चेले रे काम 17:31

क्यूंकि तिन्हें एक ध्याड़ा तय कितिरा, जेबे तेस आपणे नियुक्त कितिरे एक माह्णुं रे ज्रीए धर्मा किन्हें संसारा रा न्याय करणा, जिन्हें तेस जो नियुक्त करी किन्हें तेस जो मरिरे मन्झा ले जिउंदा करी किन्हें, तिन्हें सभी जो एस गल्ला रा सबूत दितेया।”

रोमियो 14:9

मसीह इधी कठे मरेया होर दबारा जिउंदा भी हुई गया कि, मरिरे होर जिउंदे लोक दुंहें यीसू मसीह जो ही प्रभु मने।

2 तिमिथियुस 4:1

जेबे मसीह यीसू राजेया साहीं राज करदे आऊंणा, तेबे तेस जिउंदेया रा होर मरिरे दुहीं रा न्याय करणा। होर इधी कठे परमेसर होर मसीह जो गुआह मनी किन्हें हांऊँ तुजो आदेस देआ,

याकूब 5:9

हे भाईयो होर बैहणो, एक दूजे रे बारे मन्झ सिकायत मत करहा, नी ता परमेसरा तुस्सा रा न्याय करणा, होर न्याय करणे वाल़ा दुराजे वाले आई किन्हें खड़ी गईरा।