1 पतरस 4:3 - मंडयाली नंऊँआं नियम

³ क्यूंकि परमेसरा पर विस्वास नी करणे वाले जिन्हा गल्ला ले खुस हुए, तिन्हा गल्ला जो करणे मन्झ तुस्से पैहले ई टैम गुआई दितेया, होर ऐबे भतेरा हुआ। होर स्यों गल्ला येई कि-लुचपन करणे री बुरी इच्छा, पी किन्हें मुताली जाणा, रंगरलिया, दारू-बाजी, होर घृणित मूर्ति री पूजा करणा।

1 पतरस 4:3 Iomraidhean Croise

मरकुस 7:22

लालच करणा, दुस्टता, धोखा देणा, लुचपन, बैर-भाव, बदनामी करणा, बडयाई करणा होर नर्क्कले बणना, जेह्ड़ा ही निकल्हा।

चुणिरे चेले रे काम 17:30

इधी कठे परमेसरे लोका री अज्ञानता रे युगा जो नजरअंदाज करी किन्हें ऐबे हर जगहा सभ माह्णुंआं जो ये हुक्म देहां कि पाप करणा छाडी देआ।

रोमियो 13:13

होर आस्सो एह्ड़े जीणा चहिए जिहां आस्से ध्याड़ीया रे प्रयासे मन्झ जीणे वाले, ना कि न्याहरे मन्झ रही किन्हें बुरे काम करी किन्हें जीणे वाले। इधी कठे आस्सा मन्झ रंगरलिया, पी किन्हें मुतालणा, व्यभिचार, लुचपना, झगड़े होर जल्नी नी हूणीं चहिए।

1 कुरिन्थियो 12:2

तुस्से जाणहां ऐं कि, परमेसरा पर विस्वास करणे ले पैहले तुस्से किहाँ जीहां ऐं थे। तुस्से भटकाई दितिरे थे कि तुस्से मरिरी मूर्तिया री पूजा करहा।

1 कुरिन्थियो 6:11

होर तुस्सा मन्झा ले कुछ लोक पैहले एह्ड़े ई थे, पर प्रभु यीसू मसीह रे नांऊँआं ले होर परमेसरा री दितिरी आत्मा ले तुस्सा रे पाप धोई दितिरे, ताकि तुस्से पवित्र होर परमेसरा री नजरा मन्झ धर्मी बणी सको।

2 कुरिन्थियो 12:21

केते एह्ड़ा नी हो जेबे हांऊँ दबारा वापस तुस्सा किन्हें मिलणे आऊँ मेरा परमेसर मुंजो बेज्जत करहे। होर मुंजो तिन्हा कईया रे कठे रोणा नी पई जाए, जिन्हें पैहले गंदे काम होर अपवित्रता, होर व्यभिचार, होर भोग विलास जेह्ड़े पाप कितिरे हो, होर तिन्हें पाप करणा नी छाडीरा हो।

गलातियो 5:19

तुस्से जाणांहे जो लोक पापा री इच्छा जो पूरी करहे स्यों केह्ड़े-केह्ड़े काम करहे; स्यों व्यभिचार होर गंदे काम करहे, तिन्हो भोग-बिलास करना खरा लगहा।

गलातियो 5:21

स्यों एक दूजे किन्हें हिर्ख रखे, पी किन्हें मुताली जाये, होर धामा मन्झ रंगरलिया मन्नाहें, होर स्यों लोक एस तरीके रे होर भी बुरे-बुरे काम करहे। इन्हारे बारे मन्झ हांऊँ तुस्सा जो पैहले ले चेतावनी दितिरी थी होर ऐबे भी देहां कि, एह्ड़े-एह्ड़े काम करणे वाले परमेसरा रे राजा रे वारस नी हूंणे।

इफिसियो 5:18

होर सराब पी किन्हें मुताली मत जाऊआ, क्यूंकि एता ले तुस्सा बेसरमा साहीं लुचपन करणे मन्झ पई जाणा, एता रे बजाय पवित्र आत्मा किन्हें भरी जाऊआ।

1 थिस्सलुनकियो 4:5

होर बुरी इच्छा साउगी नी, जिहां अन्यजाति लोका करहे, जो परमेसरा जो नी जाणदे।

तितुस 3:3

क्यूंकि आस्से भी मसीह बणने ले पैहले नर्क्कले थे होर आस्से परमेसरा रा हुक्म नी मनदे थे, होर लोक आस्सो धोखा दे थे। आस्से आपणे आपा जो तिन्हा सब बुरे काम करणे ले नी रोकी सकदे थे, जिन्हों आस्से करणा चाहें थे होर जेस जो करी किन्हें आस्से बड़े खुस हुयें थे। आस्से आपणी जिन्दगी बैर-भाव करणे मन्झ होर दूजे लोका किन्हें हिर्खा रखणे मन्झ बिताहें थे, आस्से एह्ड़े लोक थे जिन्हा किन्हें लोक नफरत करहे थे, होर आस्से भी एक दूजे किन्हें नफरत रख्हा ऐं थे।

1 पतरस 1:14

होर हुक्म मनणे वाले बच्चे साहीं परमेसरा रा हुक्म मन्हा। बुरे काम नी करहा, जेस जो करणे री इच्छा तुस्से पैहले रखे थे जेबे परमेसरा री सच्चाई जो नी जाणदे थे।

यहूदा 1:4

क्यूंकि यीसू मसीह पर विस्वास करणे रा ढोंग करणे वाले कुछ लोक तुस्सा री कलीसिया किन्हें जुड़ी गईरे। ये परमेसरा री इज्जत नी करदे होर गलत उपदेस दें कि आस्से लुचपन करी सके, क्यूंकि परमेसर आस्सा रे पाप माफ करी देआ। स्यों प्रभु यीसू मसीहा रा इनकार करहा ऐं जो आस्सा रा एक ऐं प्रभु होर माल्क आ। बौह्त टैम पैहले पवित्र सास्त्रा मन्झ लिखिरा था कि परमेसर आस्सो सजा देआ।