1 पतरस 4:2 - मंडयाली नंऊँआं नियम

² होर एस वजहा ले एह्ड़ा माह्णुं एस संसारा मन्झ रैहन्दे हुए आगे जो कधी भी आपणी जिन्दगी मन्झ माह्णुंआं री पापा री इच्छा जो पूरी नी करदा, पर से तेहड़ा ही करहा जेहड़ी परमेसरा री इच्छा ई।

1 पतरस 4:2 Iomraidhean Croise

मत्ती 12:50

क्यूंकि जो कोई मेरे स्वर्गीय बापू री इच्छा पर चले, सेई मेरा भाई, होर मेरी बैहण होर मेरी माऊ ई।”

मत्ती 20:4

होर अंगूरा रे बगीचे रे माल्के मजदूरा किन्हें बोल्या, ‘तुस्से भी अंगूरा रे बगीचे मन्झ जाऊआ, मां तुस्सा जो ठीक मजदूरी देणी।’ होर स्यों भी जाई किन्हें बगीचे मन्झ काम करदे लगे।

मत्ती 21:31

इन्हा दुंहीं मन्झा ले कुने बापू री इच्छा पूरी किती?” तिन्हें बोल्या, “पैहले माह्णुंऐ।” यीसूए तिन्हा किन्हें बोल्या, “हांऊँ तुस्सा किन्हें सच्च बोल्हा कि, चुंगी लैणे वाल़े होर वेस्या तुस्सा ले पैहले परमेसरा रे राजा मन्झ दाखल हूंणां।

मत्ती 7:21

“जो मेरे किन्हें, ‘हे प्रभु, हे प्रभु,’ बोल्हा ऐं, तिन्हा मन्झा ले हर एकिया स्वर्गा रे राजा रे अंदर नी जाणा, पर सिर्फ तेस ई जो मेरी इच्छा पर चल्हा।

मरकुस 3:35

क्यूंकि जो कोई परमेसरा री इच्छा पर चल्हा, सेई मेरा भाई, होर मेरी बैहण होर मेरी माऊ ई।”

मरकुस 7:21

क्यूंकि माह्णुं रे मना मन्झा ले, बुरी-बुरी सोच, व्यभिचार करणा, चोरी करणा, खून करणा, नजायज रिस्ते रखणा,

यहून्ना 1:13

स्यों ना ता आपणे माऊ-बापू ले, ना सरीरा री इच्छा ले, ना लोका रे बच्चे जम्मणे री इच्छा ले, पर परमेसरा री इच्छा ले जम्मे।

यहून्ना 7:17

अगर कोई परमेसरा री इच्छा पर चलणा चाहां, ता से एस उपदेस रे बारे मन्झ जाणी लेया कि से परमेसरा री तरफा ले आ, या हांऊँ आपणी तरफा ले बोल्हा।

रोमियो 12:2

होर एस संसारा रे लोका साहीं नी बणा; पर परमेसर तुस्सा री सोचा जो बदली दे, जेस ले तुस्सा री जिन्दगी भी बधली जाए। तेबे तुस्से, तुस्सा रे कठे परमेसरा री जो खरी, होर खुस करणे वाली, होर सिद्ध इच्छा जो आपणे अनुभवा ले जाणी लेणा।

रोमियो 14:7

क्यूंकि आस्से सभ आपणे प्रभु रे, अगर आस्से जिउंदे रहे या मरी भी जाये ता ये आस्सा रे प्रभु री इज्जत रे कठे, ना कि आपणी इज्जत रे कठे।

रोमियो 6:11

एह्ड़ा ई तुस्से भी आपणे आपा जो पापा रे कठे ता मरिरा, पर मसीह यीसू रे ज्रीए परमेसरा रे आदरा रे कठे जिउंदा समझा।

रोमियो 6:2

नी आस्सो कधी एह्ड़ा नी करणा चहिए! जेबे आस्से पापा रे कठे मरी गये ता फेरी बार-बार आस्सो पाप नी करणा चहिए।

रोमियो 7:4

ता हे मेरे भाईयो होर बैहणो, जेबे तुस्से मसीह साउगी मरी गये तेबे तुस्से व्यवस्था रे कठे मरिरे बणी गये, ताकि तुस्से मसीह रे हुई जाओ, जो मरिरे मन्झा ले जिउंदा हुई गईरा। होर तुस्से परमेसरा री सेऊआ करी सके।

2 कुरिन्थियो 5:15

होर मसीह इधी कठे सभी रे कठे मरी गया, ताकि जो लोक जिउंदे ऐं, स्यों अगे जो आपणे कठे नी जीये बल्की तेसरे कठे जीये, जो तिन्हारे कठे क्रूसा प्रयाल्हे मरेया होर दबारा जिउंदा हुआ।

इफिसियो 2:3

आस्से भी तिन्हा साहीं जिन्दगी जीये थे, आस्से भी आपणे पापा रे स्वभावा री इच्छा पूरी किती। आस्से से सब कुछ कितेया, जो आस्सा री सरीरा री बुरी इच्छा होर मना रे बिचार बोलणे जो करहे थे। सभ लोका साहीं आस्से भी स्वभावा ले बुरे थे, होर परमेसरा री सजा रे हकदार थे।

इफिसियो 4:17

इधी कठे जो हक मुंजो प्रभुए दितिरा, तेस हका किन्हें हांऊँ बोल्हा कि, परमेसरा पर विस्वास नी करणे वाले लोका साहीं आपणी जिन्दगी मत जीया, जिन्हारी सोच बेकार ई।

इफिसियो 5:17

इधी कठे नर्क्कले मत बणा, पर समझदारी किन्हें ये जाणने री कोसिस करा कि, प्रभु क्या चाहां कि तुस्से करो।

इफिसियो 6:6

होर माह्णुंआं जो खुस करणे वाले साहीं दिखाऊआ करणे रे कठे आपणे माल्का री सेऊआ नी करा। तुस्से मसीह रे गुलाम ऐं, इधी कठे तुस्से आपणे पुरे दिला ले से ही करहा, जो परमेसर तुस्सा ले चाहां।

कुलुस्सियो 1:9

इधी कठे जेस ध्याड़े ले आस्से तुस्सा रे बारे मन्झ सुणिरा आ, आस्से हमेसा तुस्सा रे कठे प्रार्थना होर विनती किती। आस्से प्रार्थना करहे कि परमेसरा री आत्मा तुस्सा जो ज्ञान होर समझा दे कि तुस्से तेसरी इच्छा जो पूरी तरहा समझी जाओ।

कुलुस्सियो 3:3

ये एह्ड़ा कि जेबे मसीह तुस्सा रे कठे मरेया ता तुस्से, भी तेस साउगी मरी गये, होर ऐबे अगे जो तुस्से मसीह साउगी परमेसरा री मौजूदगी मन्झ आत्मिक जिन्दगी जिहां ऐं, होर दूजे लोक इन्हा गल्ला जो नी देखी सकदे।

कुलुस्सियो 4:12

इपफ्रासा रा भी तुस्सा जो नमस्कार, से भी तुस्सा रे गांऊँआं ले आ। से मसीह यीसू रा सेऊआदार आ, होर हमेसा तुस्सा रे कठे दिला किन्हें प्रार्थना करहा, ताकि परमेसर तुस्सा जो मजबूत होर सिद्ध बणाए, होर एस गल्ला रा पूरा भरोसा दे कि तुस्से पुरे मना ले परमेसरा री इच्छा पर चले।

1 थिस्सलुनकियो 5:18

हर एक हलाता मन्झ धन्यावाद देआ, क्यूंकि तुस्सा रे कठे मसीह यीसू मन्झ परमेसरा री येही इच्छा ई।

याकूब 1:18

परमेसरे आपणी ई इच्छा ले सच्चाई रे बचना रे ज्रीए आस्से आपणे बच्चे बणाईरे, ताकि आस्से तेसरी रचीरी सारी चीजा मन्झा ले खास हो, जिहां जे नाजा रे पैहले फला खास हूँआ ऐं।

1 पतरस 1:14

होर हुक्म मनणे वाले बच्चे साहीं परमेसरा रा हुक्म मन्हा। बुरे काम नी करहा, जेस जो करणे री इच्छा तुस्से पैहले रखे थे जेबे परमेसरा री सच्चाई जो नी जाणदे थे।

1 पतरस 2:1

इधी कठे सभ किस्मा रे बैर-भाव दूर करहा। दूजेया जो धोखा नी देआ, होर पाखंड मत बणा; होर दूजेया किन्हें हिर्ख नी रखा, होर बदनामी नी करहा।

1 यहून्ना 2:17

होर संसार होर ऐसरी इच्छाएं दुहें मिट्दी जाहीं, पर जो परमेसरा री इच्छा पर जिहां, से हमेसा बणी रैंहयां।