1 पतरस 4:1 - मंडयाली नंऊँआं नियम

¹ इधी कठे मसीहे सरीरा मन्झ रैहन्दे हुए दुःख सहन कितेया, ता तुस्सा जो भी तेस साहीं दुःख सहन करणे रे कठे त्यार रेहणा चहिए। क्यूंकि अगर तुस्से मसीह रे कठे दुःख सहन करणे री इच्छा रखायें, ता तुस्से पाप नी करणे रा फैसला लेई लितिरा।

1 पतरस 4:1 Iomraidhean Croise

मरकुस 3:3

बेजान हाथा वाले किन्हें बोल्या, “आऊ सभिरे बीच भरा खड़ा हुई जा।”

रोमियो 6:11

एह्ड़ा ई तुस्से भी आपणे आपा जो पापा रे कठे ता मरिरा, पर मसीह यीसू रे ज्रीए परमेसरा रे आदरा रे कठे जिउंदा समझा।

रोमियो 6:2

नी आस्सो कधी एह्ड़ा नी करणा चहिए! जेबे आस्से पापा रे कठे मरी गये ता फेरी बार-बार आस्सो पाप नी करणा चहिए।

रोमियो 6:7

क्यूंकि जेबे आस्से मसीह यीसू साउगी मरी गये, ता पापा री कैदा ले छुटी गये।

गलातियो 2:20

ये एह्ड़ा था जिहां हांऊँ मसीह साउगी तेसरे क्रूसा प्रयाल्हे मरी गया, हांऊँ से नी आ जो ऐबे भी जिउंदा, पर मसीह मेरे मन्झ जिउंदा। होर जेस तरहा ले ऐबे हांऊँ जिउंदा, ता सिर्फ परमेसर रे मह्ठे पर विस्वास करणे रे ज्रीए जिउंदा, जिन्हें मेरे किन्हें इतना प्यार कितेया कि तिन्हें आपणी जान मेरे कठे देई दिती।

गलातियो 5:24

होर जो उद्धारकर्ता यीसू मसीह रे लोक ऐं, तिन्हें आपणे पापमय जिन्दगी जो तेसरी बुरी इच्छा होर कामनाओं साउगी क्रूसा प्रयाल्हे मारी दितिरी।

फिलिप्पियो 2:5

जेह्ड़ा मसीह यीसू रा स्वभाव था, तेह्ड़ा ई तुस्सा रा स्वभाव भी हो।

इब्रानियो 12:3

इधी कठे यीसू रे उदाहरणा पर ध्यान देआ कि, जिन्हें पापिया री वजहा ले जो लोक तेस किन्हें बौह्त नफरत करहे थे कितना कुछ सहन कितेया, ताकि तुस्से दुआस हुई किन्हें हिम्मत नी हारी दो।

इब्रानियो 4:10

परमेसरे आपणा काम पूरा करी किन्हें अराम कितेया था। हर कोई जो परमेसरा वाले अराम करदे जाहाँ, तिन्हा लोका भी आपणे कामा जो पूरा करणे रे बाद अराम पाणा।

1 पतरस 2:21

होर एक वजहा ये भी की परमेसरे तुस्से चुणिरे कि तुस्से मसीह रे कठे दुःख सहन करो। मसीहे भी तुस्सा रे कठे दुःख उठाया, होर एह्ड़ा करी किन्हें तिन्हें तुस्सा रे कठे एक उदाहरण छाडेया कि, तुस्से भी तेसरे पद चिन्हा पर चली सको।

1 पतरस 3:18

हांऊँ एह्ड़ा इधी कठे बोल्हा क्यूंकि मसीह सिर्फ एक ही बारी आस्सा रे पापा रे कठे दुःख सहन करी किन्हें मारी दितेया। से एक धर्मी माह्णुं था जो आस्सा अधर्मिया रे कठे मरी गया, ताकि से आस्सा जो परमेसरा रे नेडे ल्याई सके; तिन्हें तेसरा सरीर खत्म करी दितेया पर तेसरी आत्मा जिउंदी।