1 पतरस 3:8 - मंडयाली नंऊँआं नियम

⁸ आखरी मन्झ हांऊँ तुस्सा किन्हें ये बोलणा चाहां कि सभ आपु मन्झ एकता रखा, एक दूजे रा ध्यान रखा, आपणे परिवारा समझी किन्हें एक दूजे किन्हें प्यार करहा, एक दूजे पर दया करहा, होर नम्र बणा।

1 पतरस 3:8 Iomraidhean Croise

मत्ती 18:33

इधी कठे जिहां मैं तेरे पर दया किती, होर तेरा कर्ज माफ कितेया तिहां ईं तुजो भी आपणे संगी सेऊआदारा पर दया करी किन्हें तेसरा कर्ज माफ करणा चहिए था।

लूका 10:33

पर एक सामरिया ईलाके रा मूसाफर तेथी ले निकल्या, होर तिन्हें तेस अधमुए माह्णुं जो देखी किन्हें तरस खाध्या।

चुणिरे चेले रे काम 2:1

एक ध्याड़े जेबे यहूदी लोक पिन्तेकुस्ता रा साजा मनाया करहा ऐं थे, ता सभ विस्वासी भाई यरुस्लेम सैहरा मन्झ कठे हुईरे थे।

चुणिरे चेले रे काम 27:3

दूजे ध्याड़े आस्से सैदा रे सैहरा मन्झ पूजे होर यूलियुसे अनुग्रह करी किन्हें पौलुसा जो तेसरे दोस्ता वाले जाणे दितेया कि से तेसरी जरूरी चीज़ा लेई आये।

चुणिरे चेले रे काम 28:7

तेस जग्हा रे नेडे ई तेस टापू रे प्रधान अधिकारी पुबलियुसा री जमीन थी, तिन्हें आस्सा जो आपणे घरा लई जाई किन्हें तीन ध्याड़े तक आस्सा रे आदर-खातर कितेया।

चुणिरे चेले रे काम 4:32

होर विस्वास करणे वाल़ेया री मण्डली एक चित होर एक मना रे थे एथी तक कि कोई भी आपणी जायदाद आपणी नी बोल्दा था, पर सभ चीजा तिन्हा वाले बांडा री थी।

रोमियो 12:10

एक दूजे किन्हें एह्ड़ा प्यार करहा जिहां से तुस्सा रा सक्का भाई बैहण हो; लगातार आदर करणे मन्झ एक दूजे ले बढ़ी चला।

रोमियो 15:5

होर हांऊँ प्रार्थना करहा कि धीरज होर होंसला देणे वाल़ा परमेसर तुस्सा जो एक दूजे किन्हें सांति साउगी जीणे मन्झ तुस्सा री मदद करहे; जेह्ड़ी मसीह यीसू रे हुक्म मनणे वाले रे कठे सही समझा जां।

1 कुरिन्थियो 1:10

हे भाईयो होर बैहणो, आस्सा रे प्रभु यीसू मसीह रे हका ले हांऊँ आपणे दिला ले अर्ज करहा कि तुस्से सभ एक दूजे किन्हें राजी हुई किन्हें एक ई गल बोला; होर तुस्से झगड़ा करी किन्हें लग नी हो। पर एता रे बजाय हांऊँ तुस्सा किन्हें विनती करहा कि एक दूजे किन्हें मिली जुली कर एक ही प्रकारा रा सोच-विचार होर एक ऐं मकसद रखो।

1 कुरिन्थियो 12:26

होर अगर सरीरा रे एक अंग बीमार हुंहाँ, ता पुरे सरीरा मन्झ पीड़ा हुंहाँ ऐं, होर तिहां ही अगर सरीरा रे एकी अंगा रा लाज करहे, ता पूरा सरीर ठीक हुंहाँ होर खुसी बणा।

इफिसियो 4:2

सारी दीनता होर नम्रता साउगी, होर सबर रखी किन्हें प्यारा किन्हें एक दूजे जो सही लो।

इफिसियो 4:31

एक दूजे किन्हें कड़वाहट होर रोस मत रखा, होर एक दूजे पर गुस्सा करी किन्हें झगड़ा मत करा, एक दूजे रे बारे मन्झ बुरी गल्ला करी किन्हें बदनाम मत करा, होर सभ किस्मा रे बैर-भाव ले तुस्से दूर रैहया।

इफिसियो 4:32

एता रे बजाय एक दूजे पर दया होर करुणा करणे वाले बणा। क्यूंकि परमेसरे मसीह साउगी एक हूंणे री वजहा ले तुस्सा रे पाप माफ किते, इधी कठे तुस्से भी एक दूजे जो माफ करा।

फिलिप्पियो 2:3

आपणे मतलब होर झूठी साना रे कठे कुछ मत करा, पर दीन हुई किन्हें, एक दूजे जो आपणे ले ज्यादा बढ़ी किन्हें समझा।

फिलिप्पियो 3:16

इधी कठे आस्से तेस सच्चाई रे मताबक चलणा जो परमेसरे आस्सो पैहले दसी दितिरी।

कुलुस्सियो 3:12

क्यूंकि परमेसरा तुस्सा किन्हें प्यार करहा, होर तिन्हें तुस्से चुणिरे लितिरे कि, तुस्से तेसरे पवित्र जण बणो, इधी कठे तुस्सा मन्झ करुणा, दया, दीनता, नम्रता होर सबरा स्वभाव हो।

इब्रानियो 13:1

एक दूजे जो आपणा भाई होर बैहण समझी किन्हें प्यार करहा।

याकूब 2:13

क्यूंकि जिन्हें दया नी किती, तेसरा न्याय बगैर दया किन्हें हूंणां। अगर तुस्से दूजेया पर दया करघे ता परमेसरा भी न्याया रे ध्याड़े तुस्सा पर दया करणी।

याकूब 3:17

पर जो ज्ञान परमेसर देआ से पैहले ता पवित्र हुंहाँ, फेरी सांति फैलाणे वाल़ा, कोमल होर विचारसील होर दया होर भले कामा किन्हें भरीरा होर तेस मन्झ पाखंडा होर कपट नी हुंदा।

याकूब 5:11

आस्से सबर रखणे वाल़ेया लोका जो धन्य बोल्हा ऐं; तुस्से अय्यूब नांऊँआं रे माह्णुं रे सबरा रे बारे मन्झ सुणेया, होर ये भी कियां प्रभुए तेस जो तेसरे सबरा रा इनाम दितेया। होर तुस्से जाणांहे की प्रभुए ये इधी कठे कितेया, क्यूंकि प्रभु दयालु होर करुणामय आ।

1 पतरस 1:22

सच्चा जो मनणे री वजहा ले ही तुस्से आपणे पापा ले सुद्ध किती गईरे। इधी कठे ऐबे आपणे विस्वासी भाई बैहणा किन्हें गहरा होर पुरे दिला किन्हें प्यार करदे रैहया।

1 पतरस 2:17

सभिरा आदर करा, सारे विस्वासी भाई बैहणा किन्हें प्यार रखा, परमेसरा ले डरा, राजे री इज्जत करा।

1 पतरस 5:5

एस तरीके किन्हें हे नौजुआनो, तुस्से भी कलीसिया रे स्याणे विस्वासी लोका री गल्ला जो मन्नेया करेया, बल्की बड़ी दीनता किन्हें एक दूजे री मदद करेया करणा। क्यूंकि पवित्र सास्त्रा मन्झ लिखिरे एक बचना जो आस्से पढ़े कि, “परमेसर बडयाई करणे वाल़ेया रा ता विरोध करहा, पर नम्र दीना पर अनुग्रह करहा।”

2 पतरस 1:7

होर सच्ची भक्ति री जिन्दगी जीणा ही नी पर आपणे परिवारा साहीं दूजे विस्वासी भाई बैहणा किन्हें प्यार भी करहा।

1 यहून्ना 3:14

आस्से जाणहां ऐं कि, आस्से मौता ले पार हुई किन्हें अनंत जिन्दगी मन्झ आई पुज्ही रे; क्यूंकि आस्से भाई होर बैहणा किन्हें प्यार रख्हा ऐं, जो प्यार नी रख्दे, से मौता री दसा मन्झ रैंहयां ऐं।