1 पतरस 3:4 - मंडयाली नंऊँआं नियम

⁴ बल्की तुस्सा री सुन्दरता एस गल्ला ले जाहिर हुईं कि तुस्सा रे दिला मन्झ क्या यानि नम्रता होर सांत मन जो की तुस्सा रे गैहणे ऐं, जेता री परमेसरा री नजरा मन्झ बडी कीमत ई।

1 पतरस 3:4 Iomraidhean Croise

मत्ती 11:29

मेरा जुआ आपणे गास चकी लऊआ; होर मेरे ले सिखा; क्यूंकि हांऊँ नम्र होर मना मन्झ दीन आ: होर तुस्सा आपणे मना मन्झ अराम पाणा।

मत्ती 21:5

“सिय्योन सैहरा री बेटी किन्हें ये ग्लाऊआ, ‘देख, तेरा राजा तेरे वाले आहूँआं; से नम्र आ होर गधे पर बैठिरा; बल्कि गधे रे बच्चे पर बैठिरा।’”

मत्ती 23:26

हे काणे फरीसी लोको, पैहले कौली होर थालू अंदरा ले मांजा ताकि स्यों बाहरा ले भी साफ हो।”

मत्ती 5:5

धन्य ऐं स्यों, जो दीन ऐं, क्यूंकि परमेसरा स्यों धरती रे हकदार बनाणे।

लूका 11:40

हे नर्क्कले माहणुंओं, जिन्हें जे बाहर्ला हिस्सा बणाया, क्या तिन्हें अन्दरला हिस्सा नी बणाया?

लूका 16:15

यीसुए तिन्हा किन्हें बोल्या, “तुस्से ता माह्णुं रे साम्हणें आपणे आपा जो धर्मी लोक बणाहें, पर परमेसर तुस्सा रे मना जो जाणहां। क्यूंकि जो चीज माह्णुं री नजरा मन्झ बडी ई, से परमेसरा री नजरा मन्झ बड़ी नकम्मी ई।

रोमियो 1:23

हमेसा जिउंदे रैहणे वाले महिमामय परमेसरा री अराधना करणे रे बजाय तिन्हें माह्णुंआं री, जो जल्दी मरी जाये, होर चिड़ुआ री, पेटा रे भारे चलणे फिरणे वाले जीव जन्तु, होर जानवरा साहीं दुसणे वाली मूर्तिया री पूजा करदे लगे।

रोमियो 2:29

पर सच्चा यहूदी लोक सेई आ, जिन्हारा मन परमेसरा रे साम्हणें सच्चा आ; होर सच्चा खतना सेई आ, जो पवित्र आत्मा रे कामा रे ज्रीए दिला रा खतना हुआ। ना कि मूसा री व्यवस्था जो मनणे रे ज्रीए हुईरा। एह्ड़े लोका री बड़ाई माह्णुं नी पर परमेसर आपु करहा।

रोमियो 6:6

क्यूंकि आस्से जाणहां ऐं कि आस्सा री पुराणी पाप भरा स्वभाव मसीह यीसू साउगी क्रूसा प्रयाल्हे चढ़ाई गई, होर पाप भरा सरीर बेकार हुई गया, होर आस्से अगे जो पापा रे गुलाम नी रहे।

रोमियो 7:22

क्यूंकि हांऊँ पूरे दिला ले ता परमेसरा री व्यवस्था पर खुस रैंहयां।

2 कुरिन्थियो 10:1

हांऊँ सेई पौलुस आ, जेसरे बारे मन्झ लोक बोल्हे कि जेबे हांऊँ तुस्सा रे साम्हणें हुआ ता बोलणे मन्झ फाहूका आ, पर तुस्सा ले दूर हूंणे पर कठोर हुई किन्हें बोला। तुस्सा ले मसीह री नम्रता, होर कोमलता री वजहा ले हांऊँ ये अर्ज करहा।

2 कुरिन्थियो 4:16

इधी कठे आस्से हिम्मत नी हारदे; जेब्की आस्सा रा सरीर मजे-मजे मरदा लगिरा, पर तेबे भी आस्सा रे अंदर आस्सा री आत्मा रोज-रोज नौंईं हुन्दी जाहीं।

गलातियो 5:23

होर दया, भलाई, भरोसे रे लायक बणना, नम्रता, होर आपणे आपा पर काबू रखणा। एह्ड़ी कोई व्यवस्था नी जो इन्हा गुणा रा व्रोध करही।

इफिसियो 4:2

सारी दीनता होर नम्रता साउगी, होर सबर रखी किन्हें प्यारा किन्हें एक दूजे जो सही लो।

कुलुस्सियो 3:12

क्यूंकि परमेसरा तुस्सा किन्हें प्यार करहा, होर तिन्हें तुस्से चुणिरे लितिरे कि, तुस्से तेसरे पवित्र जण बणो, इधी कठे तुस्सा मन्झ करुणा, दया, दीनता, नम्रता होर सबरा स्वभाव हो।

कुलुस्सियो 3:3

ये एह्ड़ा कि जेबे मसीह तुस्सा रे कठे मरेया ता तुस्से, भी तेस साउगी मरी गये, होर ऐबे अगे जो तुस्से मसीह साउगी परमेसरा री मौजूदगी मन्झ आत्मिक जिन्दगी जिहां ऐं, होर दूजे लोक इन्हा गल्ला जो नी देखी सकदे।

1 थिस्सलुनकियो 4:11

होर जेह्ड़ा आस्से तुस्सा जो हुक्म दितेया, तिहां ईं सांति किन्हें एक दूजे किन्हें रैहणे होर आपणा-आपणा काम काज करणे, होर आपणे-आपणे हाथा ले कमाणे री कोसिस करा।

2 थिस्सलुनकियो 3:12

एह्ड़े लोका जो आस्से प्रभु यीसू मसीह रे दितिरे हका ले आस्से हुक्म देहां ऐं, होर सम्झाहें; कि चुपचाप बगैर केसी रे कामा मन्झ टांग अड़ाई किन्हें काम धन्धा करी किन्हें आपणी रोटी खाया करहे।

1 तिमिथियुस 2:2

राजेया रे कठे होर अधिकारिया रे कठे प्रार्थना करहा, ताकि आस्से सुख-चैना किन्हें रहे, जेता ले आस्से परमेसरा री भक्ति करी सके होर दूजे लोका साउगी सही बर्ताव करी सके।

2 तिमिथियुस 2:25

होर से आपणे व्रोधिया जो नम्रता किन्हें सुधारे, सैताने इन्हा लोका जो इंहां फसाई दितिरा कि स्यों तेसरे मताबक जीए, पर तुस्सा रा तिन्हा साउगी सबर रखणे री वजहा ले हुई सक्हा कि, परमेसर तिन्हारी मदद करहे कि स्यों पाप करणा छाडी दे, होर मसीह रे बारे मन्झ सच्चाई जो पछयाणी ले। ताकि स्यों आपणे होसा मन्झ आई किन्हें सैताना ले दूर चली जाये।

तितुस 3:2

केसी जो बदनाम नी करहे; झगड़ा नी करहे; पर दूजेया पर दया करहे, होर सभ माह्णुंआं किन्हें बड़ी नम्रता साउगी रहे।

याकूब 1:21

इधी कठे सारी गंदगी होर सब बुराई जो दूर करी किन्हें, परमेसरा रे तेस बचना जो बडी नम्रता किन्हें मनी लो, जो तुस्सा रे दिला मन्झ बोया गया होर जो तुस्सा रा उद्धार करी सक्हा।

1 पतरस 1:23

क्यूंकि तुस्से परमेसरा ले नौंईं जिन्दगी पाईरी, तुस्से ये जिन्दगी नास हूंणे वाली चीजा ले नी पाईरी, पर हमेसा बणी रैहणे वाली चीजा ले पाईरी। यानि आस्से परमेसरा रे जिउंदे होर अनंत बचना रे ज्रीए ये जिन्दगी पाईरी।

1 पतरस 3:15

पर मसीह जो प्रभु जाणी किन्हें तेसरी इज्जत करहा, होर आपणे मना मन्झ तेसरा डर मन्हा। होर कोई तुस्सा ले तेस आसा रे बारे मन्झ कुछ पूछे, जो आस्से सभ विस्वासी लोक साझा करहे, ता तेस जो जवाब देणे रे कठे हमेसा त्यार रैहया। पर एह्ड़ा नम्रता होर आदर भाव किन्हें करहा,