1 पतरस 2:9 - मंडयाली नंऊँआं नियम

⁹ पर तुस्से एह्ड़े लोक नी ऐं, तुस्से परमेसरा रे चुणिरे लोक ऐं। होर परमेसरा रे याजक लोक, जो राजे होर पवित्र लोक, होर परमेसरा रे आपणे लोक ऐे, तिन्हें तुस्से नहयारे मन्झा ले आपणी नौखे प्रयासे मन्झ सादी लईरे ताकि तुस्से परमेसरा रे नौखे कामा रा प्रचार करी सको।

1 पतरस 2:9 Iomraidhean Croise

मत्ती 4:16

जो लोक नह्यारे मन्झ रहें थे तिन्हें बडी ज्योति देखी; होर जो लोक तेस जगहा मन्झ रहें थे, जेथी हमेसा मौता रा खतरा हुंहाँ था, तिन्हा पर प्रयासा चमक्या।”

मत्ती 5:16

इंहां करी किन्हें तुस्सा रा जीवन प्रयासा साहीं ऐं माह्णुं रे साम्हणें चम्के ताकि स्यों तुस्सा रे भले कामा जो देखी किन्हें तुस्सा रे बापू री जो स्वर्गा मन्झ आ, बड़ाई करहे।

लूका 1:79

ताकि जो लोक नह्यारे मन्झ ऐं होर जिन्हों मौता रा खतरा ऐं, तिन्हो ज्योति मिली सके, होर ये ज्योति आस्सा जो सांति रे पैंडे पर सीधे चलाई सके।”

यहून्ना 17:19

होर तिन्हारे कठे हांऊँ आपणे आपा जो लग ठैहराया ताकि स्यों भी सच्चा रे ज्रीए लग ठैहराये जाए।”

चुणिरे चेले रे काम 20:28

“इधी कठे आपणी होर आपणे झुंडा री चौकसी करा; जेस ले पवित्र आत्मे तिन्हा जो कलीसिया रे अगुवे ठैहराईरा: ताकि तुस्से परमेसरा री तेस कलीसिया रा ध्यान रखा, जेस जो तिन्हें आपणे खूना रे बदले खरदी लईरा था।

चुणिरे चेले रे काम 26:18

कि तू तिन्हारी हाखिया खोल्हे, ताकि स्यों नह्यारे ले प्रयासे वखा जो, होर सैताना रे हका ले परमेसरा वखा जो फिरे; ताकि परमेसर तिन्हारे पापा री माफ करहे, होर तिन्हा लोका साउगी विरासत पाए, जेह्ड़े मेरे पर विस्वास करणे ले पवित्र हुई चुकिरे।’”

चुणिरे चेले रे काम 26:28

होर अग्रिप्पे पौलुसा किन्हें बोल्या, “क्या तू इतनी असानी किन्हें मुंजो मसीहा रे लोक बणाणा चाहां?”

रोमियो 9:24

मतलब आस्सा पर जिन्हा जो तिन्हें ना सिर्फ यहूदी लोका मन्झा ले पर अन्यजाति लोका मन्झा ले भी चुणेया।

1 कुरिन्थियो 3:17

अगर कोई परमेसरा रे लोका रा (यानि जो लोक परमेसरा रे मन्दरा साहीं ऐं) तिन्हारी एकता जो नास करघा ता परमेसरा तेस जो सजा देणी, क्यूंकि तुस्से सभ परमेसरा रे पवित्र मन्दरा साहीं ऐं।

इफिसियो 1:14

पवित्र आत्मा एस गल्ला रा साई कि परमेसरा आस्सा जो विरासत देणी, जेसरा देणे रा वादा तिन्हें आस्सा किन्हें कितिरा। ये तेबे हूंणा जेबे परमेसरे आस्सा जो, जो तेसरे आपणे लोक ऐं, पूरी तरहा ले छुटकारा देंगा। एता री वजहा ले लोका तेसरी महिमा होर बड़ाई करणी।

इफिसियो 1:6

ताकि आस्से परमेसरा रे नौखे अनुग्रह रे कठे तेसरी बड़ाई करहे, जो तिन्हें आस्सा जो मुफ्ता मन्झ देई दितेया, क्यूंकि आस्से तेसरे मह्ठे साउगी एक ऐं, जेस किन्हें से बौह्त प्यार करहा।

इफिसियो 3:21

मसीह यीसू साउगी एक हूंणे री वजहा ले, सारे कलीसिया रे लोक परमेसरा री महिमा जुग-जुग करदे रहे। आमीन।

फिलिप्पियो 3:14

हांऊँ न्साणे री तरफ आगे बड़ी करहा, ताकि इनाम पाऊं, होर मेरा इनाम ये आ कि परमेसरे हांऊँ स्वर्गीय जिन्दगी वखा जो सादिरा। ये एह्ड़ा इधी कठे हुआ क्यूंकि यीसू मसीह मेरे कठे मारी दितिरा था।

कुलुस्सियो 1:13

क्यूंकि तिन्हें ई आस्सा जो सैताना री सक्ति ले छुड़ाई किन्हें आपणे लाडले मह्ठे रे राजा मन्झ लेई किन्हें आया।

2 तिमिथियुस 1:9

परमेसरे ही आस्सा रा उद्धार कितेया, होर आस्से पवित्र जिन्दगी जीणे रे कठे सादे; होर तिन्हें आस्से आस्सा रे भले कामा री वजहा ले नी पर आपणी योजना रे मताबक सादेया। परमेसरे एस संसारा जो रचणे ले पैहले ही तय करी लितिरा था कि यीसू मसीह जो एस संसारा मन्झ भेजी किन्हें आस्सा पर आपणा ये अनुग्रह दसणा।

तितुस 2:14

इन्हें यीसू मसीहे आपणे आपा जो आस्सा रे कठे बलिदान करी दितेया, ताकि आस्सा जो हर किस्मा रे पापा ले छुड़ाई ले; होर आस्सो सुद्ध करी दे ताकि आस्से तेसरे खास लोक बणी जाये जो खरे काम करणे री बड़ी इच्छा रखे।

1 पतरस 1:2

होर परमेसर बापूए बौह्त पैहले ले ही तुस्सा जो आपणे लोक हूंणे रे कठे, होर पवित्र आत्मा रे कामा रे ज्रीए पवित्र हूंणे रे कठे चुणी लईरा था। एह्ड़ा तिन्हें इधी कठे कितेया की तुस्से यीसू मसीह रा हुक्म मान्नो, होर तेसरे खूना रे छिड़कणे ले साफ हुई जाओ। हांऊँ प्रार्थना करहा कि परमेसर तुस्सा जो बौह्त अनुग्रह होर सांति देंदा रहे।

1 पतरस 2:5

होर तुस्से सभ विस्वासी भाई बैहण भी जो एक जिउंदे पात्थरा साहीं ऐं। परमेसर एकजुट हूंणे रे कठे जोड़ी करहा, जेस मन्झ परमेसरा री आत्मा वास करही, ताकि तुस्से भी तेस कामा री वजहा ले जो यीसू मसीहे आस्सा रे कठे कितिरा, याजका साहीं एह्ड़ा बलिदान चढ़ाऊआ जो परमेसरा जो ग्रहण करणे रे लायक हो,

1 पतरस 4:11

उदाहरणा रे कठे अगर तुस्सा वाले प्रचार करणे रा बरदान हो ता तुस्सा जो परमेसरा रे बचना रा प्रचार करणा चहिए। अगर दूजेया री मदद करणे रा वरदान आ ता परमेसरे तुस्सा जो, जो ताकत दितिरी, तेस ताकता ले दूजेया री मदद करहा। तेबे जो कुछ तुस्सा करणा तेता ले यीसू मसीह रे ज्रीए परमेसरा जो महिमा मिलणी। सारी महिमा होर सामर्थ जुग-जुग तेसरी ई! आमीन।

प्रकासना री गल्ला 1:6

होर एस वजहा ले आस्से याजका रा एक परिवार बणी गईरे, जो आपणे परमेसर तेसरे बापू री सेऊआ करहे, होर तिन्हें आस्से एह्ड़े लोक बणाये जिन्हारा राजा परमेसर आ। इधी कठे यीसू मसीह जो महिमा होर सामर्थ जुग-जुग मिल्दी रहे। आमीन।

प्रकासना री गल्ला 5:10

तैं स्यों राजे बणाहें, होर आस्सा रे परमेसरा री अराधना रा काम करणे रे कठे याजक बणाये, होर तिन्हा धरती पर राजेया साहीं राज करणा।”