1 पतरस 2:5 - मंडयाली नंऊँआं नियम

⁵ होर तुस्से सभ विस्वासी भाई बैहण भी जो एक जिउंदे पात्थरा साहीं ऐं। परमेसर एकजुट हूंणे रे कठे जोड़ी करहा, जेस मन्झ परमेसरा री आत्मा वास करही, ताकि तुस्से भी तेस कामा री वजहा ले जो यीसू मसीहे आस्सा रे कठे कितिरा, याजका साहीं एह्ड़ा बलिदान चढ़ाऊआ जो परमेसरा जो ग्रहण करणे रे लायक हो,

1 पतरस 2:5 Iomraidhean Croise

रोमियो 12:1

इधी कठे हे भाईयो होर बैहणो, हांऊँ तुस्सा किन्हें परमेसरा री दया याद दिलाई किन्हें बिनती करहा कि आपणे आपा जो ही जिउंदे होर पवित्र, होर परमेसरा जो खुस करणे वाले बलिदान रे रूपा मन्झ चढ़ाऊआ; येई परमेसरा री अराधना करणे रा सच्चा तरीका आ।

रोमियो 15:16

कि हांऊँ अन्यजाति रे लोका रे कठे मसीह यीसू रा सेऊआदार हुई किन्हें एक याजका साहीं परमेसरा रे वखा ले खुसी री खबरा रा प्रचार करहा। जेस ले अन्यजाति लोका जो जिन्हा जो पवित्र आत्मे पवित्र कितिरा, तिन्हा जो हांऊँ परमेसरा जो चढावे मन्झ चढ़ाई सकूं, जेस ले परमेसरा खुस हूंणा।

1 कुरिन्थियो 3:16

तुस्से सच्चे जाणांहे कि तुस्से सभ परमेसरा रे मन्दरा साहीं ऐं, होर परमेसरा रा दितिरा पवित्र आत्मा तुस्सा रे बीचा मन्झ वास करहा।

1 कुरिन्थियो 3:9

क्यूंकि आस्से परमेसरा रे सहकर्मी ऐं, होर तुस्से सभ विस्वासी लोक परमेसरा री एक खेती साहीं ऐं जो तेसरी ई। होर हांऊँ तुस्सा री तुलना एक घरा साउगी करी सका जेस जो परमेसर बणाया करहा।

1 कुरिन्थियो 6:19

तुस्से सच्चे जाणांहे कि, तुस्सा रा सरीर से मन्दर आ जेस मन्झ पवित्र आत्मा वास करहा; जो ये पवित्र आत्मा परमेसरे तुस्सा जो दितिरी, होर तुस्से आपु आपणे नी ऐं पर परमेसरा रे।

2 कुरिन्थियो 6:16

होर मूर्तिया री परमेसरा रे मन्दरा मन्झ कोई जगहा नी। क्यूंकि आस्से ता जिन्दे परमेसरा रे मन्दर ऐं, जेह्ड़ा परमेसरे पवित्र सास्त्रा मन्झ बोलिरा कि, “मां इन्हा लोका साउगी रैहणां, होर तिन्हारे बीचा मन्झ चल्या फिरया करणा; होर मां तिन्हारा परमेसर हूंणां, होर तिन्हा मेरे लोक हूंणां।”

गलातियो 6:10

इधी कठे जेबे भी आस्सो मौका मिले, आस्से सभी लोका रा भला करहे; खास करी किन्हें विस्वासी भाईया रा।

फिलिप्पियो 1:11

होर परमेसर री महिमा होर बड़ाई रे कठे तेस धार्मिकता रे भले कामा ले भरी जाऊआ, जो सिर्फ यीसू मसीह रे ज्रीए ही फला ऐं।

फिलिप्पियो 2:17

जेबे मै तुस्सा जो खुसी री खबर सुणाई तुस्से प्रभु यीसू पर विस्वास करी किन्हें आपणी जिन्दगी सेऊआ रे कठे बलिदान किती। होर एस वजहा मुंजो मरणा भी पो, तेबे भी हांऊँ खुस आ, होर तुस्सा सभी साउगी खुसी मनाणी।

फिलिप्पियो 4:18

मेरे वाले सभ कुछ हाया, बल्कि ज्रूरत ले भी ज्यादा आ। जो चीजा तुस्से इपफ्रुदीतुस रे हाथा ले भेजिरी थी तिन्हा जो पाई किन्हें हांऊँ रजी गईरा। स्यों मेरे कठे खुसबू देणे वाली भेंट साहीं आ, होर तेस बलिदान साहीं जो याजक परमेसरा रे साम्हणें चढ़ा, जेस जो परमेसर ग्रहण करहा, होर जो परमेसरा खरा लग्हा।

कुलुस्सियो 3:17

होर जो कुछ तुस्से बोले होर करहे से सभ प्रभु यीसू रे नांऊँआं ले करहा; होर प्रभु यीसू रे ज्रीए बापू परमेसरा रा धन्यावाद करा।

1 तिमिथियुस 3:15

अगर मुंजो आऊणें मन्झ टैम लगी जाए ता तुस्से एस चिठ्ठी रे ज्रीए जाणी लया कि, परमेसरा रे घरा रे सदस्य हूंणे रे नाते यानि जिउंदे परमेसरा री कलीसिया हूंणे रे नाते आस्सो आपणी जिन्दगी केह्ड़ी जीणी चहिए। जिहां निंऊँआं होर खम्बे घरा जो मजबूत रखे, तिहां ही ये विस्वासी लोक सच्चे उपदेसा जो मजबूत बणाई रखे।

इब्रानियो 3:6

पर मसीह एक मह्ठे साहीं परमेसरा रे परिवारा रे लोका मन्झ सच्चा आ, अगर आस्से आपणी हिम्मता होर तेस आस मन्झ विस्वासा मन्झ मजबूत रहे ता आस्से आपु ही तेसरे परिवारा रे लोक ऐं।

1 पतरस 2:9

पर तुस्से एह्ड़े लोक नी ऐं, तुस्से परमेसरा रे चुणिरे लोक ऐं। होर परमेसरा रे याजक लोक, जो राजे होर पवित्र लोक, होर परमेसरा रे आपणे लोक ऐे, तिन्हें तुस्से नहयारे मन्झा ले आपणी नौखे प्रयासे मन्झ सादी लईरे ताकि तुस्से परमेसरा रे नौखे कामा रा प्रचार करी सको।

1 पतरस 4:11

उदाहरणा रे कठे अगर तुस्सा वाले प्रचार करणे रा बरदान हो ता तुस्सा जो परमेसरा रे बचना रा प्रचार करणा चहिए। अगर दूजेया री मदद करणे रा वरदान आ ता परमेसरे तुस्सा जो, जो ताकत दितिरी, तेस ताकता ले दूजेया री मदद करहा। तेबे जो कुछ तुस्सा करणा तेता ले यीसू मसीह रे ज्रीए परमेसरा जो महिमा मिलणी। सारी महिमा होर सामर्थ जुग-जुग तेसरी ई! आमीन।

1 पतरस 4:17

परमेसरा रा न्याय करणे रा टैम आई गईरा, पैहले आस्सा विस्वासी लोका रा न्याय हूंणा। जेब्की परमेसरा पैहले आस्सा विस्वासी लोका रा न्याय करणा ता तिन्हा लोका पर आऊणें वाली खरतनाक गल्ला रे बारे मन्झ सोचा, जो परमेसरा री दितिरी खुसी री खबरा जो नी मन्नदे।

प्रकासना री गल्ला 1:6

होर एस वजहा ले आस्से याजका रा एक परिवार बणी गईरे, जो आपणे परमेसर तेसरे बापू री सेऊआ करहे, होर तिन्हें आस्से एह्ड़े लोक बणाये जिन्हारा राजा परमेसर आ। इधी कठे यीसू मसीह जो महिमा होर सामर्थ जुग-जुग मिल्दी रहे। आमीन।

प्रकासना री गल्ला 3:12

जो लोक जीत हासिल करहे। से मां आपणे परमेसरा रे मन्दरा मन्झ एक खम्भे साहीं बनाणा, होर तेस जो तेथी ले फेरी कधी बाहर नी निकल्ना पऊणा। होर मां तेस पर आपणे परमेसरा रा नांऊँ लिखणा (ये दसणे रे कठे कि से परमेसरा रा), होर परमेसरा रे सैहरा रा नाऊँ, जेस जो नंऊँआं यरुस्लेम बोले। ये सेई सैहर आ, जो परमेसरा री वखा ले स्वर्गा ले उतरणे वाल़ा आ। होर मां तेस पर आपणा नांऊँ भी लिखणा। (ये दसणे रे कठे कि से मेरा)

प्रकासना री गल्ला 5:10

तैं स्यों राजे बणाहें, होर आस्सा रे परमेसरा री अराधना रा काम करणे रे कठे याजक बणाये, होर तिन्हा धरती पर राजेया साहीं राज करणा।”