1 पतरस 2:4 - मंडयाली नंऊँआं नियम

⁴ तुस्से यीसू मसीह रे वाले आईरे, जो जिउंदा पात्थर आ। तेस जो संसारा रे माह्णुंऐ बेकार समझी किन्हें काढी दितेया, पर परमेसरे तेस जो कोणे रा पात्थर करी किन्हें चुणी लितेया, क्यूंकि से तेसरी नजरा मन्झ कीमती आ।

1 पतरस 2:4 Iomraidhean Croise

मत्ती 11:28

हे सभ मैहनत करणे वाल़ेओ होर बोझा किन्हें दभीरे लोको, मेरे वाले आऊआ; मां तुस्सा जो अराम देणा।

मत्ती 12:18

“देखा, ये मेरा सेऊआदार आ, जो मैं चुणिरा; मेरा प्यारा, जेस ले मेरा मन खुस आ: मां आपणा आत्मा तेस अंदर पाई देणा; होर तेस जाति-जाति रे लोका मन्झ न्याया रा प्रचार करणा।

मत्ती 21:42

यीसूए तिन्हा किन्हें बोल्या, “क्या तुस्से कधी पवित्र सास्त्रा मन्झ ये नी पढ़ेया कि: ‘जेस पात्थरा जो मिस्त्रिये बेकार जाणेया, सेई कुणे रा खास पात्थर बणी गया; ये प्रभु री तरफा ले हुएआ, होर ये देखी किन्हें आस्सा जो हरानी हुंहाँ ईं।’

यहून्ना 14:19

होर थोह्ड़े ही टैम रे बाद संसारा हांऊँ नी देखणा, पर तुस्सा हांऊँ देखणा, क्यूंकि हांऊँ जिउंदा हुई जाणा, होर तुस्सा भी जिउंदे रैंह्णां

यहून्ना 14:6

यीसूए तेस किन्हें बोल्या, “पैंडा होर सच्चाई होर जीवन हांऊँ ईं आं; मेरे बगैर कोई बापू वाले नी पूजी सक्दा।

यहून्ना 5:26

क्यूंकि जिहां बापू आपणे आपा मन्झ जिन्दगी रख्हा, तिहां ईं तिन्हें ये हक आपणे मह्ठे जो भी दितिरा कि स्यों आपणे आपा मन्झ जिन्दगी रखे।

यहून्ना 5:40

फेरी भी तुस्से अनंत जिन्दगी पाणे रे कठे मेरे वाले नी आऊंणा चाहन्दे।

यहून्ना 6:37

जितने भी लोक बापू मुंजो देहां स्यों से मेरे वाले आहूँआं ऐं, होर जो मेरे वाले आहूँआं ऐं, मां पक्का स्यों अपनाणे।

यहून्ना 6:57

जिहां जिउंदे परमेसर बापूए हांऊँ भेजिरा होर हांऊँ बापू री बजहा ले जिउंदा आ तिहां ई तेस भी जो मुंजो खांहगा तेस मेरी बजहा ले जिउंदे रैंह्णां।

रोमियो 5:10

क्यूंकि जेबे आस्से परमेसरा रे बरखलाप थे ता तेसरे मह्ठे री मौता रे ज्रीए आस्सा रा मेल मिलाप परमेसरा साउगी कुराया गया। जेबे कि मसीह ऐबे जिउंदा ये पक्की गल कि तेस आस्सा रा उद्धार करणा।

1 कुरिन्थियो 3:11

ये घर जो बणी करहा तेसरी नींऊँआं पेहले ले ही पाई दितिरी, जो सिर्फ यीसू मसीह आ। कोई दूजी नींऊँ नी पाई सक्दा यानि यीसू मसीह ही एक रस्ता, जेसरे ज्रीए लोक परमेसरा जो जाणी सके।

कुलुस्सियो 3:4

मसीह री वजहा ले ही तुस्सा जो ये नौंईं जिन्दगी मिलिरी, होर जेबे तेस वापस एस संसारा मन्झ आऊंणा, तेबे तुस्से भी आई किन्हें तेसरी महिमा मन्झ साझी बणी जाणा।

1 पतरस 1:19

पर तुस्सा रा छुटकारा यीसू मसीह रे कीमती खूना रे ज्रीए हुआ, जो बेकसूर होर बेदाग छेलू साहीं था।

1 पतरस 1:7

होर ये परेसानिया इधी कठे हुंहाँ ताकि ये जाहिर हो की तुस्सा रा विस्वास परमेसरा पर हाया की नी। मसीह पर तुस्सा रा विस्वास आगा मन्झ परखिरे सुद्ध कितिरे सोने ले भी ज्यादा कीमती आ। जिहां नास हूंणे वाल़ा सोना भी आगी किन्हें परखी जाहाँ, होर इंहां ही अगर तुस्सा रा विस्वास भी परेसानिया रे बीचा मन्झ मजबूत निकले, ता जेबे यीसू मसीहा दबारा वापस आऊंणा, तेस ध्याड़े तुस्सा जो भी बड़ाई, होर महिमा होर आदर मिलणा।

1 पतरस 2:7

इधी कठे तुस्से जे मसीह यीसू पर विस्वास करहे ये विस्वासी लोका रे कठे कीमती पात्थर आ। पर विस्वास नी करणे वाले लोका रे कठे पवित्र सास्त्रा मन्झ लिखिरा कि, “से पात्थर जेस जो राज मिस्त्रिये बेकार जाणेया था सेई पात्थर कोणे रा पात्थर बणी गया।”

2 पतरस 1:1

हांऊँ समौन पतरस तुस्सा रे कठे ये चिठ्ठी लिखी करहा। हांऊँ यीसू मसीह रा सेऊआदार होर चुणिरा चेला आ। हांऊँ ये चिठ्ठी तुस्सा सभी रे कठे लिखी करहा, जो आस्सा साहीं तेस कीमती विस्वास रा साझा करहे, जो आस्सा जो आस्सा रे परमेसर होर उद्धारकर्ता यीसू मसीहे दितिरा। से आस्सो परमेसरा री नजरा मन्झ धर्मी बणा।

2 पतरस 1:4

होर तेसरी खराई होर महिमा री वजहा ले तिन्हें आस्सा किन्हें महान होर कीमती वादे कितिरे। इन्हा वादे रे ज्रीए आस्से एस संसारा मन्झ जो बुरी इच्छा ई तेता ले बची सके, जो लोका रा नास करही। होर आस्से परमेसरा रे आपणे स्वभाव मन्झ साझी हुई जाये।