1 पतरस 2:2 - मंडयाली नंऊँआं नियम

² जिहां नंऊँऐं जम्मिरे बच्चे माऊआ रे दुधा री इच्छा रखे, तुस्से भी परमेसरा रे बचना जो सीखणे री इच्छा रखा, ताकि आत्मिक रूपा ले स्याणे बणी सको। होर तेबे आखरी मन्झ परमेसरा तुस्से एस संसारा री बुरी गल्ला ले पूरी तरहा बचाई लेणे।

1 पतरस 2:2 Iomraidhean Croise

मत्ती 18:3

होर तिन्हें बोल्या, “हांऊँ तुस्सा किन्हें सच्च बोल्हा, अगर तुस्से नी बधल्गे होर एस बच्चे साहीं नम्र नी बणघे, ता स्वर्गा रे राजा मन्झ तुस्सा दाखल नी करी पाणा।

मत्ती 19:14

पर यीसूए बोल्या, “बच्चेया जो मेरे वाले आऊणें देआ, होर इन्हा जो नांह नी करा। क्यूंकि स्वर्गा रा राज एह्ड़े लोका रा आ, जो बच्चे साहीं नम्र ऐं।”

मरकुस 10:15

हांऊँ तुस्सा किन्हें सच्च बोल्हा कि, जो कोई परमेसरा रे राजा जो बच्चेया साहीं ग्रैहण करा, तेस तेता मन्झ दाखल हूंणां।”

लूका 18:17

हांऊँ तुस्सा किन्हें सच्च बोल्हा कि, जो कोई परमेसरा रे राजा जो बच्चेया साहीं ग्रैहण करा, तेस तेता मन्झ दाखल हूंणां।”

रोमियो 6:4

इधी कठे जेबे आस्से बपतिस्मा लितेया ये एह्ड़ा था कि आस्से मसीह साउगी मरी गये होर गडी दिते। जिहां बापू परमेसरे आपणी महिमा रे ज्रीए यीसू मसीह जो मरिरे मन्झा ले जिउन्दा कितेया; तिहां ईं तिन्हें आस्से एस लायक बणाए कि आस्से भी नौंईं जिन्दगी जीए।

1 कुरिन्थियो 14:20

हे भाईयो होर बैहणो, तुस्से इन्हा गल्ला जो समझणे मन्झ बच्चे साहीं नी बणा; तेबे बी बुराई रे कठे बच्चे साहीं मासूम बणा; पर इन्हा गल्ला जो समझणे मन्झ स्याणे बणां।

इफिसियो 2:21

मसीह एस घरा जो जोड़ी रखा, होर एता जो प्रभु रे कठे एक पवित्र मन्दरा रे रूपा मन्झ बढ़ादां जाहाँ।

इफिसियो 4:15

एता रे बजाय प्यार भरे तरीके किन्हें सच्चाई जो बोला। आस्से सभ हर गल्ला मन्झ सिद्ध बणे, ताकि आस्से मसीह साहीं बणी जाये, जो कलीसिया रा सिर आ।

2 थिस्सलुनकियो 1:3

हे भाईयो होर बैहणो, तुस्सा रे बारे मन्झ आस्सो हमेसा परमेसरा रा धन्यावाद करणा चहिए। आस्सा रे कठे ये करणा ठीक भी आ, क्यूंकि यीसू मसीह मन्झ तुस्सा रा विस्वास बौह्त बढ़ी गईरा, होर एक दूजे किन्हें तुस्सा रा प्यार होर भी ज्यादा बढ़दा जाहाँ।

1 पतरस 1:23

क्यूंकि तुस्से परमेसरा ले नौंईं जिन्दगी पाईरी, तुस्से ये जिन्दगी नास हूंणे वाली चीजा ले नी पाईरी, पर हमेसा बणी रैहणे वाली चीजा ले पाईरी। यानि आस्से परमेसरा रे जिउंदे होर अनंत बचना रे ज्रीए ये जिन्दगी पाईरी।

2 पतरस 3:18

एता रे बजाय आस्सा रे प्रभु, होर उद्धारकर्ता यीसू मसीह रे अनुग्रहा जो होर ज्यादा ले ज्यादा मैहसूस करदे रैहया। होर तेसरे बारे मन्झ जो तुस्से समझ रखे तेता मन्झ बढ़दे जाऊआ। तेसरी बढ़ाई ऐबे, होर जुग-जुग हुन्दी रहे। आमीन।