1 पतरस 2:1 - मंडयाली नंऊँआं नियम

¹ इधी कठे सभ किस्मा रे बैर-भाव दूर करहा। दूजेया जो धोखा नी देआ, होर पाखंड मत बणा; होर दूजेया किन्हें हिर्ख नी रखा, होर बदनामी नी करहा।

1 पतरस 2:1 Iomraidhean Croise

मत्ती 15:7

हे पाखंडी लोको, यसायाह नबिये तुस्सा रे बारे मन्झ बिलकुल ठीक भविस्यवाणी कितिरी कि,

मत्ती 23:28

इंहां ईं तुस्से भी तिन्हा कब्रा साहीं ऐं, जेबे लोक तुस्सा जो देख्हा ऐं, स्यों सोच्हा ऐं कि तुस्से धर्मी ऐं, पर अंदरा ले तुस्से पाखंडी होर परमेसरा रे हुक्म नी मनणे रा पाप करहा ऐं।”

मत्ती 24:51

होर तेस जो बड़ी भारी सजा देई किन्हें, से एह्ड़ी जगहा मन्झ रखणा जेथी पाखंडी रैहया ऐ। होर तेथी हमेसा रोणा होर दांत पिसणा हूंणां।”

मत्ती 7:5

ओ पाखंडी, पैहले आपणी छोटी जे गलती जो सुधार, तेबे तु तेसरी मदद करी सक्हा कि से आपणी गलतिया जो सुधारी सको।

मरकुस 12:15

आस्से देईऐ कि नी?” तिन्हें तिन्हारा पाखंड जाणी किन्हें तिन्हा किन्हें बोल्या, “मुंजो किधियो परखदे लगिरे? एक सिक्के जो मेरे वाले लई आऊआ कि, हांऊँ देखूं।”

लूका 11:44

तुस्सा जो बौह्त सजा मिलणी! क्यूंकि तुस्से तिन्हा ल्हुखी री कब्रा साहीं ऐं, जिन्हा पर लोक चल्हा ऐं, पर नी जाणदे।”

लूका 12:1

इतने मन्झ, हज़ारा रे स्हाबे लोक यीसू रे चारो तरफ कठे हुई गये, लोका री भीड़ इतनी ज्यादा थी कि स्यों एक दूजे जो जिक्दे हुए तिन्हा प्रयाल्हे पई जाया करहा ऐं थे, पर सभी ले पैहले यीसू आपणे चेले किन्हें बोल्दा लग्या, “तुस्से चतन्न रैहया ताकि तुस्से फरीसी लोका साहीं देख्या बणदे, जो लोका रे साम्हणें धर्मा रे काम करहा ऐं, पर कल्हे मन्झ बुरे काम करहा ऐं, जिहां स्जेड़ा आटे रे ढेरा जो स्जेड़ा करी देहां आं तिहां ईं तिन्हारा बुरा व्यवहार दूजे जो तिन्हा साहीं पाखंडी बणाई देहां।

लूका 6:42

होर जेबे तेरी आपणी गलतिया कितनी बडी ई, ता तू आपणे भाई जो किधियो बोल्हा कि ‘हाऊँ तेरी छोटी जे गलती ठीक करूं।’ ओ पाखंडी, पैहले आपणी गलतिया जो सुधार, तेबे तु तेसरी मदद करी सक्हा कि से आपणी गलतिया जो सुधारी सको।”

यहून्ना 1:47

यीसूए नतनएल जो आपणी तरफ आऊंदे देखी किन्हें तेसरे बारे मन्झ बोल्या, “देखा, ये सच्चे इस्राएल देसा रे लोक आ: एस मन्झ पाखंड नी आ।”

रोमियो 1:29

होर स्यों सभ किस्मा रे अधर्मा रे काम, होर दुस्टता, होर लालच, होर बैर-भाव किन्हें भर्ही गये। होर हिर्ख, होर हत्या, होर झगड़े, होर धोखा, होर बुरे बिचारा किन्हें बर्ताव करणे वाले, होर चुगलखोर बणी गईरे।

1 कुरिन्थियो 14:20

हे भाईयो होर बैहणो, तुस्से इन्हा गल्ला जो समझणे मन्झ बच्चे साहीं नी बणा; तेबे बी बुराई रे कठे बच्चे साहीं मासूम बणा; पर इन्हा गल्ला जो समझणे मन्झ स्याणे बणां।

1 कुरिन्थियो 5:8

इधी कठे आऊआ आस्से आपणे फसहा रा साजा मनाहें। जिहां यहूदी स्जेड़ा बाहर काढेया, तिहां ही आस्से आपणे पुराणे पापा रे स्वभावा जो छाडी दे, होर जिहां यहूदी स्जेड़ी रोटी खाएं थे, आस्सो भी परमेसरा रे लोका साहीं जीणा चहिए, जिन्हा मन्झ कोई बुराई नी हुन्दी, यानि आपणे दिला मन्झ चलाकीया री गल्ला जो काढी किन्हें सच्चाई किन्हें यीसू मसीह साउगी चलना चहिए।

2 कुरिन्थियो 12:20

क्यूंकि मुंजो डर आ, केते एह्ड़ा नी हो कि, हांऊँ आई किन्हें जेह्ड़ा चाहां, तेह्ड़ा तुस्सा जो नी पाऊं; होर तुस्से भी मुंजो आपणी उम्मीद रे मताबक नी पाओ। मुंजो डर आ कि तुस्सा मन्झ झगड़ा, जल्नी, गुस्सा, विरोध, हिर्ख, चुगली, बडयाई, होर बखेड़े नी हो।

इफिसियो 4:31

एक दूजे किन्हें कड़वाहट होर रोस मत रखा, होर एक दूजे पर गुस्सा करी किन्हें झगड़ा मत करा, एक दूजे रे बारे मन्झ बुरी गल्ला करी किन्हें बदनाम मत करा, होर सभ किस्मा रे बैर-भाव ले तुस्से दूर रैहया।

1 थिस्सलुनकियो 2:3

क्यूंकि आस्सा रा उपदेस भड़काने वाल़ा नी आ, होर ना असुद्ध मकसदा ले, होर ना छल कपटा साउगी बोली जां।

1 तिमिथियुस 3:11

एस तरहा सेऊआदारा री लाड़ीया भी तेह्ड़ी हो जिन्हारी सब लोक इज्जत करदे हो, दूजेया जो बदनाम करणे वाली नी हो, पर आपणे आपा पर काबू रखणे वाली हो, होर सभ गल्ला मन्झ भरोसे रे लायक हो।

तितुस 2:3

इंहां ही खपरी ज्नानिया रा स्वभाव भी पवित्र लोका साहीं हो। दूजेया जो बदनाम करणे वाली नी हो, होर ना सराबी नी हो; पर दूजेया जो खरा काम करणे रे कठे स्खाणे वाली हो।

इब्रानियो 12:1

एस वजहा ले जेबे बौह्त लोका री विस्वासा री गुआहिया आस्सो इतने बड़े बादला साहीं घिर्ही गईरे, ता आऊआ, आस्से हर एक रोकणे वाली चीज, होर उलझाणे वाले पाप दूर करी किन्हें, से दौड़ जेस मन्झ जे आस्सा जो दौड़ना आ, सब्र रखी किन्हें दौड़े।

याकूब 1:21

इधी कठे सारी गंदगी होर सब बुराई जो दूर करी किन्हें, परमेसरा रे तेस बचना जो बडी नम्रता किन्हें मनी लो, जो तुस्सा रे दिला मन्झ बोया गया होर जो तुस्सा रा उद्धार करी सक्हा।

याकूब 3:14

पर अगर तुस्सा रे मना मन्झ बौह्त भारी हिर्ख होर स्वार्था री भावना हो ता आपणी समझ री बडयाई करी किन्हे सच्चाई रे बरखलाफ झूठ नी बोला।

याकूब 4:11

हे भाईयो होर बैहणो, एक दूजे री बदनामी नी करा, जो आपणे भाई री बदनामी करहा, या भाई पर दोस ल्गाहां, से मूसा री व्यवस्था री बदनामी करहा, ता से मूसा री व्यवस्था पर दोस ल्गाहां, तेबे तुस्से मूसा री व्यवस्था पर चलणे वाल़ा नी, पर तुस्से तेस व्यवस्था रे न्यायी बणिरे।

याकूब 4:5

या क्या तुस्से ये सोच्हा ऐं कि, पवित्र सास्त्र बेकार ई ये सभ कुछ बोल्हा? “परमेसरे आस्सा री आत्मा बणाईरी, इधी कठे से चांहा कि आस्से सिर्फ तेस जो प्यार करहे, जिहां एक लाड़ा जल्नी करहा कि तेसरी लाड़ी सिर्फ तेस किन्हें ही प्यार करहे”

याकूब 5:9

हे भाईयो होर बैहणो, एक दूजे रे बारे मन्झ सिकायत मत करहा, नी ता परमेसरा तुस्सा रा न्याय करणा, होर न्याय करणे वाल़ा दुराजे वाले आई किन्हें खड़ी गईरा।

1 पतरस 2:16

होर तुस्से आपणे आपा जो अजाद समझा, क्यूंकि तुस्से पापा रे कैदा मन्झ नी ऐं, होर प्रभु यीसू मसीहे तुस्से पैहले ले ही अजाद करी दितिरे। पर आपणी एस्सा अजादी जो बुराई करणे रे कठे आड़ नी बणाऊआ। एता रे बजाय आपणे कामा ले एस्सा गल्ला जो जाहिर करहा की तुस्से सच्चे परमेसरा रे गुलाम ऐे।

1 पतरस 2:22

पवित्र सास्त्रा मन्झ लिखिरा कि, “तिन्हें कोई पाप नी कितेया होर तिन्हें कधी भी झूठ नी बोल्या, एक बारी भी नी।”

1 पतरस 3:10

क्यूंकि पवित्र सास्त्रा मन्झ लिखिरा, “जो कोई खरी जिन्दगी जीणे री इच्छा रख्हा, होर खरे ध्याड़े देखणा चाहां; से आपणी जीभा ले बुरी गल्ला नी करहे, होर एह्ड़ी गल्ला नी करहे जो सच्ची नी हो।

1 पतरस 4:2

होर एस वजहा ले एह्ड़ा माह्णुं एस संसारा मन्झ रैहन्दे हुए आगे जो कधी भी आपणी जिन्दगी मन्झ माह्णुंआं री पापा री इच्छा जो पूरी नी करदा, पर से तेहड़ा ही करहा जेहड़ी परमेसरा री इच्छा ई।

1 पतरस 4:4

एता ले तुस्सा रे पुराणे दोस्त हरान हुयें कि, ऐबे तुस्से एह्ड़े गल्ला जो करणे मन्झ तिन्हारा साथ नी देंदे, होर इधी कठे स्यों तुस्सा जो बुरा भला बोल्हा ऐं।

प्रकासना री गल्ला 14:5

होर तिन्हारे मुंहा ले कधी झूठ नी निकल्या, स्यों बेकसूर ऐं।