1 पतरस 1:8 - मंडयाली नंऊँआं नियम

⁸ तुस्से कधी भी यीसू नी देखेया पर फेरी भी तुस्से तेस किन्हें प्यार करहे, होर तुस्से तेस जो नी देखदे पर फेरी भी विस्वास करहे। एह्ड़े करी किन्हें बड़े खुस हुंहाँ ऐं, एह्ड़ी खुसी जो ब्खान करणे ले बाहर होर महिमा किन्हें भ्हरीरा आ।

1 पतरस 1:8 Iomraidhean Croise

मत्ती 10:37

जो आपणे माऊ-बापू जो मेरे ले ज्यादा प्यारा करहा से मेरे लायक नी आ, होर जो मह्ठे या मह्ठीया जो मेरे ले ज्यादा प्यारा करहा, से मेरा चेला बणने रे लायक नी हाया।

यहून्ना 14:15

“अगर तुस्से मेरे किन्हें प्यार रख्हा ऐं, ता तुस्सा मेरे हुक्म मनणें।

यहून्ना 14:21

जेस मेरे हुक्मा जो जाणहां ऐं, होर से तिन्हा जो मन्हां ऐं, सेई मेरे किन्हें प्यार रख्हा। होर जो मेरे किन्हें प्यार रख्हा, तेस किन्हें मेरे बापू प्यार रखणा, होर मां तेस किन्हें प्यार रखणा, होर आपणे आपा जो तेस पर जाहिर करणा।”

यहून्ना 14:24

जो मेरे किन्हें प्यार नी रखदा, से मेरे बचना जो नी मन्नदा, होर जो बचन तुस्से सुणहां ऐं, से मेरे नी पर बापू रे ई, जिन्हें हांऊँ भेजिरा।”

यहून्ना 16:22

इंहां करी किन्हें तुस्सा जो भी ऐबे दुःख हुंहाँ, पर मां तुस्सा किन्हें फेरी दबारा मिलणा होर तुस्सा रे मना मन्झ खुसी हूणीं; होर तुस्सा री खुसी तुस्सा ले केसी नी छुड़ाणी।

यहून्ना 20:29

यीसूए तेस किन्हें बोल्या, “तैं ता मुंजो देखी किन्हें विस्वास कितेया। पर धन्य ऐं स्यों जिन्हें जे हांऊँ नी देख्या पर बगैर देखे विस्वास कितेया।”

यहून्ना 8:42

यीसूए तिन्हा किन्हें बोल्या, “अगर परमेसर तुस्सा रा बापू हुन्दा, ता तुस्से मेरे किन्हें प्यार रखदे; क्यूंकि हांऊँ परमेसरा री तरफा ले आईरा; हांऊँ आपणी तरफा नी आईरा, पर बापूए ही हांऊँ भेजिरा।

चुणिरे चेले रे काम 16:34

होर तिन्हें तिन्हा जो आपणे घरा मन्झ लई जाई किन्हें, तिन्हारे साम्हणें खाणा रख्या होर सारे टब्बरा समेत परमेसरा पर विस्वास करी किन्हें स्यों बौह्त खुस थे।

रोमियो 14:17

क्यूंकि परमेसरा रे राजा मन्झ खाणा पीणा बडा नी आ; एता रे बजाय, परमेसरा री नजरा मन्झ धर्मी माह्णुं बणना, सांति होर पवित्र आत्मा मन्झ खुसी, ये गल्ला बडी ई।

रोमियो 15:13

हांऊँ प्रार्थना करहा कि परमेसर जो तुस्सा जो आस देआ, से तुस्सा जो तेस पर विस्वास करणे रे कारण आपणी बड़ी खुसी होर सांति किन्हें भरे, ताकि पवित्र आत्मा री सामर्था ले तुस्सा री आस होर भी बढ़दी जाए।

1 कुरिन्थियो 16:22

अगर कोई प्रभु किन्हें प्यार नी करहा, ता से स्रापित आ, हे आस्सा रे प्रभु, आई जा!

2 कुरिन्थियो 4:18

होर आस्से ता देखिरी चीजा जो नी बल्की अनदेखी चीजा जो देखदे रैंहयां ऐं, क्यूंकि देखीरी चीजा थोड़े ई ध्याड़े री ई, पर अनदेखी चीजा सदा बणीं रहीं।

2 कुरिन्थियो 5:7

क्यूंकि आस्से प्रभु यीसू रे रूप जो देखी किन्हें नी, पर तेस पर विस्वास रखणे री वजहा ले जीएं।

2 कुरिन्थियो 9:15

परमेसरा रा तेस दाना रे कठे धन्यावाद करहे, जो तेसरा मह्ठा यीसू मसीह आ, जेस दाना रे बारे मन्झ कोई पूरा ब्खान नी करी सकदा।

गलातियो 5:22

पर परमेसर रा आत्मा आस्सो जो गुण देहां से यूयाँ ऐं, प्यार, खुसी, सांति, सबर,

गलातियो 5:6

अगर तुस्से मसीह यीसू रे चेले ता ये एस गल्ला ले फर्क पउन्दा कि तुस्से खतना कुराईरा या नी, पर सिर्फ एस गल्ला रा फर्क आ कि आस्से मसीह पर आपणे उद्धारकर्ता रे रूपा मन्झ विस्वास रखे, होर परमेसर होर दूजे लोका किन्हें प्यार करहे।

इफिसियो 3:19

हांऊँ प्रार्थना करहा कि तुस्से मसीह रे एस प्यारा जो जाणी सको, जो माह्णुंआं री समझा ले परे आ, ताकि तुस्से परमेसरा साहीं सारी गल्ला मन्झ भरपूर हुई जाओ।

इफिसियो 6:24

हांऊँ प्रार्थना करहा जो आस्सा रे प्रभु यीसू मसीह किन्हें सच्चा प्यार करहा ऐं, परमेसर तिन्हा सभी जो आपणा अनुग्रह दे।

फिलिप्पियो 1:25

होर इधी कठे कि मुंजो एस गल्ला रा भरोसा आ, हांऊँ जाणहां कि मां जिउंदा रैंह्णां, बल्की तुस्सा सभी साउगी रैंह्णां, ताकि प्रभु मन्झ मजबूत रैहणें होर तेस मन्झ खुस रैहणें मन्झ हांऊँ तुस्सा री मदद करी सकूं।

फिलिप्पियो 3:3

क्यूंकि हकिकता मन्झ परमेसरा रे लोक आस्से ई ऐं, जो पवित्र आत्मा रे ज्रीए अराधना करहा ऐं, होर मसीह यीसू साउगी गहरी संगती रखणे मन्झ बडयाई करहा ऐं, होर आस्से आपणे कितिरे भले कामा पर भरोसा नी रख्दे।

फिलिप्पियो 4:4

प्रभु मन्झ हमेसा खुस रैहया; हांऊँ दबारा बोल्हा, खुस रैहया।

इब्रानियो 11:1

ऐबे जो लोक परमेसरा पर विस्वास करहे, तिन्हों इन्हा गल्ला रा पक्का कि परमेसरा तिन्हा जो तिन्हारी आस रखिरी चीजा देणी, होर ये भी कि जो चीजा तिन्हें ऐबे तक नी देखीरी, से सच्चे हाई।

इब्रानियो 11:27

विस्वास करणे री वजहा ले ई, राजे रे गुस्से ले नी डरदे हुए, मुसे मिस्र देस छाडी दितेया, क्यूंकि से समझी गईरा था कि मानो तिन्हें नी सूझणे वाले परमेसरा जो देखी लेया।

1 पतरस 1:6

इन्हा सारी होर एस वजहा ले तुस्से खुस हुंहाँ ऐं, जेब्की ऐबे तुस्सा जो थोह्ड़े टैमा रे कठे कई किस्मा री परेसानिया मन्झ पई किन्हें दुःख उठाणा जरूरी आ।

1 पतरस 2:7

इधी कठे तुस्से जे मसीह यीसू पर विस्वास करहे ये विस्वासी लोका रे कठे कीमती पात्थर आ। पर विस्वास नी करणे वाले लोका रे कठे पवित्र सास्त्रा मन्झ लिखिरा कि, “से पात्थर जेस जो राज मिस्त्रिये बेकार जाणेया था सेई पात्थर कोणे रा पात्थर बणी गया।”

1 पतरस 5:4

होर जेबे प्रधान रखवाला यानि यीसू मसीह दबारा वापस आऊंणा, ता तुस्सा जो एक बांका ताज देणा, जेसरी तेज महिमा कधी भी खत्म नी हूणीं।