1 पतरस 1:7 - मंडयाली नंऊँआं नियम

⁷ होर ये परेसानिया इधी कठे हुंहाँ ताकि ये जाहिर हो की तुस्सा रा विस्वास परमेसरा पर हाया की नी। मसीह पर तुस्सा रा विस्वास आगा मन्झ परखिरे सुद्ध कितिरे सोने ले भी ज्यादा कीमती आ। जिहां नास हूंणे वाल़ा सोना भी आगी किन्हें परखी जाहाँ, होर इंहां ही अगर तुस्सा रा विस्वास भी परेसानिया रे बीचा मन्झ मजबूत निकले, ता जेबे यीसू मसीहा दबारा वापस आऊंणा, तेस ध्याड़े तुस्सा जो भी बड़ाई, होर महिमा होर आदर मिलणा।

1 पतरस 1:7 Iomraidhean Croise

मत्ती 19:28

यीसूए चेले किन्हें बोल्या, “हांऊँ तुस्सा किन्हें सच्च बोल्हा कि, नौंईं सृस्टी मन्झ जेबे मां माह्णुं रे मह्ठे आपणी महिमा री राजगद्दी पर बैठणा, ता तुस्सा भी जो मेरे चेले बणिरे, तुस्सा बारा राजगद्दी पर बैठी किन्हें इस्राएल देसा रे बारा गोत्रा रा न्याय करणा।

मत्ती 25:21

तेसरे माल्के तेस किन्हें बोल्या, ‘बौह्त बढ़िया, हे खरे होर भरोसे रे लायक नौकर, तू थोह्ड़े लेण देण संभाल्ने मन्झ भरोसे रे लायक रैहया, मां तुजो बौह्त सारी चीजा री जिम्मेदारिया देणी, आऊ मेरी खुसी मन्झ साझी बण।’

मत्ती 25:23

तेसरे माल्के तेस किन्हें बोल्या, ‘हे खरे होर भरोसे रे लायक नौकर, तू थोह्ड़े लेण देण संभाल्ने मन्झ भरोसे रे लायक रैहया, मां तुजो बौह्त सारी चीजा री जिम्मेदारिया देणी, आऊ मेरी खुसी मन्झ साझी बण।’

लूका 12:33

आपणी जायदाद बेची किन्हें दान करी देआ; होर आपणे कठे एह्ड़े बटुये बनाऊआ, जेह्ड़े पुराणे नी हूंदे, यानि आपणे खरे कामा किन्हें स्वर्गा मन्झ धन कठा करा जो घटदा नी आ होर जेसरे नेडे ना ता चोर जांदा, होर ना ता तेस जो कीड़ा लगदा।

लूका 17:30

हांऊँ माह्णुं रे मह्ठे रे जाहिर हूंणे रे टैमा भी लोका त्यार हुई किन्हें नी रैंह्णां।”

यहून्ना 12:26

अगर जो कोई मेरी सेऊआ करणा चाहां, ता से आई किन्हें मेरा चेला बणे; होर जेथी हांऊँ आ तेथी मेरा सेऊआ करणे वाल़ा भी हूंणां। अगर कोई मेरी सेऊआ करघा, ता बापू तेसरी इज्जत करणी।”

यहून्ना 5:44

तुस्से मेरे पर विस्वास नी करी सकदे? क्यूंकि तुस्से जे एक दूजे ले इज्जत चाहें, होर तेस्सा इज्जता रे बारे मन्झ सोच्दे भी नी जो परमेसरा री तरफा ले आहूँआं ईं।”

चुणिरे चेले रे काम 8:20

पतरसे तेस किन्हें बोल्या, “तेरे ढब्बे तेरे साउगी नास हो, क्यूंकि तैं परमेसरा रा दान ढब्बे किन्हें मुले लैणे रा विचार कितेया।

रोमियो 2:10

होर जो खरे काम करहा तेस जो महिमा होर आदरा होर सांति मिलणी, पर परमेसरा इन्हा गल्ला जो पैहले यहूदी लोका जो फेरी गैर-यहूदी लोका जो देणी।

रोमियो 2:29

पर सच्चा यहूदी लोक सेई आ, जिन्हारा मन परमेसरा रे साम्हणें सच्चा आ; होर सच्चा खतना सेई आ, जो पवित्र आत्मा रे कामा रे ज्रीए दिला रा खतना हुआ। ना कि मूसा री व्यवस्था जो मनणे रे ज्रीए हुईरा। एह्ड़े लोका री बड़ाई माह्णुं नी पर परमेसर आपु करहा।

रोमियो 2:7

जो लोक खरे कामा जो करदे हुए परमेसरा री वखा ले मिलणे वाली महिमा, आदर होर कधी ना खत्म हूंणे वाली जिन्दगी री तोपा मन्झ रैंहयां ऐं, परमेसरा तिन्हा सभी जो अनंत जिन्दगी देणी।

रोमियो 8:19

क्यूंकि सारी रचिरी चीजा बड़ी आसा ले तेस ध्याड़े रा इंतजार करेया करहा ई, जेबे परमेसरा ये जाहिर करी देणा कि तेसरे सच्चे बच्चे कुणहें?

1 कुरिन्थियो 3:13

पर न्याय रे ध्याड़े आगिया हर केसी रे काम जाहिर करणे कि केसरे काम खरे थे होर केसरे काम बुरे थे; होर आगिया दसणा कि तेस माह्णुं रे कामा री कोई कीमत हाई की नी।

1 कुरिन्थियो 4:5

इधी कठे आस्सा रे प्रभु रे वापस आऊणें रे ध्याड़े तक कोई केसी रा न्याय नी करहे; क्यूंकि परमेसरा ही लोका रे मना रे मन्झ लुख्ही रे सारे विचार जाहिर करणे जिन्हों कोई नी जाणदा। होर माह्णुंआं रे मना रे विचार जाहिर करणे, होर तेबे परमेसरा हर एक माह्णुं री बड़ाई करणी।

याकूब 1:12

धन्य आ से आदमी, जो परखणी मन्झ मजबूत रैंहयां; क्यूंकि तेस तेस्सा परखणी जो पार करी किन्हें अनंत जिन्दगी रा से मुकट पाणा, जेसरा देणे रा वादा परमेसरे तिन्हा कठे कितिरा, जेह्ड़े परमेसरा किन्हें प्यार करहे।

1 पतरस 1:13

एस वजहा ले आपणा-आपणा मन त्यार करा, जिहां लोक आपणी कमर कस्सी किन्हें काम करणे रे कठे त्यार हुंहाँ ऐं। चतन्न रहूआ की तुस्से क्या सोच्हे होर एह्ड़ा करणे ले तुस्से आपणे जिन्दगी एस आसा किन्हें जीये कि जेस ध्याड़े प्रभु यीसू मसीहा स्वर्गा ले वापस आऊंणा, तेस ध्याड़े परमेसरा तुस्सा जो आपणे अनुग्रहा रे ज्रीए उद्धारा रा दान देणा।

1 पतरस 1:5

परमेसरा आपणी सामर्था ले तुस्सा री हिफाजत करहा, क्यूंकि तुस्से मसीह यीसू पर भरोसा रखे, होर मसीह रे वापस आऊणें रे आखरी ध्याड़े तक तेस तुस्सा री हिफाजत करदे रैहणा। तेबे तुस्सा जाणी लेणा कि परमेसरे तुस्से पाप होर मौता दुहीं ले पूरी तरहा बचाई लितिरे।

1 पतरस 2:4

तुस्से यीसू मसीह रे वाले आईरे, जो जिउंदा पात्थर आ। तेस जो संसारा रे माह्णुंऐ बेकार समझी किन्हें काढी दितेया, पर परमेसरे तेस जो कोणे रा पात्थर करी किन्हें चुणी लितेया, क्यूंकि से तेसरी नजरा मन्झ कीमती आ।

1 पतरस 2:7

इधी कठे तुस्से जे मसीह यीसू पर विस्वास करहे ये विस्वासी लोका रे कठे कीमती पात्थर आ। पर विस्वास नी करणे वाले लोका रे कठे पवित्र सास्त्रा मन्झ लिखिरा कि, “से पात्थर जेस जो राज मिस्त्रिये बेकार जाणेया था सेई पात्थर कोणे रा पात्थर बणी गया।”

1 पतरस 4:12

हे लाडले भाईयो होर बैहणो, तुस्से इन्हा दुःख भरी गल्ला ले हरान नी हो जो तुस्से मसीह रे। पर ये इधी कठे हुई ताकि ये जाहिर हो कि तुस्से परमेसरा पर सच्चे विस्वास करहे की नी, इधी कठे एह्ड़ा मत सोच्हा कि कोई नौखी गल तुस्सा पर हुएया करहा ई।

1 पतरस 4:13

पर जिहां-जिहां तुस्से मसीह रे दुःखा मन्झ साझी हुंहाँ ऐं, खुसी मनाऊआ। एस वजहा ले जेबे मसीहा लोका पर आपणी महिमा जाहिर करदे आऊंणा, तेबे तुस्सा बौह्त ज्यादा खुस हूंणा।

1 पतरस 5:1

एक होर गल ई जो हांऊँ तुस्सा लोका किन्हें यानि कलीसिया रे अगुवे किन्हें बोलणा चाहां, क्यूंकि हांऊँ भी तिन्हा साहीं एक कलीसिया रा अगुवा। मैं आपु स्यों दुःख देखिरे जो मसीहे बौह्त पैहले काटीरे। जेबे तेस दबारा वापस आऊंणा मां तेसरी महिमा रा भी साझीदार बणना। तुस्सा साहीं अगुवा हूंणे रे नाते हांऊँ तुस्सा किन्हें अर्ज करहा,

2 पतरस 1:1

हांऊँ समौन पतरस तुस्सा रे कठे ये चिठ्ठी लिखी करहा। हांऊँ यीसू मसीह रा सेऊआदार होर चुणिरा चेला आ। हांऊँ ये चिठ्ठी तुस्सा सभी रे कठे लिखी करहा, जो आस्सा साहीं तेस कीमती विस्वास रा साझा करहे, जो आस्सा जो आस्सा रे परमेसर होर उद्धारकर्ता यीसू मसीहे दितिरा। से आस्सो परमेसरा री नजरा मन्झ धर्मी बणा।

2 पतरस 1:4

होर तेसरी खराई होर महिमा री वजहा ले तिन्हें आस्सा किन्हें महान होर कीमती वादे कितिरे। इन्हा वादे रे ज्रीए आस्से एस संसारा मन्झ जो बुरी इच्छा ई तेता ले बची सके, जो लोका रा नास करही। होर आस्से परमेसरा रे आपणे स्वभाव मन्झ साझी हुई जाये।

2 पतरस 3:14

इधी कठे, हे लाडले भाईयो होर बैहणो, जेबे तुस्से तेस ध्याड़े रा इंतजार करहे जेबे परमेसरा संसारा रा न्याय करणा, ता पूरी कोसिस करा कि आपणे आपा जो बेदाग होर बेकसूर होर तेसरे साउगी सांति मन्झ रखी पाओ।

यहूदा 1:24

एक ही परमेसर आ जो तुस्सा जो पऊणे ले बचाई सक्हा, होर जेबे तेस आपणी महिमा मन्झ तुस्से आपणे साम्हणें लेई आऊणें, तेबे से तुस्सा जो मगन होर बेकसूर रखी सक्हा। तिन्हें आस्सा रे, प्रभु यीसू मसीह रे ज्रीए आस्से बचाई लितिरे। सनातन काल ले लेई किन्हें महिमा, बड़ाई, होर गौरव, तेसरा था होर ऐबे भी तेसरा, होर जुग-जुग तेसरा ही रेहणा। आमीन।

प्रकासना री गल्ला 1:7

सुणा, से बादला साउगी आऊणें वाल़ा आ। होर हर एकी माह्णुं से देखणा, बल्की जिन्हें जे से क्रूसा प्रयाल्हे भाले किन्हें कोती किन्हें मारी दितिरा था, तिन्हा भी से वापस आऊंदे हुए देखणा। होर धरती रे सारी जातिया रे लोका से देखणा, ता तिन्हा छाती पिटी-पिटी किन्हें रोणा। हां ये गल्ला पक्का हूणीं! आमीन।

प्रकासना री गल्ला 2:10

जो दुःख तुध सैहणे, तिन्हा ले मत डर। सैताना तुस्सा मन्झा ले लोका जो पकड़ाई किन्हें जेल्हा मन्झ पाणे, ताकि तुस्से परखे जाओ; होर तुस्सा जो दस ध्याड़े तक क्लेस उठाणा पऊणा। प्राण देणे तक मेरे पर विस्वास करदा रैह, तेबे मां तुजो जीता रे इनाम मन्झ अनंत जिन्दगी देणी, जो ताजा साहीं ई।

प्रकासना री गल्ला 3:10

जेबे तुस्से दुखी थे ता तेता जो सबरा साउगी सहन करणे रे कठे तुस्से मेरी गल्ला जो मन्नेया, होर एस वजहा ले मां भी तू परीक्सा रे टैमा बचाई रखणा। ये परखणी रा टैम सभ संसारा रे लोका पर आऊंणा।

प्रकासना री गल्ला 3:18

इधी कठे हांऊँ तुजो सलाह देहां कि, आगी मन्झ तपाईरा सोना मेरे ले खरीदी ले, ताकि तू सच्चे अमीर हुई जाए। होर चिटे कपड़े लई ले पैन्ही ले, ताकि आपणे नांगेपना री वजहा ले तू लोका रे साम्हणें सर्मिन्दा नी हो। होर आपणी हाखी मन्झ लगाणे रे कठे मेरे ले ये लेप भी लेई ले, ताकि तू देखी सके।