1 पतरस 1:6 - मंडयाली नंऊँआं नियम

⁶ इन्हा सारी होर एस वजहा ले तुस्से खुस हुंहाँ ऐं, जेब्की ऐबे तुस्सा जो थोह्ड़े टैमा रे कठे कई किस्मा री परेसानिया मन्झ पई किन्हें दुःख उठाणा जरूरी आ।

1 पतरस 1:6 Iomraidhean Croise

मत्ती 11:28

हे सभ मैहनत करणे वाल़ेओ होर बोझा किन्हें दभीरे लोको, मेरे वाले आऊआ; मां तुस्सा जो अराम देणा।

मत्ती 26:37

होर से पतरस होर जब्दी रे दुंहें मह्ठे जो आपणे साउगी लई गया, होर दुआस होर परेसान हुँदा लग्या।

मत्ती 5:12

तेबे खुस होर मगन हुएया, क्यूंकि तुस्सा रे कठे स्वर्गा मन्झ बौह्त बडा इनाम रखिरा, इधी कठे कि जो तुस्सा ले पुराणे ज्माने रे नबी थे तिन्हें स्यों भी इंहां करी किन्हें, स्ताईरे थे।

लूका 1:47

होर हांऊँ मेरे उद्धार करणे वाले परमेसरा री वजहा ले खुस ई।

लूका 10:20

फेरी भी इधी कठे खुस मत हुआ कि दुस्टात्मा तुस्सा री गल्ला मना ई, पर एता ले खुस हुआ कि तुस्सा रे नांऊँ स्वर्गा मन्झ लिखिरे।”

लूका 2:10

तेबे स्वर्गदूते तिन्हा किन्हें बोल्या, “मत डरा; क्यूंकि देखा हांऊँ बड़ी खुसी री खबर सुणाहां; जो सभ लोका रे कठे खुसी री गल हूणीं।

यहून्ना 16:22

इंहां करी किन्हें तुस्सा जो भी ऐबे दुःख हुंहाँ, पर मां तुस्सा किन्हें फेरी दबारा मिलणा होर तुस्सा रे मना मन्झ खुसी हूणीं; होर तुस्सा री खुसी तुस्सा ले केसी नी छुड़ाणी।

यहून्ना 16:33

मैं ये गल्ला तुस्सा किन्हें इधी कठे बोली, ताकि तुस्सा जो मेरे मन्झ सांति मिलो; संसारा मन्झ तुस्सा जो कलेस हुंहाँ, पर हिम्मत करहा! मैं संसार जीती लईरा।”

चुणिरे चेले रे काम 14:22

होर हर गांऊँआं रे चेले रे मना जो मजबूत करदे रैहे होर ये उपदेस देंदे रैहे कि, “आस्सा जो बडे दुःख सही किन्हें परमेसरा रे राजा मन्झ दाखल करणा पऊणा।”

रोमियो 12:12

खुस रैहया क्यूंकि तुस्सा वाले बौह्त बड़ी आस ई; दुःखा मन्झ सबर रखा; प्रार्थना मन्झ लगातार लगी रैहया।

रोमियो 5:11

होर सिर्फ येई नी, ऐबे ता प्रभु यीसू मसीह रे ज्रीए आस्सा रा परमेसरा किन्हें मेल मिलाप हुई गया, इधी कठे आस्से परमेसरा मन्झ खुस ऐं।

रोमियो 5:2

आस्सा रे विस्वास करणे रे ज्रीए मसीहे आस्सा पर अनुग्रह कितेया, जेसरे ज्रीए आस्से टिकीरे, होर आस्से हिम्मत होर खुसी साउगी परमेसरा री महिमा जो बांडणे रे कठे उत्सुक ऐं।

2 कुरिन्थियो 4:17

क्यूंकि आस्सा री ऐबे री ये परेसानिया बौह्त छोटी होर स्यों लम्बे टैमा तक नी टिकणी। पर इन्हा परेसानिया री वजहा ले आस्सो जुग-जुग री महिमा मिलणी, जो तिन्हा सब चीज़ा ले बढ़ी किन्हें ई, जेसरे बारे मन्झ समझाणा नामुमकिन आ।

2 कुरिन्थियो 6:10

पर आस्से हमेसा दुखा रे टैमा भी खुसी म्नांहें। हलांकि आस्से आपु ता गरीब ऐं, पर कईया जो आत्मिक रूपा ले अमीर बणाई दितिरा। होर आस्सा वाले आपणा कुछ नी हाया, पर फेरी भी सब कुछ आस्सा रा आपणा। होर येही गल्ला जाहिर करही कि आस्से परमेसरा से सेऊआदार ऐं।

गलातियो 5:22

पर परमेसर रा आत्मा आस्सो जो गुण देहां से यूयाँ ऐं, प्यार, खुसी, सांति, सबर,

फिलिप्पियो 2:26

क्यूंकि तेस जो तुस्सा सभी किन्हें मिलणे रा बड़ा मन आ। से बेचैन हुईरा क्यूंकि तुस्सा लोका जो तेसरे ब्मार हूंणे रा पता लगी गईरा।

फिलिप्पियो 3:3

क्यूंकि हकिकता मन्झ परमेसरा रे लोक आस्से ई ऐं, जो पवित्र आत्मा रे ज्रीए अराधना करहा ऐं, होर मसीह यीसू साउगी गहरी संगती रखणे मन्झ बडयाई करहा ऐं, होर आस्से आपणे कितिरे भले कामा पर भरोसा नी रख्दे।

फिलिप्पियो 4:4

प्रभु मन्झ हमेसा खुस रैहया; हांऊँ दबारा बोल्हा, खुस रैहया।

1 थिस्सलुनकियो 1:6

होर तुस्से बड़े दुःखा रे बीचा मन्झ भी पवित्र आत्मा रे ज्रीए मिलणे वाली खुसी साउगी खुसी री खबर ग्रैहण कितेया। होर तुस्से आस्सा रा होर आस्सा रे प्रभु यीसू मसीह साहीं जिन्दगी जींदे लगे।

याकूब 1:2

हे भाईयो होर बैहणो, जेबे तुस्से कई किस्मा री परीक्सा मन्झ पई जाओ,

याकूब 1:9

जो विस्वासी भाई बैहण गरीब ऐं, तिन्हा जो खुस हूंणां चहिए कि परमेसर तिन्हारी इज्जत करहा।

याकूब 4:9

दुःखी हुई जाऊआ क्यूंकि तुस्से पाप कितिरा, होर मातम मणाऊआ होर रोआ, तुस्सा री हासी मातमा मन्झ होर तुस्सा री खुसी दुआसी मन्झ बदली जाए।

1 पतरस 3:17

क्यूंकि अगर परमेसरा री इच्छा आस्सा रे कठे येई, ता खरी गल येई कि आस्से भले काम करणे री वजहा ले दुःख सहन करहे, ना की बुरे काम करी करणे री वजहा ले।

1 पतरस 4:7

सभ गल्ला रा अंत जल्दी हूंणे वाल़ा आ; इधी कठे चतन्न रही किन्हें आपु पर काबू रखा होर प्रार्थना रे कठे त्यार रहा।

1 पतरस 5:10

होर ऐबे परमेसर जो अनुग्रहा ले भरिरा आ, होर जिन्हें यीसू मसीह साउगी जुड़े रैहणे री वजहा ले आस्सा जो स्वर्गा मन्झ आपणी अनंत महिमा मन्झ साझी हूंणे रे कठे सादीरा, तुस्सा रे थोह्ड़ी देरा तक दुःख उठाणे ले बाद तेस आपु ई तुस्से खरे बनाणे, ताकि तुस्सा मन्झ कोई गलती नी हो होर तेस तुस्सा रे दिल मजबूत करणे, होर तेस तुस्से सामर्थी बणाई देणे ताकि तुस्सा रा विस्वास कमजोर नी हो।