1 पतरस 1:4 - मंडयाली नंऊँआं नियम

⁴ आस्से तेस विरासता जो पाणे रे कठे देखी करहे, जो परमेसर आपणे लोका रे सम्भाली किन्हें रखिरी। परमेसरे युयां आसिसा स्वर्गा मन्झ रखिरी, जेथी स्यों ना सड़दी ना खराब हुन्दी होर ना ही लुप्त हुन्दी।

1 पतरस 1:4 Iomraidhean Croise

मत्ती 25:34

तेबे मां राजे आपणी ओरली वखा वाली किन्हें बोलणा, हे मेरे बापू रे धन्य लोको, आऊआ, तेस राज्या रे अधिकारी हुई जाऊआ, जो संसारा री सुर्हूआता ले तुस्सा रे कठे त्यार कितिरा।

मरकुस 10:17

जेबे यीसूए आपणे चेले साउगी यरुस्लेम वखा जो जाणे रे कठे आपणा सफर सुर्हू कितेया, ता एक माह्णुं तेस वाले दौड़ी किन्हें आया, होर तेसरे अगे घुटणे टेकी किन्हें तेस ले पूछेया? “हे खरे गुरु, अनंत जिन्दगी पाणे रे कठे हांऊँ क्या करूं?”

चुणिरे चेले रे काम 20:32

“होर ऐबे हांऊँ तुस्सा जो; परमेसर, होर तेसरे अनुग्रहा रे बचना जो सौंपी देहां; जो तुस्सा रे विस्वासा री बढ़ौतरी करी सक्हा, होर से तुस्सा जो विरासत देई सक्हा, जो तिन्हें आपणे पवित्र कितरे लोका साउगी देणे रा बादा कितिरा।”

चुणिरे चेले रे काम 26:18

कि तू तिन्हारी हाखिया खोल्हे, ताकि स्यों नह्यारे ले प्रयासे वखा जो, होर सैताना रे हका ले परमेसरा वखा जो फिरे; ताकि परमेसर तिन्हारे पापा री माफ करहे, होर तिन्हा लोका साउगी विरासत पाए, जेह्ड़े मेरे पर विस्वास करणे ले पवित्र हुई चुकिरे।’”

रोमियो 8:17

होर अगर आस्से बच्चे ऐं, ता वारिस भी ऐं, होर परमेसरा रे वारिस होर मसीह रे संगी वारिस ऐं। अगर आस्से मसीह साहीं दुःख सहन करहे ता तेस साउगी आस्से तेसरी महिमा मन्झ भी साझी हुयें।

1 कुरिन्थियो 9:25

जो लोक दौड़ मन्झ दौड़ना चाहें स्यों पैहले एता री त्यारी करहे, होर हर तरहा रा सबर करहा ऐं, स्यों एह्ड़ा जीतणे रे कठे होर इज्जत पाणे रे कठे करहे। तिन्हारी इज्जत पातरा रे बणिरे मुक्टा किन्हें करी जाहीं, जो जल्दी सुक्की जाहें। पर आस्से जो यीसू मसीह मन्झ विस्वास करहे, आस्सा री भी इज्जत हूणीं, होर आस्सो एह्ड़ी आसीस मिलणी; जो जुग-जुग रे कठे बणी रैहणी। होर इधी कठे आस्सो होर भी सबर रखणा चहिए।

गलातियो 3:18

अगर परमेसर लोका जो मूसा री व्यवस्था जो मनणे ले आसीस देंदा ता से वादेया जो टाही देंदा, पर परमेसरे बड़े अनुग्रहा ले अब्राहमा जो आसीस दिती, क्यूंकि परमेसरे पैहले ले ही एह्ड़ा करणे रा वादा तेस किन्हें कितिरा था।

इफिसियो 1:11

मसीह साउगी एक करी किन्हें, परमेसरे आस्सा यहूदी लोका जो भी आपणे लोक हूंणे रे कठे चुणी लितेया, क्यूंकि सुर्हू ले तेसरी ये ही योजना थी। से सब कुछ आपणी इच्छा ले होर खरे मकसदा रे कठे करहा।

इफिसियो 1:14

पवित्र आत्मा एस गल्ला रा साई कि परमेसरा आस्सा जो विरासत देणी, जेसरा देणे रा वादा तिन्हें आस्सा किन्हें कितिरा। ये तेबे हूंणा जेबे परमेसरे आस्सा जो, जो तेसरे आपणे लोक ऐं, पूरी तरहा ले छुटकारा देंगा। एता री वजहा ले लोका तेसरी महिमा होर बड़ाई करणी।

इफिसियो 1:18

हांऊँ ये भी प्रार्थना करहा कि परमेसर तुस्सा रे मना जो खोली दे, ताकि तुस्से इन्हा सच्चाई जो जाणी सको कि परमेसरे तुस्सा जो जेह्ड़ी आसा दितिरी से क्या ई, जेबे तिन्हें तुस्से सादिरे थे; होर से महान होर महिमामय आसीसे क्या ई जो परमेसरे आपणे पवित्र लोका जो देणे रा वादा कितिरा।

कुलुस्सियो 1:12

होर बापू परमेसरा रा धन्यावाद करदे रहा, जिन्हें तुस्से एस लायक बणाए कि, तेस विरासता रे साझीदार हो, जो परमेसरे आपणे पवित्र लोका जो प्रयासे रे राज्य मन्झ देणे रे कठे त्यार कितिरा।

कुलुस्सियो 1:5

तुस्सा रा ये प्यार होर विस्वास तेस आसा री वजहा ले आ, जो तुस्सा रे कठे स्वर्गा मन्झ रखिरा। तुस्से एस आसा रे बारे मन्झ पैहली बारी तेबे सुणेया जेबे तुस्से खुसी री खबरा री सच्चाई पर विस्वास कितिरा था।

कुलुस्सियो 3:24

क्यूंकि तुस्से जाणहां ऐं कि जो आसीस प्रभुए आपणे सभ लोका रे कठे रखिरी तेस मन्झ ले तुस्सा री जो विरासत ई से तुस्सा जो देणी; क्यूंकि तुस्से प्रभु मसीह री सेऊआ करहा ऐं, जो तुस्सा रा माल्क आ।

2 तिमिथियुस 4:8

प्रभुआ मुंजो से ताज देणा जो धार्मिकता रा ताज आ। से जो धर्मा किन्हें न्याय करहा, जेस ध्याड़े तेस दबारा वापस आऊंणा मुंजो ये इनाम देणा। तेस सिर्फ मुंजो ई नी, बल्की तिन्हा सभी जो भी देणा, जो सच्चे चाहे कि से दबारा वापस आई जाये।

इब्रानियो 10:34

तुस्से कैदिया रे दुःखा मन्झ दु:खी हुए। होर जेबे होरी लोके तुस्सा रा सारा धन लुटेया, तेबे तुस्से इन्हा गल्ला जो खुसी किन्हें सहेया। क्यूंकि तुस्से जाणांहे थे कि तेता ले भी बांकी चीजा तुस्सा जो मिलणी जो जुग-जुग रे कठे ई।

इब्रानियो 9:15

इधी कठे मसीह परमेसर होर लोका रे बीचा नौंईं वाचा रा बिचौलिया बणेया। ताकि चुणिरे लोक हमेसा री विरासत पाए, जेस जो देणे रे वादा परमेसरे तिन्हा किन्हें कितिरा था। क्यूंकि पैहली वाचा रे अधीन रैहन्दे हुए लोके जितने पाप कितिरे थे, तिन्हो तेता री सजा ले छुड़ाणे रे कठे यीसुए आपणे प्राण देई दिते।

याकूब 1:11

सूरज निकल्दे ई धूपा लग्हा होर घाहा जो सुकाई देहां, होर तेसरे फूल झड़ी जाहें, होर तेसरी सान चली जाहीं, तिहां ई अमीर भाई भी जो आपणे कामा जो करदे-करदे माटे मन्झ मिली जाणा।

1 पतरस 3:9

बुराई रे बदले बुराई मत करा; होर ना गाली रे बदले गाली देआ; पर आसरीवाद ई देआ; क्यूंकि परमेसरे तुस्से इधी कठे सादिरे ताकि तुस्से दूजेया जो आसीस दो, होर अगर तुस्से एह्ड़ा करहे ता परमेसरा भी तुस्सा जो आसीस देणी।

1 पतरस 5:4

होर जेबे प्रधान रखवाला यानि यीसू मसीह दबारा वापस आऊंणा, ता तुस्सा जो एक बांका ताज देणा, जेसरी तेज महिमा कधी भी खत्म नी हूणीं।

प्रकासना री गल्ला 21:27

होर तेस सैहरा मन्झ कोई असुद्ध चीज या दुस्ट काम करणे वाल़ा, या झूठ बोलणे वाल़ा, तेस मन्झ दाखल नी हुई पाणा। पर सिर्फ तिन्हा लोका ही दाखल हूंणा, जिन्हारा नांऊँ छेलू री जिन्दगी री कताबा मन्झ लिखिरे।