1 पतरस 1:3 - मंडयाली नंऊँआं नियम

³ आस्सा रे प्रभु मसीह यीसू रे बापू होर परमेसर धन्यावाद हो, जिन्हें आपणी बड़ी दया ले आस्सा जो नौंईं जिन्दगी दिती। क्यूंकि परमेसरे यीसू मसीह जो मरिरे मन्झा ले जिउंदा कितिरा, आस्से आपणी जिन्दगी बड़ी आसा किन्हें जी सके यानि आस्से पूरी उम्मीद रखी सके की जो वादा तिन्हें आस्सा किन्हें कितिरा से तेस पूरा करणा।

1 पतरस 1:3 Iomraidhean Croise

यहून्ना 1:13

स्यों ना ता आपणे माऊ-बापू ले, ना सरीरा री इच्छा ले, ना लोका रे बच्चे जम्मणे री इच्छा ले, पर परमेसरा री इच्छा ले जम्मे।

रोमियो 12:12

खुस रैहया क्यूंकि तुस्सा वाले बौह्त बड़ी आस ई; दुःखा मन्झ सबर रखा; प्रार्थना मन्झ लगातार लगी रैहया।

रोमियो 15:13

हांऊँ प्रार्थना करहा कि परमेसर जो तुस्सा जो आस देआ, से तुस्सा जो तेस पर विस्वास करणे रे कारण आपणी बड़ी खुसी होर सांति किन्हें भरे, ताकि पवित्र आत्मा री सामर्था ले तुस्सा री आस होर भी बढ़दी जाए।

रोमियो 4:25

मसीह यीसू आस्सा रे पापा रे कठे पकड़वाया होर मारेया गया, होर परमेसरे से दबारा जिउंदा भी कितेया, ताकि आस्से परमेसरा री नजरा मन्झ धर्मी माह्णुं बणी सके।

रोमियो 5:10

क्यूंकि जेबे आस्से परमेसरा रे बरखलाप थे ता तेसरे मह्ठे री मौता रे ज्रीए आस्सा रा मेल मिलाप परमेसरा साउगी कुराया गया। जेबे कि मसीह ऐबे जिउंदा ये पक्की गल कि तेस आस्सा रा उद्धार करणा।

रोमियो 8:11

होर अगर परमेसरा री आत्मा जिन्हें यीसू जो मरिरे मन्झा ले जिउंदा कितेया तुस्सा मन्झ वास करहा। जेस परमेसरे मसीहा जो मरिरे मन्झ जिउंदा कितेया तेस आपणी आत्मा रे ज्रीए जो तुस्सा मन्झ वास करही, तुस्सा रे मरणे वाले सरीरा जो भी जिउंदा करणा।

रोमियो 8:24

ऐबे परमेसरे आस्सा रा उद्धार कितिरा इधी कठे आस्सा वाले ये आसा ई। पर अगर आस्सा वाले पैहले ले कोई चीज हाई जेसरी आस्से आस रखिरी, ता फेरी आगे जो तेता जो पाणे री आस रखणे री जरूरत नी। क्यूंकि जेस चीजा जो कोई देख्या करहा तेता जो पाणे री आस क्या करणी?

1 कुरिन्थियो 13:13

इधी कठे ऐबे आस्से इन्हा तीन गल्ला जो करे: परमेसरा पर विस्वास रखा, परमेसरा रे वादे पर आस रखा, एक दूजे किन्हें प्यार रखा। पर इन्हा तीन गल्ला मन्झ सभी ले बडी गल येई कि दूजे किन्हें प्यार करहा।

1 कुरिन्थियो 15:20

पर सच्चाई येई कि परमेसरे मसीह जो मरिरे मन्झा ले जिउंदा कितिरा, होर से एस्सा गल्ला रा सबूत आ कि तेस स्यों सभ भी जिउंदे करणे जो मरी गईरे।

2 कुरिन्थियो 1:3

आस्सा रे प्रभु यीसू मसीह रा बापू, होर परमेसरा री बड़ाई हो, जो आस्सा पर दया करणे वाल़ा बापू, होर जो हमेसा आस्सो तस्सली देणे वाल़ा परमेसर आ।

गलातियो 6:16

जितने लोक एस नियमा जो मन्हें यानि परमेसरा रे सच्चे इस्राएल देसा रे लोक ऐे, परमेसरा तिन्हा सभी जो आपणी सांति देंदा रहे होर तिन्हा पर आपणी दया करदा रहे।

इफिसियो 1:17

हांऊँ प्रार्थना करहा कि परमेसर, आस्सा रे प्रभु यीसू मसीह रा महिमामय बापू, तुस्सा पर जो आत्मिक ज्ञान होर समझ दे, ताकि तुस्से पूरी तरहा ये जाणी लो परमेसर कुणहां।

इफिसियो 1:3

आस्सा रे प्रभु यीसू मसीह रा बापू, होर परमेसरा री बड़ाई हो। परमेसरे आस्सो स्वर्गा ले हर तरहा री आत्मिक आसीसा दितिरी, क्यूंकि आस्से मसीह साउगी एक ऐं।

इफिसियो 1:7

यीसू रे मरणे रे ज्रीए परमेसरे आस्सा जो छुटकारा दितेया, यानि आस्सा रे पाप माफ करी दिते। परमेसरे आस्सो बौह्त ज्यादा अनुग्रह दितिरा, जो कितना महान आ। परमेसरे आपणे बौह्त ज्यादा ज्ञान होर समझ रे मताबक

इफिसियो 2:4

पर परमेसरे जो बौह्त ज्यादा दयावान आ; तिन्हें आपणे तेस बड़े प्यारा रे कारण आस्सा किन्हें प्यार कितेया।

इफिसियो 3:20

आस्सा रे मांगणे ले या आस्सा रे सोचणे ले ज्यादा बड़ी गल्ला जो परमेसर करी सक्हा, क्यूंकि तेसरी सामर्थ आस्सा मन्झ काम करही।

कुलुस्सियो 1:23

पर तुस्से मसीह रे विस्वासा री नींऊँआं पर मजबूत बणी रहो। तेस आसा नी छाडो जो तुस्सा जो खुसी री खबरा सुणने पर मिलिरी, जेसरा प्रचार सारे संसारा रे लोका रे कठे पुरे संसारा मन्झ कितिरा। होर हांऊँ पौलुस एस खुसी री खबरा जो सुणाणे रा सेऊआदार बणेया।

कुलुस्सियो 1:27

क्यूंकि परमेसर चाहां था कि तेसरे लोक ये जाणी ले कि मसीह रे धन होर महिमा तुस्सा गैर-यहूदी लोका रे कठे भी हाई। होर लुख्ही री गल येई कि मसीह तुस्सा मन्झ वास करहा। होर एता ले आस्सो येह हिम्मत मिली कि आस्सा तेसरी महिमा रे साझीदार हूंणा।

1 थिस्सलुनकियो 1:3

होर जेबे आस्से आपणे बापू परमेसरा किन्हें प्रार्थना करहा ऐं, तुस्सा रे कामा रे कठे जो विस्वासा री वजहा ले तुस्से करहा ऐं, होर दूजेया किन्हें प्यार करणे रे कठे जो मैहनत करहा ऐं, होर आस्सा रे प्रभु यीसू मसीह मन्झ उम्मीद रखणे रे वजहा ले जो धीरज पैदा हुंहाँ, तिन्हा गल्ला जो आस्से हमेसा याद करहा ऐं।

1 थिस्सलुनकियो 4:13

हे भाईयो होर बैहणो, आस्से चाहें कि, तुस्से जाणी लो कि तिन्हा मरिरे विस्वासी लोका साउगी क्या हूंणा। एह्ड़ा नी हो कि, तुस्से अविस्वासी लोका साहीं दुःखी हो, जिन्हों ये आसा नी हुन्दी कि परमेसर तिन्हारे मरणे रे बाद तिन्हो जिउंदा करी सक्हा।

2 थिस्सलुनकियो 2:16

आस्से आपणे प्रभु यीसू मसीह ले होर बापू परमेसरा ले प्रार्थना करहे, जो आस्सा किन्हें प्यार करहा; होर जिन्हें आपणे अनुग्रहा ले आस्सो हमेसा होंसला दितेया, होर मजबूत आस दितीरी।

1 तिमिथियुस 1:14

आस्सा रे प्रभुए हमेसा मेरे पर बौह्त ज्यादा अनुग्रह कितेया। होर मसीह यीसू साउगी एक हूंणे री वजहा ले तिन्हें मुंजो विस्वास होर प्यार दितेया।

तितुस 2:13

आस्से एह्ड़ा ही करदे रहे जेबे कि आस्से आपणे म्हान परमेसर होर उद्धारकर्ता यीसू मसीह जो आपणी महिमा साउगी एस संसारा मन्झ वापस आऊणें री आस करदे लगिरे।

इब्रानियो 3:6

पर मसीह एक मह्ठे साहीं परमेसरा रे परिवारा रे लोका मन्झ सच्चा आ, अगर आस्से आपणी हिम्मता होर तेस आस मन्झ विस्वासा मन्झ मजबूत रहे ता आस्से आपु ही तेसरे परिवारा रे लोक ऐं।

याकूब 1:18

परमेसरे आपणी ई इच्छा ले सच्चाई रे बचना रे ज्रीए आस्से आपणे बच्चे बणाईरे, ताकि आस्से तेसरी रचीरी सारी चीजा मन्झा ले खास हो, जिहां जे नाजा रे पैहले फला खास हूँआ ऐं।

1 पतरस 1:13

एस वजहा ले आपणा-आपणा मन त्यार करा, जिहां लोक आपणी कमर कस्सी किन्हें काम करणे रे कठे त्यार हुंहाँ ऐं। चतन्न रहूआ की तुस्से क्या सोच्हे होर एह्ड़ा करणे ले तुस्से आपणे जिन्दगी एस आसा किन्हें जीये कि जेस ध्याड़े प्रभु यीसू मसीहा स्वर्गा ले वापस आऊंणा, तेस ध्याड़े परमेसरा तुस्सा जो आपणे अनुग्रहा रे ज्रीए उद्धारा रा दान देणा।

1 पतरस 1:21

तिन्हें मसीहे जो कितिरा तेता री वजहा ले ई तुस्से परमेसरा पर विस्वास करहे। तिन्हें ही यीसू जो मरिरे मन्झा ले जिउंदा कितेया, होर तेस जो महिमा दिती। इधी कठे परमेसरा पर तुस्सा रा विस्वास होर आस दुहें मजबूत ऐं।

1 पतरस 1:23

क्यूंकि तुस्से परमेसरा ले नौंईं जिन्दगी पाईरी, तुस्से ये जिन्दगी नास हूंणे वाली चीजा ले नी पाईरी, पर हमेसा बणी रैहणे वाली चीजा ले पाईरी। यानि आस्से परमेसरा रे जिउंदे होर अनंत बचना रे ज्रीए ये जिन्दगी पाईरी।

1 पतरस 2:2

जिहां नंऊँऐं जम्मिरे बच्चे माऊआ रे दुधा री इच्छा रखे, तुस्से भी परमेसरा रे बचना जो सीखणे री इच्छा रखा, ताकि आत्मिक रूपा ले स्याणे बणी सको। होर तेबे आखरी मन्झ परमेसरा तुस्से एस संसारा री बुरी गल्ला ले पूरी तरहा बचाई लेणे।

1 पतरस 3:15

पर मसीह जो प्रभु जाणी किन्हें तेसरी इज्जत करहा, होर आपणे मना मन्झ तेसरा डर मन्हा। होर कोई तुस्सा ले तेस आसा रे बारे मन्झ कुछ पूछे, जो आस्से सभ विस्वासी लोक साझा करहे, ता तेस जो जवाब देणे रे कठे हमेसा त्यार रैहया। पर एह्ड़ा नम्रता होर आदर भाव किन्हें करहा,

1 पतरस 3:21

पुराणे टैम मन्झ तिन्हारा पाणी ले बची जाणा ऐबे रे उद्धारा रा एक उदाहरण आ, जो आस्सो बपतिस्मा लेणे पर मिला। जेस पाणी मन्झ आस्से बपतिस्मा ले से आस्सा रे सरीरा रा मैल दूर नी करदा, पर ये एक नसाणी की आस्से आपणी सुद्ध अंतरात्मा ले परमेसरा ले माफी मांगी लेईरी। आस्सो माफी मिली सकी क्यूंकि यीसू मसीह मरिरे मन्झ ले दबारा जिउंदा हुईरा,

1 पतरस 3:5

होर बौह्त पैहले जो ज्नानिया परमेसरा पर आस रखी थी होर जिन्हों भरोसा था कि तेस आपणे वादे पुरे करणे; स्यों ज्नानिया आपणे आपा जो एस तरहा ही सजाई थी। होर इधी कठे स्यों आपणे लाड़े रे अधीन भी रही थी।

1 यहून्ना 2:29

तुस्से जाणहां ऐं कि मसीही धर्मी जण आ, ता ये भी जाणांहे कि जो कोई धार्मिकता रा काम करहा, से परमेसरा रा बच्चा आ।

1 यहून्ना 3:3

होर जो कोई मसीह पर ये आस रख्हा, से आपणे आपा जो तेह्ड़ा ई पवित्र करहा, जेह्ड़ा मसीह आपु पवित्र आ।

1 यहून्ना 3:9

जो कोई परमेसरा रे बच्चे से बार-बार पाप नी करदा; क्यूंकि परमेसरा री जिन्दगी तेस मन्झ ई वास करहा ऐं, से पाप करी नी सक्दा, क्यूंकि से परमेसरा रा बच्चा आ।

1 यहून्ना 4:7

हे लाडले भाईयो होर बैहणो, आस्से आपु मन्झ प्यार रखे, क्यूंकि प्यार परमेसरा ले आ; होर जो कोई एक दूजेया किन्हें प्यार करहा, से परमेसरा रे बच्चे ऐं; होर परमेसरा जो जाणहां।

1 यहून्ना 5:1

जेसरा ये विस्वास आ कि यीसू ई मसीह ऐं, से परमेसरा रा बच्चा आ होर जो कोई बापू परमेसरा किन्हें प्यार करहा, से तेस किन्हें भी प्यार करहा ऐं, जो तेस बापू रे बच्चे ऐं।

1 यहून्ना 5:18

आस्से जाणहां ऐं कि जो कोई परमेसरा रे बच्चे ऐं, से बार-बार पाप नी करदा, क्यूंकि परमेसरा रे मह्ठे यीसू मसीह तिन्हो बचा होर दुस्ट सैतान तिन्हारा कुछ नी बिगाड़दा।

1 यहून्ना 5:4

क्यूंकि जो कोई परमेसरा रा बच्चा आ, से संसारा पर जीत हासल करहा। होर जो जीत संसारा जो हराई देई, से आस्सा रा विस्वास ही आ।