1 पतरस 1:2 - मंडयाली नंऊँआं नियम

² होर परमेसर बापूए बौह्त पैहले ले ही तुस्सा जो आपणे लोक हूंणे रे कठे, होर पवित्र आत्मा रे कामा रे ज्रीए पवित्र हूंणे रे कठे चुणी लईरा था। एह्ड़ा तिन्हें इधी कठे कितेया की तुस्से यीसू मसीह रा हुक्म मान्नो, होर तेसरे खूना रे छिड़कणे ले साफ हुई जाओ। हांऊँ प्रार्थना करहा कि परमेसर तुस्सा जो बौह्त अनुग्रह होर सांति देंदा रहे।

1 पतरस 1:2 Iomraidhean Croise

मत्ती 24:22

होर अगर स्यों ध्याड़े नी घटाए जांदे, ता कोई भी प्राणी नी बचदा; पर चुणिरे लोका री वजहा ले स्यों ध्याड़े घटाये जाणे।

मत्ती 24:24

“क्यूंकि झूठे मसीह होर झूठे नबिया आऊंणा, होर तिन्हा बड़े चिन्ह होर चमत्कार दसणे, होर हुई सके ता परमेसरा रे चुणिरे लोक भी भरमाई देणे।

मत्ती 24:31

होर तेस धरती पर आपणे स्वर्गदूत बड़ी तुरही री अवाज किन्हें भेजणे, ताकि स्यों धरती रे हर जगहा ले चुणिरे लोक कठे करहे।”

मरकुस 13:20

होर अगर प्रभु तिन्हा ध्याड़े जो नी घटान्दा, ता कोई भी प्राणी नी बचदा; पर तिन्हा चुणिरे लोका री वजहा ले, स्यों ध्याड़े घटाये जाणे।

मरकुस 13:22

क्यूंकि झूठे मसीह होर झूठे नबिया आऊंणा, होर तिन्हा चिन्ह होर चमत्कार दसणे, होर हुई सके ता परमेसरा रे चुणिरे लोक भी भरमाई देणे।

मरकुस 13:27

तेस टैम तेस आपणे स्वर्गदूत भेजणे, ताकि स्यों धरती रे हर जगहा ले चुणिरे लोक कठे करहे।”

लूका 18:7

एता कठे क्या परमेसरा आपणे चुणिरे लोका रा न्याय नी चुकाणा, जो राती ध्याड़ी तेसरी दुहाई देहां ऐं, होर क्या तेस तिन्हारे बारे मन्झ देर करणी?

चुणिरे चेले रे काम 15:18

येई गल से ही प्रभु बोल्हा जो संसारा री सुर्हूआता ले इन्हा गल्ला रा खबर देंदा आया।”

चुणिरे चेले रे काम 2:23

ये सेई माह्णुं, जेस जो परमेसरा री पैहले री बणाईरी योजना होर परमेसरा रे पैहले रे ज्ञाना रे मताबक पकड़वाया गया, ता तुस्से से पापिया रे हाथा ले तेस जो क्रूसा प्रयाल्हे चढ़ाई किन्हें मारी दितेया।

चुणिरे चेले रे काम 20:32

“होर ऐबे हांऊँ तुस्सा जो; परमेसर, होर तेसरे अनुग्रहा रे बचना जो सौंपी देहां; जो तुस्सा रे विस्वासा री बढ़ौतरी करी सक्हा, होर से तुस्सा जो विरासत देई सक्हा, जो तिन्हें आपणे पवित्र कितरे लोका साउगी देणे रा बादा कितिरा।”

रोमियो 1:5

मसीह रे ज्रीए परमेसरे आस्सा जो चुणिरे चेले हूंणे रा सौभाग्य होर हक दितिरा कि आस्से मसीह रे कठे सारे जातिया रे लोका जो ये दसी सके कि परमेसरे तिन्हारे कठे क्या कितिरा। जेसरे ज्रीए स्यों मसीह पर विस्वास करी किन्हें तेसरे हुक्मा जो मने।

रोमियो 1:7

ये चिठ्ठी रोम सैहरा रे लोका रे कठे ई, जिन्हा किन्हें परमेसर प्यार करहा होर आपणे पवित्र लोक हूंणे रे कठे चुणिरे। आस्से प्रार्थना करहे कि आस्सा रा बापू परमेसर होर प्रभु यीसू मसीह तुस्सा जो अनुग्रह होर सांति देंदा रहे।

रोमियो 11:2

परमेसरे आपणी से प्रजा नी छाडी, जेस जो तिन्हें पैहले ले ई चुणी लितिरा। तुस्से जाणदे कि, पवित्र सास्त्र एलिय्याह नबी रे बारे मन्झ क्या लिखिरा कि से इस्राएल देसा रे लोका रे व्रोधा मन्झ परमेसरा ले सिकायत करहे।

रोमियो 11:28

यहूदी लोक परमेसरा रे दुस्मण बणी गईरे, क्यूंकि तिन्हें खुसी री खबरा पर विस्वास नी कितेया, होर एता ले तुस्सा रा फायदा हुआ। पर परमेसर तिन्हा किन्हें प्यार करहा, क्यूंकि तिन्हारे बाप-दादेया जो दितिरी वाचा रे मताबक परमेसरे स्यों आपणे लोक हूंणे रे कठे चुणी लितिरे थे।

रोमियो 15:16

कि हांऊँ अन्यजाति रे लोका रे कठे मसीह यीसू रा सेऊआदार हुई किन्हें एक याजका साहीं परमेसरा रे वखा ले खुसी री खबरा रा प्रचार करहा। जेस ले अन्यजाति लोका जो जिन्हा जो पवित्र आत्मे पवित्र कितिरा, तिन्हा जो हांऊँ परमेसरा जो चढावे मन्झ चढ़ाई सकूं, जेस ले परमेसरा खुस हूंणा।

रोमियो 16:19

होर सभ लोक जाणांहे कि तुस्से किहाँ बढ़िया तरीके किन्हें प्रभु रे हुक्मा जो मन्हें; इधी कठे हांऊँ तुस्सा रे बारे मन्झ खुसी मनाहां। पर हांऊँ ये चाहां कि, तुस्से ये जाणने मन्झ कि क्या बांका एता रे कठे बुद्धिमान, होर बुरे कामा रे कठे भोले बणी किन्हें रहो।

रोमियो 16:26

होर जिहां सुर्हू ले परमेसरे हुक्म दितेया होर नबिया रे ज्रीए लिखी गया, ऐबे ये ल्कोईरी गल्ल सब जाति रे लोका मन्झ प्रचार किती गई, ताकि स्यों भी परमेसरा पर विस्वास करणे वाले, होर तेसरे हुक्म मनणे वाले बणी जाऐ।

रोमियो 8:13

क्यूंकि अगर तुस्से पापा रे स्वभाव रे मताबक आपणी जिन्दगी जिंघे, ता तुस्सा मरणा, पर अगर पवित्र आत्मा री सामर्था ले तुस्से आपणे पापा रे स्वभाव री इच्छा जो मारघे, ता जिउंदा रैंह्णां।

रोमियो 8:33

परमेसरा रे साम्हणें आस्से चुणिरे पर कोई दोस नी लगाई सकदा। क्यूंकि परमेसरे ही आस्सो आपणी नजरा मन्झ धर्मी माह्णुं बणाईरे।

1 कुरिन्थियो 1:30

पर परमेसरे तुस्सा जो मसीह यीसू साउगी एक कितिरा होर मसीह रे ज्रीए से आस्सो आपणा ज्ञान देआ। होर परमेसर आस्सा जो आपणी नजरा मन्झ धर्मी भी बणा। मसीह रे ज्रीए आस्से पवित्र कितिरे होर से आस्सो आस्सा रे पापा ले अजाद करहा।

1 कुरिन्थियो 6:11

होर तुस्सा मन्झा ले कुछ लोक पैहले एह्ड़े ई थे, पर प्रभु यीसू मसीह रे नांऊँआं ले होर परमेसरा री दितिरी आत्मा ले तुस्सा रे पाप धोई दितिरे, ताकि तुस्से पवित्र होर परमेसरा री नजरा मन्झ धर्मी बणी सको।

2 कुरिन्थियो 10:5

एसरे ज्रीए आस्से हर एक व्रोधीया जो, होर हर एक बडयाई करणे वाले जो, जो परमेसरा री पैहचाणा रे व्रोधा मन्झ उठा ईं, तेस जो सट्टी देहें। होर लोको रे विचार जो कैद करी किन्हें तिन्हो मसीह रा हुक्म मनणे वाल़ा बणाई देहां ऐं।

2 कुरिन्थियो 13:14

हांऊँ प्रार्थना करहा कि प्रभु यीसू मसीह रा अनुग्रह होर परमेसरा रा प्यार होर पवित्र आत्मा री साझेदारी तुस्सा सभी रे साउगी हुन्दी रहे।

कुलुस्सियो 3:12

क्यूंकि परमेसरा तुस्सा किन्हें प्यार करहा, होर तिन्हें तुस्से चुणिरे लितिरे कि, तुस्से तेसरे पवित्र जण बणो, इधी कठे तुस्सा मन्झ करुणा, दया, दीनता, नम्रता होर सबरा स्वभाव हो।

2 थिस्सलुनकियो 2:13

हे भाईयो होर बैहणो, आस्सो हमेसा तुस्सा रे कठे परमेसरा रा धन्यावाद करणा चहिए, प्रभु तुस्सा किन्हें प्यार करहा। क्यूंकि तिन्हें संसारा जो रचणे ले पैहले ही तुस्से चुणी लितिरे कि पवित्र आत्मा रे कामा रे ज्रीए तुस्सा रा उद्धार करहे; जो तुस्सा जो पवित्र बणा। होर यीसू मसीह रे बारे मन्झ सच्चाई री खबरा पर विस्वास करणे रे ज्रीए भी।

2 तिमिथियुस 2:10

इधी कठे हांऊँ परमेसरा रे चुणिरे लोका रे कठे सभ कुछ सैहन करहा, ताकि स्यों भी मसीह यीसू पर विस्वास करी किन्हें उद्धार पाए, होर अनंत महिमा पाए।

तितुस 1:1

हांऊँ पौलुस, एस्सा चिठ्ठी जो लिख्या करहा। हांऊँ परमेसरा रा सेऊआदार होर यीसू मसीह रा चुणिरा चेला आ। हांऊँ परमेसरा रे चुणिरे लोका रे विस्वासा जो मजबूत करणे रे कठे नियुक्त कितिरा, ताकि स्यों सच्चा जो जाणे होर परमेसरा जो खुस करणे वाली जिन्दगी जीए।

इब्रानियो 10:22

ता आऊआ, आस्से खरे मना होर पुरे विस्वासा साउगी, होर एस भरोसे साउगी कि आस्सा रे पाप माफ हुई गये, होर मसीह रे खूना रे छिड़काऊ ले आपणे दिला जो सुद्ध करदे हुए, होर आपणे सरीरा जो सुद्ध पाणी किन्हें धोई किन्हें परमेसरा रे नेडे जाहें।

इब्रानियो 11:28

विस्वास करणे ले ई मुसे इस्राएल देसा रे लोका जो हुक्म दितेया कि स्यों दुराजे पर छेलु रा खून छिड़की किन्हें फसहा रा साजा बणाऊआ, ताकि पैहली संताना जो नास करणे वाल़ा स्वर्गदूत इस्राएल देसा री पैहली संताना जो छुही तक ना सके।

इब्रानियो 12:24

तुस्से यीसू वाले आई गईरे जो परमेसर होर लोका रे बीचा रा नौंईं वाचा रा बिचौलिया। होर छिड़कावा रे तेस खूना रे नेडे आई गईरे, जो हाबिला रे खुना ले भी बडे वादे करहा।

इब्रानियो 5:9

होर सिद्ध बणने पर, तेसरे हुक्म मनणे वाले सभ लोका रे कठे से जुग-जुग रे कठे उद्धारा री वजहा बणी गया।

1 पतरस 1:14

होर हुक्म मनणे वाले बच्चे साहीं परमेसरा रा हुक्म मन्हा। बुरे काम नी करहा, जेस जो करणे री इच्छा तुस्से पैहले रखे थे जेबे परमेसरा री सच्चाई जो नी जाणदे थे।

1 पतरस 1:19

पर तुस्सा रा छुटकारा यीसू मसीह रे कीमती खूना रे ज्रीए हुआ, जो बेकसूर होर बेदाग छेलू साहीं था।

1 पतरस 1:20

संसारा जो रचणे ले बौह्त पैहले ले ही परमेसरे फैसला करी लितिरा था कि यीसू मसीह ही उद्धारकर्ता हूंणा, पर ऐबे से आखरी ध्याड़े मन्झ एस संसारा मन्झ आया ताकि तुस्सा री मदद करी सके।

1 पतरस 1:22

सच्चा जो मनणे री वजहा ले ही तुस्से आपणे पापा ले सुद्ध किती गईरे। इधी कठे ऐबे आपणे विस्वासी भाई बैहणा किन्हें गहरा होर पुरे दिला किन्हें प्यार करदे रैहया।

1 पतरस 2:9

पर तुस्से एह्ड़े लोक नी ऐं, तुस्से परमेसरा रे चुणिरे लोक ऐं। होर परमेसरा रे याजक लोक, जो राजे होर पवित्र लोक, होर परमेसरा रे आपणे लोक ऐे, तिन्हें तुस्से नहयारे मन्झा ले आपणी नौखे प्रयासे मन्झ सादी लईरे ताकि तुस्से परमेसरा रे नौखे कामा रा प्रचार करी सको।

2 पतरस 1:2

हांऊँ प्रार्थना करहा कि जिहां तुस्से आस्सा रे परमेसर होर प्रभु यीसू मसीह रे बारे मन्झ आपणे ज्ञाना मन्झ बढ़दे जाहें, परमेसर तुस्सा जो होर भी ज्यादा अनुग्रह होर सांति देंदा रहे।

2 यहून्ना 1:1

हांऊँ यहून्ना एस्सा चिठ्ठी जो लिख्दा लगिरा। हांऊँ कलीसिया रा अगुवा आ। हांऊँ ये चिठ्ठी परमेसरा री चुणिरी तेस्सा बैहणा रे कठे होर तेस्सा रे बच्चे रे कठे लिख्या करहा। हांऊँ तुस्सा सभी किन्हें सच्चे प्यार रखा, हांऊँ ही नी स्यों सब लोक भी तुस्सा किन्हें प्यार रखे, जो सच्चाई जो जाणांहे।

2 यहून्ना 1:13

परमेसरा री चुणिरी तुस्सा री बैहणा रे बाल बच्चे एथी ऐं, स्यों तुस्सा जो आपणा नमस्कार बोल्या करहा ऐं।

यहूदा 1:2

हांऊँ प्रार्थना करहा कि परमेसर तुस्सा जो बौह्त सारा अनुग्रह, सांति होर प्यार देंदा रहे।