1 पतरस 1:12 - मंडयाली नंऊँआं नियम

¹² पर परमेसरे नबिया पर ये गल जाहिर किती कि, स्यों जो गल्ला बोल्या करहा ऐं थे, स्यों तिन्हारे कठे नी पर तुस्सा रे कठे ई। से गल मसीह रे बारे मन्झ खुसी री खबर ई जो तुस्से ऐबे सुणी लईरी, परमेसरे पवित्र आत्मा जो स्वर्गा ले भेजी किन्हें लोका री मदद किती कि स्यों तुस्सा जो खुसी री खबर सुणाहें, होर ये बड़ी हरानी गल्ला ई कि स्वर्गदूत भी बड़े गौरा किन्हें इन्हा गल्ला जो हुंदे हुए देखी करहा ऐं।

1 पतरस 1:12 Iomraidhean Croise

मत्ती 11:25

तेस ई टैम यीसूए ये प्रार्थना किती, “हे बापू, स्वर्गा होर धरती रे प्रभु, हांऊँ तेरा धन्यावाद करहा कि, तैं ये गल्ला बुद्धिमाना होर समझदारा लोका ले ल्कोई किन्हें रखी, होर छोटे बच्चेया साहीं लोका पर जाहिर किती।

मत्ती 11:27

मेरे बापूए मुंजो सब कुछ दितिरा, होर कोई मह्ठे जो नी जाणदा, सिर्फ बापू जाणा; होर कोई बापू जो नी जाणदा, सिर्फ मह्ठा जाणा, होर जेस पर मह्ठा जाहिर करणा चाहे से बापू जो जाणा।

मत्ती 16:17

यीसूए तेस जो जवाब दितेया कि, “हे समौन योना रे मह्ठे, तू धन्य आ; क्यूंकि मांस होर खूने नी, पर मेरे बापूए जो स्वर्गा मन्झा आ, ये गल तुध पर जाहिर किती।

मरकुस 16:15

होर यीसूए चेले किन्हें बोल्या, “तुस्से सारे संसारा मन्झ जाई किन्हें सारी सृस्टी रे लोका जो खुसी री खबर प्रचार करा।

लूका 15:10

हांऊँ तुस्सा किन्हें बोल्हा कि ठीक इंहां ई से एक पापी जो पाप करणा छाडी देआ, तेसरे बारे मन्झ परमेसरा रे स्वर्गदूता रे साम्हणें खुसी हुंहाँ ईं।”

लूका 2:26

पवित्र आत्मा तेस जो दसिरा था कि, जेबे तक से प्रभु रे मसीहा रा दरसन नी करी लैंघा, तेबे तक तेस नी मरणा।

लूका 9:6

होर स्यों निकली किन्हें गांऊँआं-गांऊँआं खुसी री खबर सुणान्दे, होर हर जगहा लोका जो ठीक करदे फिरे।

यहून्ना 15:26

पर जेबे तेस्सा पवित्र आत्मा आऊंणा जो तुस्सा री मददगार ई, होर जो तुस्सा जो सच्चाई पर लेई जांहीं। जेस जो मां तुस्सा रे कठे बापू वाले ले भेजणी, होर तेस मेरे बारे मन्झ गुआही देणी।

चुणिरे चेले रे काम 10:44

पतरस ये गल्ला बोल्या ई करहा था कि, पवित्र आत्मा बचना रे सभ सुणने वाले पर दितेया।

चुणिरे चेले रे काम 16:10

एस दर्सना जो देखणे ले बाद आस्से झटपट मकीदुनिया ईलाके मन्झ जाणा चाहेया, ये समझी किन्हें कि, परमेसरे आस्सा जो तेथी रे लोका जो खुसी री खबर सुणाणे रे कठे सादिरा।

चुणिरे चेले रे काम 2:33

एस तरहा तिन्हें परमेसरा रे सीधी वखा जो सभी ले बडी जगहा पाई किन्हें, यीसूए बापू रे वादे रे मताबक पवित्र आत्मा पाई। होर से ही पवित्र आत्मा जो तिन्हें आस्सा जो देई दिती, जेस जो तुस्से ऐबे देख्या करहा ऐं, होर सुणेया करहा ऐं।

चुणिरे चेले रे काम 4:31

जेबे स्यों प्रार्थना करी बैठे, ता से जगहा जेथी स्यों कठे हुईरे थे हिल्ली गया, होर स्यों सभ पवित्र आत्मा किन्हें भर्ही गऐ, होर परमेसरा रा बचन न्डरे सुणान्दे रैहे।

चुणिरे चेले रे काम 4:8

तेबे पतरसे पवित्र आत्मा ले भर्ही किन्हें तिन्हा किन्हें बोल्या, “हे यहूदी मुखियो होर अगुवे

चुणिरे चेले रे काम 8:25

पतरस होर यहूना गुआही देई किन्हें प्रभु यीसू रा बचन सुणाई किन्हें, यरुस्लेम सैहरा जो वापस चली गये, होर सामरिया ईलाके रे लोक बौह्त गांऊँआं मन्झ खुसी री खबर सुणान्दे रैहे।

रोमियो 1:15

इधी कठे, हांऊँ दिला किन्हें बौह्त इच्छा करहा कि हांऊँ रोम सैहरा मन्झ आई किन्हें तुस्सा सभी जो भी खुसी री खबर सुणाऊं।

रोमियो 1:17

क्यूंकि खुसी री खबरा एस गल्ला जो जाहिर करी कि परमेसरे आस्से आपणी नजरा मन्झ धर्मी माह्णुं बणाये, जो सुर्हू ले लेई किन्हें आखरी तक विस्वासा पर टिकीरी; जिहां पवित्र सास्त्रा मन्झ भी लिखिरा कि, “परमेसरे जेस जो आपणी नजरा मन्झ धर्मी माह्णुं बणाया, तेस विस्वासा ले ही जिउंदे रैंह्णां।”

रोमियो 10:15

होर कोई तिन्हा वाले जाई किन्हें किधियो सुणाये, जेबे तक कि प्रभुऐ स्यों नी भेजिरे हो? होर इधी कठे पवित्र सास्त्रा मन्झ लिखिरा, “तिन्हा लोका रे पैर कितने बांके ऐं, जो खरी खबरा री खुसी री खबर ल्याए!”

रोमियो 15:19

पवित्र आत्मा रे दितिरे सामर्था ले हांऊँ चिन्ह होर नौखे काम करहा। होर इधी कठे यरुस्लेम सैहरा ले लई किन्हे इल्लुरिकुमा जिल्ले तक हांऊँ जेथी तक गया तेथी मै सारे लोका किन्हें मसीह रे बारे मन्झ खुसी री खबरा रा प्रचार कितेया।

1 कुरिन्थियो 2:10

पर परमेसरे यूँ गल्ला पवित्र आत्मा रे ज्रीए आस्सा चुणिरे चेले पर जाहिर किती; क्यूंकि पवित्र आत्मा सभ गल्ला जो तोप्हा ई, बल्की परमेसरा री गुप्त गल्ला जो भी।

2 कुरिन्थियो 6:6

पर आस्से आपु जो पवित्र रखेया, होर समझदारी से काम कितिरा, आस्से धीरज रखेया होर दूजेया पर दया कितिरी, पवित्र आत्मा आस्सा साउगी रैंह्यां होर आस्सा रा प्यार सच्चा।

गलातियो 1:12

क्यूंकि मैं ये गल्ला आपणे बापदादेया ले नी सीखी, होर नहीं मुंजो केसी धर्मा रे स्खाणे वाले स्खाईरी, पर यीसू मसीहे युयां गल्ला मुंजो समझाई।

इफिसियो 3:10

परमेसरा रा मकसद ये था कि ऐबे कलीसिया रे ज्रीए, तेसरे ज्ञाना जो जेसरी कोई सीमा नी, सारी आत्मा पर जाहिर करी दे, जो कधी नी देखिरी जगहा मन्झ हक रखी होर राज करही।

1 थिस्सलुनकियो 2:9

क्यूंकि हे भाईयो होर बैहणो, तुस्से आस्सा री कढ़ी मैहनता जो याद करहा ऐं कि, आस्से रात ध्याड़ काम धंधा करी किन्हें तुस्सा जो परमेसरा री खुसी री खबरा रा प्रचार कितेया, ताकि आस्से तुस्सा मन्झा ले केसी पर बोझ नी बणे।

1 तिमिथियुस 3:16

होर एता मन्झ कोई सक नी आ कि, परमेसरे जो सच्ची खबर जाहिर कितिरी, से पूरी तरहा ले सच्च ई, मसीह जो माह्णुं रे रूपा मन्झ जाहिर हुआ, पवित्र आत्मे तेस जो हर कामा मन्झ धर्मी ठैहर्या, स्वर्गदूते से देखेया, होर स्वर्गा री महिमा री वखा जो से चकी लितेया गया, लोके तेसरे बारे मन्झ जाति-जाति मन्झ प्रचार कितेया, संसारा रे लोके तेस पर विस्वास कितेया।

इब्रानियो 11:13

ये सारे लोक जिन्हें परमेसरा पर विस्वास कितिरा था तेसरे वादा कितिरे चीजा जो पाए बगैर मरी गये। स्यों तिन्हा चीजा जो दुरा ले देखी किन्हें खुस हुए, होर स्यों एस गल्ला जो भी समझी गईरे थे कि धरती पर आस्से परदेसी होर अजनबी ऐं।

इब्रानियो 2:4

होर परमेसरे भी आपणी इच्छा रे मताबक चिन्हा जो, होर चमत्कारा जो, होर कई किस्मा रे चमत्कारा रे काम जो, होर पवित्र आत्मा रे ज्रीए लोका जो दान देणे रे ज्रीए भी ये गल साबित किती।

इब्रानियो 4:2

क्यूंकि जिहां आस्से मसीह रे बारे मन्झ खरी खबर सुणी, तिहां ही इस्राएला रे लोके से अरामा री जगहा री खरी खबर सुणी, पर तिन्हें विस्वास नी कितेया। इधी कठे तेस खबरा ले तिन्हो कोई फायदा नी हुआ।

1 पतरस 1:25

पर प्रभु रे बचना जुग-जुग मजबूत बणी रैहणां।” होर ये बचन मसीह रे बारे मन्झ खुसी री खबर ई, जेसरा प्रचार आस्से तुस्सा जो सुणाईरा था।

1 पतरस 4:6

येई वजहा ई कि मरिरे लोके भी मसीह रे बारे मन्झ खुसी री खबर सुणी, हालांकि तिन्हारे सरीरा जो भी सजा मिली होर स्यों दूजे लोका साहीं मरी गये, पर ऐबे स्यों आत्मा मन्झ परमेसरा साउगी जुग-जुग जिउंदे।

प्रकासना री गल्ला 5:11

होर जेबे मैं दबारा देख्या, ता राजगद्दी रे चारों पासे स्यों प्राणी, अगुवे होर बौह्त सारे स्वर्गदूता री अवाज सुणी, जिन्हारी गिणती लाखा करोड़ा री थी।