1 पतरस 1:10 - मंडयाली नंऊँआं नियम

¹⁰ एस ही उद्धारा रे बारे मन्झ नबिये होर जाणना चाहें थे। तिन्हें भविस्यवाणी किती कि परमेसरे कियां तुस्सा पर अनुग्रह करी किन्हें तुस्से बचाई लेणे, जेसरे तुस्से लायक नी ऐं। एस गल्ला जो जाणने रे कठे तिन्हें बौह्त जांच-पड़ताल किती।

1 पतरस 1:10 Iomraidhean Croise

मत्ती 13:17

क्यूंकि हांऊँ तुस्सा किन्हें सच्च बोल्हा कि, बौह्त नबिये होर धर्मिए चाहेया कि स्यों गल्ला देखे जो गल्ला तुस्से देख्हा ऐं, पर नी देखी सके; होर स्यों गल्ला सुणें, जो गल्ला तुस्से सुणहां ऐं; पर नी सुणी सके।”

मत्ती 26:24

क्यूंकि हांऊँ माह्णुं रे मह्ठे रा मरणा ता पक्का आ, जेह्ड़ा नबिये मेरे बारे पवित्र सास्त्रा मन्झ लिखिरा आ। पर जेस हांऊँ पकड़वाणा तेस कठे ये कितना ड्राऊणा हुणा! होर अगर तेस माह्णुं रा जन्म नी हुन्दा ता तेसरे कठे खरा हुन्दा।”

लूका 10:24

क्यूंकि हांऊँ तुस्सा किन्हें बोल्हा कि, बौह्त नबिये होर राजेया चाहेया कि स्यों गल्ला देखे जो गल्ला तुस्से देख्हा ऐं, पर नी देखी सके; होर स्यों गल्ला सुणें, जो गल्ला तुस्से सुणहां ऐं; पर नी सुणी सके।”

लूका 24:44

फेरी तिन्हें तिन्हा किन्हें बोल्या, “ये मेरी स्यों गल्ला ई, जो मैं तुस्सा साउगी रही किन्हें, तुस्सा किन्हें बोली थी कि, जरूरी आ कि, जितनी गल्ला मूसा री व्यवस्था होर नबिया री होर भजना री कताबा मन्झ, मेरे बारे मन्झ लिखिरी, स्यों सभ पूरी हो।”

यहून्ना 5:39

“तुस्से पवित्र सास्त्रा रा मनन करहा ऐं, क्यूंकि तुस्से ये सोच्हा ऐं कि तेता मन्झ तुस्सा जो अनंत जिन्दगी मिल्हा ई, होर ये सभ गल्ला मेरे बारे मन्झ ई गुआही देंहां ईं।

यहून्ना 7:52

तिन्हें तेस जो जवाब दितेया, “क्या तू भी गलील जिल्ले रा आ? पवित्र सास्त्रा मन्झ तोप तेबे तुजो पता लगणा कि गलील जिल्ले ले कोई नबी जाहिर नी हूंणां।”

चुणिरे चेले रे काम 10:43

तेसरे सभ नबी गुआही देहां ऐं कि जेस केसी यीसू पर विस्वास करणा, तेस्जो तेसरे नांऊँआं रे ज्रीए पापा री माफी मिलणी।

चुणिरे चेले रे काम 17:11

ये लोक ता थिस्सलुनिके सैहरा रे यहूदी लोका ले भी खरे थे होर तिन्हें बड़ी लगना किन्हें बचन मन्नेया, होर हर रोज पवित्र सास्त्रा मन्झ तोप्दे रैहे कि ये गल्ला जो पौलुसे दसी क्या स्यों सच्ची ई कि नी?

चुणिरे चेले रे काम 28:23

तिन्हें यहूदी लोके जो पौलुसा साउगी थे, तेसरे कठे एक ध्याड़ा नियुक्त कितेया। होर तेस ध्याड़े बौह्त लोक बड़ी संख्या मन्झ आई किन्हें कठे हुए। मूसा री व्यवस्था होर नबिया री कताबा ले यीसू रे बारे मन्झ तिन्हा जो समझाणे रा जतन करदे हुए तिन्हें परमेसरा रे राजा रे बारे मन्झ आपणी गुआही दिती होर समझाया; से भ्यागा ले साह्न्जा तक ये करणे मन्झ ई लगे रहे।

चुणिरे चेले रे काम 7:52

तुस्सा रे बापदादे सारे नबिया जो स्ताईरा था। तिन्हें ता स्यों मारी भी दिते जिन्हें बौह्त पैहले ले ई मसीह जेह्ड़ा धर्मी जण आ, आऊंणा री घोषणा करी दिती थी, होर मसीह जेबे आया तुस्से से पकड़वाया होर मारी दितेया।

इब्रानियो 11:13

ये सारे लोक जिन्हें परमेसरा पर विस्वास कितिरा था तेसरे वादा कितिरे चीजा जो पाए बगैर मरी गये। स्यों तिन्हा चीजा जो दुरा ले देखी किन्हें खुस हुए, होर स्यों एस गल्ला जो भी समझी गईरे थे कि धरती पर आस्से परदेसी होर अजनबी ऐं।

इब्रानियो 11:40

क्यूंकि परमेसरे आस्सो कुछ खरी चीजा देणे रे कठे एक योजना बणाईरी ताकि आस्सा साउगी ही स्यों सिद्ध किते जाए आस्सा रे पैहले नी।

1 पतरस 1:11

मसीह री आत्मा नबिया मन्झ थी, जो पैहले ले ही तिन्हो दसी थी कि मसीहा कियां दुःख सहन करना, होर तेता ले बाद तेस जो बड़ी इज्जत मिलणी। ता स्यों इन्हा गल्ला जो तोपे थे कि ये गल्ला संसारा मन्झ केबे हूणीं, होर तेस टैमा रा संसार केह्ड़ा हूंणां।

1 पतरस 1:13

एस वजहा ले आपणा-आपणा मन त्यार करा, जिहां लोक आपणी कमर कस्सी किन्हें काम करणे रे कठे त्यार हुंहाँ ऐं। चतन्न रहूआ की तुस्से क्या सोच्हे होर एह्ड़ा करणे ले तुस्से आपणे जिन्दगी एस आसा किन्हें जीये कि जेस ध्याड़े प्रभु यीसू मसीहा स्वर्गा ले वापस आऊंणा, तेस ध्याड़े परमेसरा तुस्सा जो आपणे अनुग्रहा रे ज्रीए उद्धारा रा दान देणा।