1 पतरस 1:1 - मंडयाली नंऊँआं नियम

¹ हांऊँ पतरस, एस्सा चिठ्ठी जो लिखी करहा। हांऊँ यीसू मसीह रा चुणिरा चेला आ। हांऊँ ये चिठ्ठी परमेसरा रे चुणिरे तिन्हा लोका रे कठे लिखी करहा, जो परदेसिया साहीं पुन्तुस, गलातिया, होर कप्पुदुकीया, आसिया होर बितूनिया ईलाके रे कई सैहरा मन्झ रैंहयां ऐं।

1 पतरस 1:1 Iomraidhean Croise

मत्ती 10:2

होर यीसू रे बारा चुणिरे चेले रे नांऊँ एह्ड़े ऐं, पैहला समौन, जेस जो पतरस भी बोल्हा ऐं, होर तेसरा भाई अन्द्रियास; जब्दी रा मह्ठा याकूब, होर तेसरा भाई यहून्ना;

मत्ती 24:22

होर अगर स्यों ध्याड़े नी घटाए जांदे, ता कोई भी प्राणी नी बचदा; पर चुणिरे लोका री वजहा ले स्यों ध्याड़े घटाये जाणे।

मत्ती 4:18

तिन्हें गलील समुद्रा रे बाढे फिरदे हुए समौन जो, जेस्जो जे पतरस बी बोल्हा ऐं, होर तेसरे भाई अन्द्रियासा जो समुद्रा मन्झ जाल पांदे देख्या, क्यूंकि स्यों मछी पकड़ने वाल़े थे।

लूका 18:7

एता कठे क्या परमेसरा आपणे चुणिरे लोका रा न्याय नी चुकाणा, जो राती ध्याड़ी तेसरी दुहाई देहां ऐं, होर क्या तेस तिन्हारे बारे मन्झ देर करणी?

यहून्ना 11:52

होर ना सिर्फ तिन्हारे कठे, पर तिन्हारे कठे भी कि से परमेसरा रे बाहर भटकीरे बच्चेया जो कठा करी सके।

यहून्ना 7:35

यहूदी अगुवे एक दूजे मन्झ बोलदे लगे, “एस केथी जाणा कि, आस्सा जो ये नी मिलणा? क्या एस यहूदी लोका वाले जाणा, जो यूनान देसा रे सैहरा मन्झ तितर बीतर हुई किन्हें रैहें, होर तिन्हो जो भी स्खाणा चाहां?

चुणिरे चेले रे काम 18:2

तेथी से पुन्तुस ईलाके रा रैहणे वाल़ा अक्विला नांऊँआं रे एक यहूदी किन्हें मिल्या; जो आपणी लाड़ी प्रिसकिल्ला साउगी नंऊँआं-नंऊँआं इतालिया देसा (इटली) ले आईरा था, क्यूंकि रोम देसा री सम्राट क्लौदियुसे सभ यहूदी लोका जो रोम देसा ले निकली जाणे रा हुक्म दितिरा था, इधी कठे स्यों कुरुन्थी सैहरा मन्झ रैह्न्दे लगे थे होर पौलुस तिन्हा वाले मिलदा गया।

चुणिरे चेले रे काम 18:23

होर कुछ ध्याड़े अन्ताकिया सैहरा मन्झ बिताणे ले बाद तेथी ले विदा हुई किन्हें गलातिया ईलाके होर फ्रुगिया जिल्ले मन्झ एक जगहा ले दूजी जगहा तक सफर करदे हुए सभी चेले जो मजबूत करदा फिरेया।

चुणिरे चेले रे काम 19:10

दो साल तक एह्ड़ा ई हुन्दा रैंहयां; एथी तक कि आसिया रे ईलाके रे रैहणे वाले क्या यहूदी लोक, क्या यूनान देसा रे सभीए प्रभु रा बचन सुणेया।

चुणिरे चेले रे काम 6:9

फेरी भी कुछ लोके स्तिफनुसा रा विरोध कितेया ये लोक तेस यहूदी सभा ले थे जेस जो अजाद माह्णुंआं री सभा बोल्हा ऐं थे। ये लोक कुरेनी सैहरा रे होर सिकंदरिया सैहर होर किलकिया होर आसिया रे ईलाके ले थे।

चुणिरे चेले रे काम 8:4

जो लोक तितर-बितर हुई गईरे थे, स्यों खुसी री खबर सुणांदे हुए फिरदे लगे।

1 कुरिन्थियो 16:19

आसिया रे ईलाके री कलीसिया रे विस्वासी लोका री तरफा ले तुस्सा जो नमस्कार। अक्विला होर तेसरी लाड़ी प्रिसकिल्ला रा होर तिन्हारे घरा मन्झ कठा हूंणे वाली कलीसिया रे विस्वासी भाई बैहणा री तरफा ले भी तुस्सा जो प्रभु मन्झ बौह्त-बौह्त नमस्कार।

2 कुरिन्थियो 1:8

हे भाईयो बैहणो, आस्से चाहां ऐं कि तुस्से आस्सा रे तेस दुःखा रे बारे मन्झ जाणा, जो आसिया रे ईलाके मन्झ आस्सा पर पया। आस्से एह्ड़े भारी बोझा साउगी दभी गईरे थे, जो आस्सा रे सैहणे ले बाहर था, एथी तक कि आस्से मरणे ही वाले थे।

इफिसियो 2:12

तुस्से लोक तेस टैम मसीह जो नी जाणदे थे, होर परमेसरा रे चुणिरे लोक यानि इस्राएल देसा रे लोका मन्झ नी गिणी जांदे थे। होर परमेसरा रे लोका साउगी कितिरी वाचा रे भी साझीदार नी थे, होर एस संसारा मन्झ बगैर आस होर बगैर परमेसरा रे जिन्दगी जीये थे।

इफिसियो 2:19

इधी कठे ऐबे तुस्से गैर-यहूदी लोक परदेसी होर मूसाफर नी रहे, पर परमेसरा रे पवित्र लोका साउगी संगी स्वदेसी होर परमेसरा रे परिवारा रे सदस्य हुई गईरे।

2 तिमिथियुस 1:15

तू जाणहां कि, आसिया रे ईलाके वाले कई विस्वासी लोके हांऊँ छाडी दितिरा, जिन्हा मन्झ फुगिलुस होर हिरमुगिनेस भाई ऐं।

इब्रानियो 11:13

ये सारे लोक जिन्हें परमेसरा पर विस्वास कितिरा था तेसरे वादा कितिरे चीजा जो पाए बगैर मरी गये। स्यों तिन्हा चीजा जो दुरा ले देखी किन्हें खुस हुए, होर स्यों एस गल्ला जो भी समझी गईरे थे कि धरती पर आस्से परदेसी होर अजनबी ऐं।

याकूब 1:1

हांऊँ याकूब, परमेसरा होर प्रभु यीसू मसीह रा सेऊआदार आ। हांऊँ ये चिठ्ठी तिन्हा यहूदी विस्वासिया रे बारा गोत्रा जो संसारा मन्झ तितर-बितर हुई किन्हें रैंहयां ऐं लिख्दा लगिरा। तुस्सा सभी जो मेरा नमस्कार।

1 पतरस 2:11

हे लाडले भाईयो होर बैहणो, हांऊँ तुस्सा ले अर्ज करहा कि, तुस्से आपणे आपा जो एस संसारा मन्झ परदेसी होर यात्री जाणी किन्हें हर एक सरीरा री पापा री इच्छा ले दूर रैहया, क्यूंकि स्यों हमेसा तुस्सा रे खलाफ युद्ध करहा ई।

2 पतरस 1:1

हांऊँ समौन पतरस तुस्सा रे कठे ये चिठ्ठी लिखी करहा। हांऊँ यीसू मसीह रा सेऊआदार होर चुणिरा चेला आ। हांऊँ ये चिठ्ठी तुस्सा सभी रे कठे लिखी करहा, जो आस्सा साहीं तेस कीमती विस्वास रा साझा करहे, जो आस्सा जो आस्सा रे परमेसर होर उद्धारकर्ता यीसू मसीहे दितिरा। से आस्सो परमेसरा री नजरा मन्झ धर्मी बणा।

प्रकासना री गल्ला 1:11

होर तेस अवाजे मेरे किन्हें बोल्या, “जो कुछ तू देख्हा, तेस जो कताबा मन्झ लिखी किन्हें सात कलीसिया जो भेजी दे, इफिसुस सैहरा, स्मुरना, पिरगमुन, थुआतिरा, सरदीस, फिलेदेलफिया, लौदिकिया सैहरा मन्झ ई।”