1 यहून्ना 3:3 - मंडयाली नंऊँआं नियम

³ होर जो कोई मसीह पर ये आस रख्हा, से आपणे आपा जो तेह्ड़ा ई पवित्र करहा, जेह्ड़ा मसीह आपु पवित्र आ।

1 यहून्ना 3:3 Iomraidhean Croise

2 कुरिन्थियो 7:1

हे लाडले भाईयो होर बैहणो जेबे कि परमेसरे आस्सा किन्हें ये वादा कितिरा कि आस्से तेसरे लोक हूंणे। ता आऊआ, आस्से आपणे सरीर होर आत्मा री सब गंदगी जो दूर करहे; होर परमेसरा रा सम्मान करदे हुए पूरी तरहा पवित्र जिन्दगी जीणे री भी कोसिस करदे रहुआ।

1 यहून्ना 2:6

जो कोई ये बोल्हा कि, हांऊँ तेस मन्झ वास करहा, तेस जो चहिए कि से आपु भी तेह्ड़ा ई जीए जिहां यीसू जिया था।

2 पतरस 3:14

इधी कठे, हे लाडले भाईयो होर बैहणो, जेबे तुस्से तेस ध्याड़े रा इंतजार करहे जेबे परमेसरा संसारा रा न्याय करणा, ता पूरी कोसिस करा कि आपणे आपा जो बेदाग होर बेकसूर होर तेसरे साउगी सांति मन्झ रखी पाओ।

मत्ती 5:48

इधी कठे कि तुस्से सिद्ध बणा, जेह्ड़ा तुस्सा रा स्वर्गीय बापू सिद्ध आ।

इब्रानियो 12:14

सभी साउगी सांति किन्हें रैहणे, होर तेस पवित्र हूंणे रे कठे हर तरहा कोसिस करदे रहो, जेसरे बगैर कोई प्रभु जो कधी भी नी देखी सक्दा।

इब्रानियो 7:26

क्यूंकि एह्ड़ा बडा याजक ही आस्सा री ज्रूरता जो पूरी सक्हा। जो पवित्र, होर बेदाग होर सुद्ध आ, होर जेस पर पापी लोका रा असर कधी नी पईरा हो, होर जो स्वर्गा ले भी ऊँचा कितेया गईरा हो।

कुलुस्सियो 1:5

तुस्सा रा ये प्यार होर विस्वास तेस आसा री वजहा ले आ, जो तुस्सा रे कठे स्वर्गा मन्झ रखिरा। तुस्से एस आसा रे बारे मन्झ पैहली बारी तेबे सुणेया जेबे तुस्से खुसी री खबरा री सच्चाई पर विस्वास कितिरा था।

चुणिरे चेले रे काम 15:9

होर विस्वास करणे रे ज्रीए तिन्हारे मन पवित्र करी किन्हें आस्सा मन्झ होर तिन्हा मन्झ कुछ फर्क नी रख्या।

तितुस 3:7

ताकि आस्से अनंत जिन्दगी पाणे री आस रखे, जेस जो देणे रा वादा परमेसरे आस्सो आपणे बच्चे हूंणे रे नाते कितिरा। होर आस्से एस गल्ला मन्झ पक्का हो कि परमेसरे आपणे अनुग्रहा ले आस्सो आपणी नजरा मन्झ धर्मी बणाईरा।

2 पतरस 1:4

होर तेसरी खराई होर महिमा री वजहा ले तिन्हें आस्सा किन्हें महान होर कीमती वादे कितिरे। इन्हा वादे रे ज्रीए आस्से एस संसारा मन्झ जो बुरी इच्छा ई तेता ले बची सके, जो लोका रा नास करही। होर आस्से परमेसरा रे आपणे स्वभाव मन्झ साझी हुई जाये।

लूका 6:36

जेह्ड़ा तुस्सा रा बापू दया करणे वाल़ा, तिहां ई तुस्से भी दया करणे वाल़े बणा।”

1 यहून्ना 4:17

एता ले ई प्यार आस्सा मन्झ सिद्ध हुआ कि, न्याय रे ध्याड़े आस्सो हिम्मत हो कि परमेसरा आस्सा जो सजा नी देणी; जिहां मसीह संसारा मन्झ रैहन्दे हुए परमेसरा मन्झ वास करहा था, तेह्ड़ा ई आस्से भी परमेसरा मन्झ वास करहा ऐं।

इब्रानियो 6:18

ता एथी फेरी दो गल्ला ई एक तेसरी वाचा होर दूजी तेसरी कसम जो कधी नी बधली सक्दी होर जिन्हारे बारे मन्झ परमेसर कधी झूठ नी बोली सकदा। इधी कठे आस्से परमेसरे वाले बचणे रे कठे आईरे होर जो आस तिन्हें आस्सो दितिरी, से पकड़ीरी, होर बौह्त ज्यादा उत्साही ई।

2 थिस्सलुनकियो 2:16

आस्से आपणे प्रभु यीसू मसीह ले होर बापू परमेसरा ले प्रार्थना करहे, जो आस्सा किन्हें प्यार करहा; होर जिन्हें आपणे अनुग्रहा ले आस्सो हमेसा होंसला दितेया, होर मजबूत आस दितीरी।

रोमियो 15:12

होर फेरी यसायाह नबीये पवित्र सास्त्रा मन्झ लिखिरा, “यिसै री एक बंस आऊंणा, होर अन्यजाति रे लोका रा हाकम हूंणा, तेस पर अन्यजाति रे लोका आस रखणी कि, तेस तिन्हारा उद्धार करणा।”

यहून्ना 17:19

होर तिन्हारे कठे हांऊँ आपणे आपा जो लग ठैहराया ताकि स्यों भी सच्चा रे ज्रीए लग ठैहराये जाए।”

याकूब 4:8

परमेसरा रे नेडे आऊआ; ता तेस भी तुस्सा रे नेडे आऊंणा; हे पापियो, आपणी जिंदगी ले पापा जो दूर करहा; होर ये दोगले लोको आपणे दिला जो पवित्र करा।

1 पतरस 1:3

आस्सा रे प्रभु मसीह यीसू रे बापू होर परमेसर धन्यावाद हो, जिन्हें आपणी बड़ी दया ले आस्सा जो नौंईं जिन्दगी दिती। क्यूंकि परमेसरे यीसू मसीह जो मरिरे मन्झा ले जिउंदा कितिरा, आस्से आपणी जिन्दगी बड़ी आसा किन्हें जी सके यानि आस्से पूरी उम्मीद रखी सके की जो वादा तिन्हें आस्सा किन्हें कितिरा से तेस पूरा करणा।

1 पतरस 1:15

पर से पवित्र आ, जिन्हें तुस्से आपणे लोक हूंणे रे कठे सादिरे, तिहां ईं तुस्से भी जो कुछ करहे तेता मन्झ पवित्र बणां।