1 यहून्ना 1:3 - मंडयाली नंऊँआं नियम

³ जो कुछ आस्से यीसू रे बारे देख्या होर सुणेयां तेता री खबर आस्से तुस्सा जो भी देहां ऐं, इधी कठे कि तुस्से भी आस्सा साउगी सैहभागी ऐं; होर आस्सा रा ये साथ बापू परमेसरा साउगी होर तेसरे मह्ठा यीसू मसीह साउगी आ।

1 यहून्ना 1:3 Iomraidhean Croise

यहून्ना 17:11

ऐबे मां संसारा मन्झ नी रैंह्णां, पर इन्हा लोका संसारा मन्झ रैंह्णां, होर हांऊँ तेरे वाले आहूँआं। हे पवित्र बापू, आपणी सामर्था ले जो तैं मुंजो दितिरा, तिन्हारी हिफाजत कर कि, स्यों आस्सा साहीं एकता मन्झ हो।

यहून्ना 17:21

जिहां बापू मेरे मन्झ वास करहा, होर हांऊँ तेरे मन्झ वास करहा, तिहां ईं स्यों भी आस्सा मन्झ वास करहे; ताकि संसार रे लोक विस्वास करहे कि, तुस्से ई हांऊँ भेजिरा।

यहून्ना 17:25

“हे धर्मी बापू, संसार रे लोके हांऊँ नी जाणी सकेया, पर मैं तू जाणेया होर इन्हें चेले भी जाणेया कि तैं ईं हांऊँ भेजिरा।

यहून्ना 17:3

होर अनंत जिन्दगी येई कि, स्यों तुजो एकमात्र सच्चे परमेसरे होर यीसू मसीहा जो जाणी सको, जेस जो तैं भेजिरा।

यहून्ना 19:35

जिन्हें माह्णुंऐ जे ये सब कुछ देख्या, तिन्हें ही एसरे बारे मन्झ गुआही दितिरी ताकि तुस्से भी यीसू पर विस्वास करी सको। तेसरी ये गुआही सच्ची ई, होर से जाणहां कि से सच्च बोल्हा।

चुणिरे चेले रे काम 13:32

“होर आस्से तुस्सा जो तेस्सा वाचा रे बारे मन्झ जो परमेसरे आस्सा रे जो बापदादे किन्हें कितिरी थी, ये खुसी री खबर सुणाहें।

चुणिरे चेले रे काम 13:41

‘हे निंदा करणे वालेयो, देखा, हरान हुई जाऊआ होर मरी मिटी जाऊआ; क्यूंकि मैं तुस्सा रे जमाने मन्झ एक काम एह्ड़ा करहा; एह्ड़ा काम कि, अगर कोई तुस्सा किन्हें तेसरी चर्चा करहे, ता तुस्सा कधी विस्वास नी करणा।’”

चुणिरे चेले रे काम 2:42

होर स्यों चुणिरे चेलेया ले उपदेस पाणे, होर एक दूजे किन्हें संगती करणे, होर प्रभु भोज लेणे होर प्रार्थना करणे मन्झ व्यस्त रहे।

चुणिरे चेले रे काम 20:27

क्यूंकि मैं परमेसरा री सारी इच्छा तुस्सा जो दसी दितिरी होर तेता मन्झ ले कुछ भी नी ल्कोई रा।”

चुणिरे चेले रे काम 4:20

क्यूंकि ये ता आस्सा ले नी हुई सक्दा कि, जो आस्से देख्या होर सुणेया, से ना बोले।

रोमियो 15:27

तिन्हें ये खुसी किन्हें कितेया, यरुस्लेम सैहरा रे लोक तिन्हारे कर्जदार भी ऐं, क्यूंकि परमेसरा ले खरी चीजा जो पाणे रे कठे यहूदी लोका साउगी अन्यजाति रे लोक भी साझी हुए, होर ये बिलकुल ठीक आ कि, एस दुनिया री खरी गल्ला मन्झ अन्यजाति रे लोक साउगी यहूदी लोक साझी हो।

1 कुरिन्थियो 1:30

पर परमेसरे तुस्सा जो मसीह यीसू साउगी एक कितिरा होर मसीह रे ज्रीए से आस्सो आपणा ज्ञान देआ। होर परमेसर आस्सा जो आपणी नजरा मन्झ धर्मी भी बणा। मसीह रे ज्रीए आस्से पवित्र कितिरे होर से आस्सो आस्सा रे पापा ले अजाद करहा।

1 कुरिन्थियो 1:9

होर तुस्से पक्का जाणी लो कि परमेसरा एह्ड़ा ही करणा, क्यूंकि परमेसर आपणे वादे जो पूरा करणे रे कठे सच्चा आ; होर तिन्हें तुस्से आपणे मह्ठे आस्सा रे प्रभु यीसू मसीह साउगी एक हूणे रे कठे चुणी लितिरा।

1 कुरिन्थियो 15:1

हे भाईयो होर बैहणो, हांऊँ तुस्सा जो सेई खुसी री खबर याद कुराहां, जो हांऊँ तुस्सा जो पैहले सुणाई बैठीरा, जेता पर तुस्से पैहले विस्वास भी कितिरा था, होर जेस पर तुस्सा रा विस्वास मजबूत बणीरा।

2 कुरिन्थियो 13:14

हांऊँ प्रार्थना करहा कि प्रभु यीसू मसीह रा अनुग्रह होर परमेसरा रा प्यार होर पवित्र आत्मा री साझेदारी तुस्सा सभी रे साउगी हुन्दी रहे।

इफिसियो 3:6

परमेसरा री योजना ये ई: मसीह यीसू साउगी एक हूंणे री वजहा ले गैर-यहूदी लोका भी खुसी री खबरा रे ज्रीए तेस विरासता रे साझीदार हूंणे जो यहूदी लोका रा। स्यों एक ही सरीरा रे अंग ऐं, होर परमेसरा रे कितिरे वादे रे साझी ऐं, जो तिन्हें यहूदी लोका किन्हें कितिरा।

फिलिप्पियो 1:7

तुस्सा रे बारे मन्झ मेरा एह्ड़ा सोचना ठीक ई आ; क्यूंकि तुस्से सभी रे कठे मेरे मना मन्झ बौह्त खास जगहा ई। होर ऐबे जेबे हांऊँ जेल्हा मन्झ आ, होर तेबे जेबे हांऊँ खुसी री खबरा रा बचाव करणे होर एसरी सच्चाई जो जाहिर करणे रे कठे अजाद था, इन्हा दुहीं हालता मन्झ तुस्से सभ मेरे साउगी परमेसरा रे अनुग्रह जो बांडा ऐं थे।

फिलिप्पियो 2:1

क्यूंकि मसीह साउगी जुड़े हूणे री वजहा ले तुस्सा जो हिम्मत हूँआ ई, होर तुस्से मसीह रे प्यारा ले जो से तुस्सा किन्हें करहा सांति मिलाई, तुस्सा री पवित्र आत्मा साउगी संगती ई, होर मसीहे तुस्सा पर करुणा होर अनुग्रहा कितिरा।

फिलिप्पियो 3:10

हांऊँ ये ही चांहा कि मसीह जो होर तेस्सा सामर्था जो मैहसूस करी सकूं, जेस ले मसीह मरिरे मन्झ ले जिउंदे हुईरा। होर मरणे मन्झ मसीह साहीं बणी किन्हें तेस साउगी दुःखा उठाणे मन्झ साझी बणी जाऊँ,

कुलुस्सियो 1:13

क्यूंकि तिन्हें ई आस्सा जो सैताना री सक्ति ले छुड़ाई किन्हें आपणे लाडले मह्ठे रे राजा मन्झ लेई किन्हें आया।

1 थिस्सलुनकियो 1:10

होर तेसरे मह्ठे यीसू रा स्वर्गा ले वापस आऊणें रा इंतजार करदे रैहया, जेस जो परमेसरे मरिरे मन्झा ले जिउंदा कितेया, होर जो आस्सा जो आऊणें वाले न्याय रे डरा ले बचाहां।

1 तिमिथियुस 6:2

होर जिन्हारे माल्क विस्वासी ऐं, स्यों आपणे माल्का जो विस्वासी भाई हूंणे रे नाते होर भी ज्यादा इज्जत दे; बल्की तिन्हारी होर भी ज्यादा सेऊआ करहे। क्यूंकि तिन्हारी सेऊआ रा फायदा उठाणे वाले विस्वासी लोक ऐं, होर जिन्हा ले स्यों मसीह भाई हूंणे रे नाते होर भी प्यार करहे। इन्हा गल्ला जो स्खान्दा रेह, होर लोका किन्हें बोल कि स्यों इन्हा गल्ला जो मन्नेया करहे।

इब्रानियो 2:12

होर एसरे बारे मन्झ मसीह परमेसरा किन्हें बोला, “मां आपणे लोका जो दसणा कि तैं मेरे कठे कितने खरे काम कितिरे, होर तिन्हा सभी लोका रे बीचा मन्झ मां तेरी बड़ाई करणी।”

इब्रानियो 3:1

इधी कठे हे विस्वासी भाई बैहणो, तुस्से परमेसरा रे, क्यूंकि तिन्हें तुस्से स्वर्गा री जिन्दगी मन्झ साझी हूंणे रे कठे सादिरे। तेस मसीह यीसू पर ध्यान देआ जेस जो आस्से मन्ना ऐं होर जेस जो परमेसरा री खुसी री खबरा रे कठे परमेसरा रा दूत होर बडा याजक रे रूपा मन्झ भेजीरा।

इब्रानियो 3:14

जो विस्वास आस्सा रा मसीह जो अपनाणे टैमा मन्झ था, अगर आखरी ध्याड़े तक हिम्मता साउगी आस्से आपणे तेस विस्वासा मन्झ बणी रैहन्गे, ता तेबे आस्सा मसीह साउगी साझी बणी जाणा।

1 पतरस 5:1

एक होर गल ई जो हांऊँ तुस्सा लोका किन्हें यानि कलीसिया रे अगुवे किन्हें बोलणा चाहां, क्यूंकि हांऊँ भी तिन्हा साहीं एक कलीसिया रा अगुवा। मैं आपु स्यों दुःख देखिरे जो मसीहे बौह्त पैहले काटीरे। जेबे तेस दबारा वापस आऊंणा मां तेसरी महिमा रा भी साझीदार बणना। तुस्सा साहीं अगुवा हूंणे रे नाते हांऊँ तुस्सा किन्हें अर्ज करहा,

2 पतरस 1:16

जेबे आस्से चुणिरे चेले तुस्सा जो प्रभु यीसू मसीह रे दबारा वापस आऊंणा होर तेसरी सामर्था रे बारे मन्झ दसेया था, ता आस्से चुतुराई किन्हें मन घड़न्त कहाणीया नी सुणाई री थी। बल्की आस्से आपणी हाखिया ले तेसरी महानता देखी थी।

1 यहून्ना 1:1

आस्से तेसरे बारे मन्झ लिखदे लगिरे जो जिन्दगी देणे वाल़ा बचन आ, जो पुरे संसारा जो रचणे ले पैहले से था, जेसरे बारे मन्झ आस्से सुणेयां, होर जेस जो आस्से आपणी हाखिया ले देख्या, बल्की से आस्से ध्याना किन्हें देख्या; होर से आपणे हाथा किन्हें छुहेया।

1 यहून्ना 1:5

जो खबर आस्से यीसू ले सुणेयां, होर तुस्सा जो सुणाया करहा ऐं, से ये आ; कि परमेसर प्रयासा आ: होर तेता मन्झ कुछ भी न्हयारा नी आ।

1 यहून्ना 1:7

पर जिहां परमेसर प्रयासे मन्झ आ, तिहां ईं आस्सा जो भी प्रयासे मन्झ चलणा चहिए, ता आस्से एक दूजे किन्हें साथ रख्हा ऐं; होर तेसरे मह्ठा यीसू मसीहा रा खून आस्सा जो सभ पापा ले पवित्र करहा।