Yunusu 4:9 - Ma Jou ai Demo-demo o Totobelohoka

⁹ De Ma Jou wileha o Yunusika wato, “Ahi ngofaka mode itiai nongamo hokonaa ma titi ma gumi-guminika abe ihonenge gea?” De o Yunusu wopaluhu wato, “Nako ngohi, marai tato itiai tongamo dika, ngaro hiadono ka todohonengika.”

Yunusu 4:9 Iomraidhean Croise

1 Kokoano 21:4

Ho o Ahaba wolio duru de ai ngamo de duru ai himanga itafukuoka angamoi o Naboto hokogea ai babaluhu ma demo. De womaiduiha ai koioka de ai kamara ma dadaduhika wohimangika de woluku wolomo.

Yunusu 4:1

De o Yunusu duru ko wosanangiua angamoi Ma Jou ko wahibinaahaua o Niniwe ma nyawa ho hiadono wongamo.

Yunusu 4:10

De Ma Jou o Yawe wihitararono o Yunusika wato, “Ahi ngofaka, o gumi-guminika gea duru nohininga, ngaro ko ngonaua nohiwangoiye de ko iwa ani kangela enangika abe napaliara, ma duru nodora. Gea Ngohi abe tohiwangoiye, de o futu moi dika ma dekana iwango de ahao ma hoka imoraaka.

Yunusu 4:8

De ahao o wange ma gurutiyeoka de Ma Jou wohiboaino o hidaloko abe o wange ma hiwariha italoko ho o wange duru kohahauku. De o Yunusu iwidahauku hiadono ai hininga ihihihanga ho duru woigo la wohonenge dika hiadono womatemo wato, “Nako ka towango-wangohi eko tohonenge, ngohi tato koaho tohonenge dika.”

Matiusu 26:38

De Una womahingahu yaruangeika wato, “Ahi dodiawo, naa ahi hininga duru ihuha, abe duru ihilungunoka hidutu tamao hoka ngade-ngade tohonenge naa. De ngini nimagoo-gogerohi nenangoka dika de ufa inikiooko.”

2 Korintusu 7:10

De gea igoungu naga o hininga ma huha o fara moi abe Ma Jou ka idadi wapake nanga hiningaka la gea ka idadi ihihofoko o toduba nanga hiningaka. De nanga todubaino gea hiadono hanoa nanga howono de hiniikoli Ma Jouika. De gea ahao nanga gogao ma rorahai ilioli Unangika, ho ngomi ka idadi duru misanangi ma titi o hininga ma toduba gea angamoi ihihofoko ma rorahai o nyawa manga wowangoka. Masara nako o hininga ma huha abe iboa ka o duniaka de aino, gea ko idadiua yaduhunu o nyawa manga howonino, ho o duniaka ma hininga ma huha ihihofoko ka o hone-honenge dika.

Himatoko 9:6

De ma oraha gea o nyawa manga badanga ma odiri duru kohagiria hiadono yoigo ato yohonenge dika ma ko yohonengua. De ngaro manga hiningaka ato yosanangi manga bobaha adonoka, masara gea manga bobaha ko amakeuahi.

Hihira 16:16

Hokogea o ngo Delila o wange-wangeiye o Simsono miribuutu de ami hiona-ona ma demo hiadono duru wodebeturu ami hiona-onaika.