Yunusu 4:6 - Ma Jou ai Demo-demo o Totobelohoka

⁶ De Ma Jou o Yawe wohiwangoiye moi o gumi-gumini o Yunusu ai datekoka ho iwifofongo de gea o Yunusu ai hininga duru igaragoka angamoi o gumi-gumini gea iwangoiye hokogea.

Yunusu 4:6 Iomraidhean Croise

Estere 5:9

O ngo Estere ami ngolo-ngolomino yohupuoka de o Hamana duru wogarago de ai hininga iuwinoka masara ka de woboa o koano ai tau ma ngoranino de wimake o Modekai de ka itodokanino ai garago ihihanga. De gea angamoi o Modekai waniiki hoka ai biaha abe duru ko wohitunguua ai horomati o Hamanika de ko wimodongua. Abe ngaro o Hamana duru widamaanika masara o Modekai ko wofafarua ho o Hamana duru itaiti ai ngamo ipuda.

Yunusu 1:17

De o Yunusu iwiumoka dai o gahiuku de o nawoko duru ma amoko Ma Jou wohiboaino la gea o Yunusu iwilahiri masara ko wohonengua. Ho o Yunusu ai wange hangeino de ai futu hangeino, o nawoko ma amoko ma pokoro ma goronaka.

Yunusu 4:5

De Ma Jou wileha ipaha de o Yunusu ka wohidungonohi ho o kota gea wosoboka, woiki o wange ma hiwaroko, o Niniwe ma honongaika woiki de womagoo-gogere genangoka. De womadiai ai fofofongo abe o hijai-jai ma tau womataduhuku ho ma timioka womafoo-fofongika wododamaa wato, “Abeika, nako ma kota gea Ma Jou wohibinaaha eko koua.”

Yunusu 4:7

Masara ma dawangeino, duru o ngoru-ngoruminohi de Ma Jou wohidadi o habeta moi de ena gea o gumi-gumini ma roehe aolomo ho ma hoka imaaioka.

Lukasa 10:20

De abe ngini niato nigogarago, gea ufa ma titi o toka-tokata inihingounu nginika de gea dika ma titi ho hiadono niodogarago. Angamoi koaho niodogarago abe ma titi ti ngini nia roma-romanga homoi-homoi atulihukuoka o Horogaka, de ka enangohi idadi nia gogarago ma titi.”

1 Korintusu 7:30

De nginioli abe niari-ari dika ekola naga utuoli nitobagie-giete dika, ngini koaho nimatongohono la ka idadi Ma Jou niwileleani. Eko ngaro ngini abe ma ngoe nimaija-ijaino nia kiahonanga, koaho ngini niwango abe imaketero de hoka nia kiahonanga ko iwa.