Yunusu 4:11 - Ma Jou ai Demo-demo o Totobelohoka

¹¹ Ahi ngofaka, abeika gea o gumi-gumini dika de duru nodora masara naa kiani nohikohowono de o Niniwe ma kota abe ma nyawa de ma aewani duru kohangoe de nato ko itiaiua Ngohi tadora onangika. De gea ngaro o ngofa-ngofaka abe manga howono ko iwahi de manga ngoe yasana o ratuhu moi de yasana monaoko. De sarakia, ngona nato bote ona ko tadoraua?” Hokogea Ma Jou wihitararono itiai o Yunusika.

Yunusu 4:11 Iomraidhean Croise

Dodadi 9:10

De ahi behehongo naa adaene mata-mataikaoo abe o kapaino ikokihupuoka. Ho ngaro o totaleo, de o aewani o dofo de o fuhuku, ma titi mata-mataika de ma wowangoka o dunia ma lokuoka tohidoaka ahi behehongo naa.

Higiriiri 104:14

De Ngona Ma Jou o ruruubu nohiwango la o hapi ka idadi yaolomo. De naga nohiwangoiye o tonakino abe o nyawa ka idadi yopaliara, De manga datomino gea manga inomo yamake o dunia ma tonakino.

Yunusu 1:2

“Yunusu, ngona nomaoko de noiki o Niniwe ma kotaika, o kota gea ma amoko abe duru de ma buturungoka, de onangika noiki la duru nahikokingahu onangika gea Ngohi tamake abe manga datoro duru itotorouholi.”

Yunusu 3:10

De Ma Jou wamakeoka ona yagou-goungu yotobaka manga datoro itotorouino gea, ho ai dora itagi onangika de wato, “Itiai manga toduba hiadono manga dorou yanoaka, ho Ngohi naa ko tohiboauali onangika o bobinaaha abe hoka ma dihira tato tahohowono.” Hokogea Ma Jou ai demo.

Yunusu 4:10

De Ma Jou o Yawe wihitararono o Yunusika wato, “Ahi ngofaka, o gumi-guminika gea duru nohininga, ngaro ko ngonaua nohiwangoiye de ko iwa ani kangela enangika abe napaliara, ma duru nodora. Gea Ngohi abe tohiwangoiye, de o futu moi dika ma dekana iwango de ahao ma hoka imoraaka.

Matiusu 18:33

Ho tanu koaho ngonaoo ani hininga ma dora itagi ani dodiawoika gea abe imaketero hoka to ngohioli ahi hininga ma dora tapake ngonaika!’

Higalioli 1:39

Ho Ngohi ahao tahidoaka ma tonaka ti ngini nia ngofa-ngofakika abe ma oraha naa ona ko idadiuahi ihikohowono ma rorahai de ma dodorou. Abe ngini ma dodihiraka de niato bote nia ngofa-ngofaka gea o homoa ma nyawa yataokino ho yohonenge dika. Masara abeika Ngohi tato nia ngofa-ngofaka gea abe ahao yamake ma tonaka to Ngohi ahi giamino.